যিহোশূয় 6:1 - Chakma Bible

¹ সে সময়োত্‌ ইস্রায়েলীয়গুনোত্তে যিরীহো শঅরর্‌ গেট্টুন্‌ দর-মর গুরি বানি দিয়্যে ওইয়্যে। সিয়েনত্তুন কনজনে নিগিলিয়ো ন-এদাক্‌ আরঅ কনজনে ভিদিরেয়ো ন-চোমেদাক্‌।

যিহোশূয় 6:1 Iomraidhean Croise

২ শমূয়েল 10:5

দায়ূদোরে এ কধাগান কুয়ো অলে পরেন্দি তার্‌ পাদেয়্যে সে মানুচ্চুনোর লগে দেগা গুরিবাত্তে তে কয়েকজন মানুচ্‌ পাধেই দিলো, কিত্যে সে মানুচ্চুনে অমকদ লাজত্‌ পোজ্যন্‌। রাজা তারারে কোই পাদেল, “তমা দাড়িগানি ন-উদোনা সং তুমি যিরীহোত থাগঅ; সে পরেন্দি তুমি ফিরি এচ্চ্য।”

২ রাজাবলী 17:4

মাত্তর্‌ আসিরিয়ার রাজা হবর্‌ পেলদে, হোশেয় এক্কো বেঈমান, কিত্তে তে মিসরর সো রাজা ইদু দূত পাদেয়্যে আর আসিরিয়ার রাজারে বজরকে বজর্‌ যে হাজানাগুন্‌ দি এজের্‌ সিগুন্‌ আর্‌ ন-দের্‌। সেনত্তে শল্‌মনেষর হোশেষরে ধুরিনে জেলোত্‌ দিলো।

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

গীতসংহিতা 127:1

লগেপ্রভু যুনি ঘর ন-বানায় সালে মিস্ত্রীগুনে মিজে মিজে দুঘ্ গরন; যুনি লগেপ্রভু শঅরানি রোক্ষ্যে ন-গরে সালে চুগিদারুনে মিজে মিজে চুগি দুয়োন্।

যিহোশূয় 16:7

যানোহত্তুন্‌ সিয়েন্‌ লামি যেইনে অটারোৎ আর নারঃ ওইনে যিরীহোর দুযি ঘেস্যে যর্দনত্‌ যেইনে পড়িলো।

যিহোশূয় 18:21

বিন্যামীন-গুট্টির নানান্‌ বংশর ভাগত্‌ যে আদামানি আর শঅরানি পোজ্যে সিয়েনি অলঅ যিরীহো, বৈৎ-হগ্লা, এমক-কশিশ,

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 2:7

রাহবর কধানি শুনিনে সে মানুচ্চুনে চড়ুনোরে ধুরিবাত্তে নিগিলিলাক্‌। যর্দন গাঙানর্‌ যে পথ্‌তানন্দি আদিনে পার্‌ অন্‌ তারা সিদু যেবার্‌ পথ্‌তান্‌ ধুরিনে যাহ্ ধুরিলাক্। তারা শঅরর্‌ বারেন্দি যেবার লগে লগেই শঅরর্‌ দোরান্‌ বানা গেলঅ‌।

যিহোশূয় 5:15

লগেপ্রভুর সৈন্যদলর সেনাপতিবো কলঅ, “তঅ‌ টেঙর্‌ জদানি খুলি ফেলা, কিত্যে তুই যিয়েনত্‌ থিয়্যেই আগচ্‌ সে জাগায়ান পবিত্র।” যিহোশূয় সিয়েনই গুরিলো।

যিহোশূয় 6:2

লগেপ্রভু সেক্কে যিহোশূয়রে কলঅ‌, “চাহ্‌, মুই যিরীহো শঅ‌রান্‌, সিয়েনর্‌ রাজারে আর তার বেক্‌ বীর যোদ্ধাগুনোরে তঅ‌ আঢত্‌ তুলি দুয়োং।