যিহোশূয় 6:23 - Chakma Bible

²³ এ কধা শুনিনে সে গাবুজ্যে চড়ুনে রাহবর ঘরঅ‌ ভিদিরে চমিনে তারে, তা মা-বাবরে, তা ভেইয়ুনোরে আর ঘরর্‌ অন্যগুনোরে নিগিলেনেই আনিলাক্‌। তারা রাহব পরিবারর বেক্কুনোরে নিগিলেই আনিনে ইস্রায়েলীয়গুনোরে তাম্বুলোর্ বারেন্দি এক্কান জাগাত্‌ থেবাত্তে দিলাক্‌।

যিহোশূয় 6:23 Iomraidhean Croise

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 18:24

শঅর ভিদিরে যুদি পঞ্চাজ্‌জন গম্‌ মানুচ্‌ থান্‌ সালে সে পঞ্চাশ জনত্ত্যে গোদা শঅরান্‌ রেহাই ন-দিইনে কি হামাক্কায় তুই সিয়েন্‌ শেজ্ গুরি ফেলেবে?

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

গণাণা 31:19

“তমা ভিদিরে যিগুনে কাররে মাজ্যন্‌ বা মারে ফেলেইনে কাররে ধোজ্যন্‌ তারাত্তুন সাত দিন সং তাম্বুলোর্‌ বারেন্দি থাহ্ পুরিবো। তিন দিনোত্‌ বা সাত দিনোত্‌ তমার্‌ নিজোর্‌ বা বোন্দী গুরি আন্যে মানুচ্চুনোরে সিজি গুরি নেযা পুরিবো।

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

প্রেরিত্‌ 27:24

‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

১ করিন্হীয় 5:12

মন্ডলীর্ বারেদি মানুচ্চুনোরে বিচের গুরিবাত্যে মর্ কি গরচ্ পোজ্জ্যে? মাত্তর্ মন্ডলীর্ ভিদিরে মানুচ্চুনোরে বিচের গরানা কি তমার্ উচিত নয়?

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

ইব্রীয় 11:31

বিশ্বেজত্তে রাহব বেশ্যে মিলেবো যিরীহো শঅরত্ বজত্তি গুরিয়্যে অবাধ্য মানুচ্চুনো সমারে ভস্ত ন-অয়, কিয়া তে সেই চড়ুনোরে সমাজ্জ্যে ধোক্ক্যেন মানি লোইয়্যে।

ইব্রীয় 11:7

যিয়েন সেক্কেয়ো দেগা ন-যায় সেই পৌইদ্যেনে গোজেনে নোহরে উজিয়ার্ গোজ্জ্যে। নোহ গোজেন-ভক্ত এলঅ বিলি গোজেনর্ কধা বিশ্বেজ্ গুরিনে এক্কান জাহাজ বানেয়্যে, যেনে তা ঘোর্‌বোবু রোক্ষ্যে পায়। নোহ তার্ বিশ্বেজ্‌চান্দোই জগদ্‌তানরে দুষি বিলিনে প্রমাণ গোজ্জ্যে আর গোজেন ইধু নিদ্দুজি বিলিনে মানি লবার্ অধিকার পেয়্যে, যিয়েন বানা বিশ্বেজর্ কারনে পাহ্ যায়।

যিহোশূয় 2:13

তুমি মর্‌ মা-বাপ, ভেই-বোন আর তারার্‌ বেক মানুচ্চুনোর পরাণান্‌ বাজেবা আর মরণ আদত্তুন আমারে রোক্ষ্যে গুরিবা।”

যিহোশূয় 2:16

তে তারারে কলঅ, “তমারে যিগুনে ধুরিবাত্তে যেইয়োন তারা যেনে তমারে থোগেইনে ন-পান সেনত্তেই তুমি মুড়োত্‌ যগোই। তুমি তিন দিন সিদু লুগি থেবা; যেরেন্দি সে মানুচ্চুনে ফিরি এজানার পর্‌ তুমি তমার পদেন্দি যেবাগোই।”

বিচের গুরিয়্যেগুন 1:25

তে তারারে পথ্‌তান্‌ দেগেই দেনার পরেন্দি তারা যেইনে শঅরর্‌ মানুচ্চুনোরে মারে ফেলেলাক্‌, মাত্তর্‌‌ সে মানুচ্চো আর তার বংশর মানুচ্চুনোরে মাব্‌ দিলাক্‌।