যিহোশূয় 6:24 - Chakma Bible

²⁴ সে পরেন্দি তারা পুরো শঅ‌রান আর সিয়েন ভিদিরে বেক্কানি পুড়ি দিলাক্‌, মাত্তর্‌ সনা, রূবো আহ্‌ পিদলর আর লুয়োর্‌ পযাবিরেনি লগেপ্রভুর ঘরর ধনভান্ডালত্‌ জমা দিলাক্‌।

যিহোশূয় 6:24 Iomraidhean Croise

২ শমূয়েল 10:5

দায়ূদোরে এ কধাগান কুয়ো অলে পরেন্দি তার্‌ পাদেয়্যে সে মানুচ্চুনোর লগে দেগা গুরিবাত্তে তে কয়েকজন মানুচ্‌ পাধেই দিলো, কিত্যে সে মানুচ্চুনে অমকদ লাজত্‌ পোজ্যন্‌। রাজা তারারে কোই পাদেল, “তমা দাড়িগানি ন-উদোনা সং তুমি যিরীহোত থাগঅ; সে পরেন্দি তুমি ফিরি এচ্চ্য।”

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

১ বংশধর 18:11

ইয়েন আগেন্দি রাজা দায়ূদে ইদোমীয়, মোয়াবীয়, অম্মোনীয়, পলেষ্টীয় আর অমালেকীয়গুনো ইত্তুন্‌ সোনা আর রূবো আনিনে যেধোক্ক্যেন লগেপ্রভুর নাঙে যুদো গুরি রাগেয়োন্‌ সেধোক্ক্যেন ইয়েনিলোই তে সেধোক্ক্যেন গুরিলো।

গণাণা 31:10

মিদিয়নীয়গুনে যেদক্কানি শঅরত্‌ বজত্তি গুরিদাক সেই বেক শঅরানি আর শঅরর্‌ বারেন্দি তাম্বুল বানেইনে বজত্তি গুরিবার জাগায়ানি তারা পুড়ি ফেলেলাক্।

দ্বি’লম্বর বিররণ 13:16

সিদুগোর্ বেক্‌ লুদেয়্যে পযাপিরানি তুমি শঅরর-সংমোধ্যে নেযেইনে বেক্‌ পযাপিরানি আর সেই আদাম বা শঅরানি তুমি তমার লগেপ্রভুর নাঙে পুজ্যে-উৎসর্ব ধোক্ক্যেন গুরি বেক্কানি পুড়ি দিবা। সে জাগায়ান উমরত্তে যেনে এক্কান ভস্তর কুড়্ ওইনে পড়ি থায়; আর কনদিনঅ যেনে সিয়েনি বানানা ন-অয়।

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

দ্বি’লম্বর বিররণ 20:16

মাত্তর্‌ তমার গোজেন লগেপ্রভু সোম্বোত্তি ইজেবে যিদুক্কুন জাদরে আদাম বা শঅর তমারে দিবাত্তে যার্‌ সিদুগোর্ কাররে তুমি বাঁজেই ন রাগেবা।

যিহোশূয় 11:11

ইস্রায়েলীয়গুনে হাৎসোরর বেক্কুনোরে এক্কুবারে ভস্ত গুরি দিলো, এক্কো জেদা প্রাণীরেয়ো বাঁজেই ন-রাগেল। ইয়েনর্ পরেন্দি যিহোশূয় শঅ‌রান পুড়ি দিলো।

যিহোশূয় 6:19

বেক্‌ সনা, রূবো আহ্‌ পিদোল আর লুয়োর পযাবিরেনি লগেপ্রভুর নাঙে যুদো গরানা; সেনত্তেই সিয়েনি তার ধনভান্ডালত্‌ যেবঅ‌।”

যিহোশূয় 6:25

যিহোশূয় যে দ্বিবে চড়রে যিরীহোত্‌ পাদেয়্যে রাহব বেশ্যে মিলেবো তারারে লুগেই রাগেয়্যে বিলিনে যিহোশূয় তারে, তা বাবর পরিবারর মানুচ্চুনোরে আর ঘরর অন্যগুনোরে রোক্ষ্যে গুরিলো। রাহবে এজঅ‌ ইস্রায়েলীয়গুনো ভিদিরে বজত্তি গরের্‌।

যিহোশূয় 8:28

এধোক্ক্যেনগুরি যিহোশূয় অয় শঅ‌রান্‌ পুড়ি দিইনে সিয়েনরে উমরত্তে এক্কান ভস্তর্ কুড়্‌ বানেই রাগেল; এজঅ‌ সিয়েন্‌ এক্কান পোড়া জাগা ওই আঘে।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”