যিহোশূয় 6:26 - Chakma Bible

²⁶ ইয়েনর্ পরেন্দি যিহোশূয় শমক্‌ খেইনে কলদে, “এ যিরীহো শঅ‌রান যে মানুচ্চ্য আরঅ‌ তুলিবো তা উগুরে লগেপ্রভুর এ অভিশাপ্পান পুরিবো: পত্তম পূঅবোর জীংকানিগান দিইনে তে তার খুদোবো গাড়েব, আর চিগোন্‌ পূঅবোর্‌ জীংকানিগান দিইনে তা গেট্টুন্‌ তুলিবাক্‌।”

যিহোশূয় 6:26 Iomraidhean Croise

১ রাজাবলী 16:34

আহাবর সময়োত্‌ বৈথেলীয় হীয়েল যিরীহো শঅরান্‌ আরঅ বানেল। নূনোর পূঅ যিহোশূয়র মাধ্যমে লগেপ্রভুর কধা মজিম্ সে শঅরানর্‌ গড়াগান্‌ গারেবাত্তে হীয়েলর দাঙর্‌ পূঅবো অবীরামত্তুন্‌ পরাণান্ দিয়্যে পড়িলো আর তার্‌ গেদোর্‌ দুয়োরান্‌ লাগেবাত্তে তা চিগোন্‌ পূঅবো সগূবত্তুন্‌ পরাণান্‌ দিয়্যে প-লঅ।

১ রাজাবলী 22:16

রাজা তারে কলঅ, “কয়বার্‌ মুই তরে এ শমক্‌কান্ গুরিবাত্তে কোম্‌, লগেপ্রভুর নাঙে তুই সত্য কধাগান বাদে আর কিচ্ছু ন-কবে?”

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’

মথি লেখ্যে গম্ হবর্ 26:63

মাত্তর্ যীশু অলর্ গুরি থেলঅ। দাঙর্ ধর্মগুরুবো আরঅ তারে কলঅ, “তুই জেদা গোজেনর্ নাঙে শমক্ হেইনে আমারে কঅ, তুই কি সেই মশীহ, অত্তাৎ গোজেনর্ পুয়ো না হি।”

প্রেরিত্‌ 19:13

কয়েক্কো যিহূদী ভান্ন্যেই আত্মা ধাবেইনে বেড়েদাক্। প্রভু যীশুর্ নাঙ্ বেবহার গুরিনে তারা ভান্ন্যেই আত্মায় পেইয়্যে মানুচ্চুনোরে গম্ গুরিবাত্তে চেষ্টা গরা ধুরিলাক্। তারা কদাক্, “পৌলে যিবে পৌইদ্যেনে ফগদাং গরে সেই যীশুর্ নাঙে মুই তমারে নিগিলি যেবার্ উগুম দোঙর্।”

যিহোশূয় 16:7

যানোহত্তুন্‌ সিয়েন্‌ লামি যেইনে অটারোৎ আর নারঃ ওইনে যিরীহোর দুযি ঘেস্যে যর্দনত্‌ যেইনে পড়িলো।