যিহোশূয় 5:9 - Chakma Bible

⁹ ইয়েনর্ পরেন্দি লগেপ্রভু যিহোশূয়রে কলঅ‌, “মিসরত্‌ তমার যে অসর্মানান্‌ এলঅ‌ সিয়েন এচ্ছ্যে তমা ইত্তুন্‌ দূর গুরি দিলুং।” সেনত্তেই এজঅ‌ সে জাগায়ানরে গিল্‌গল বিলিনে কন্‌।

যিহোশূয় 5:9 Iomraidhean Croise

২ শমূয়েল 19:15

সেক্কে রাজা ফিরিবার পদথ্‌ যর্দন গাঙ্‌ সং লুমিলোগি। যিহূদার মানুচ্চুনে রাজার লগে দেগা গুরিনে তারে যর্দন গাঙান্‌ পার্ গুরি অানিবাত্তে গিল্‌গলত্‌ এলাক্।

গীতসংহিতা 119:39

মর্ অগমানানি তুই দূর্ গর্ যিয়েনি পৌইদ্যেনে মুই দরাং; ঘেচ্ছেক্‌গুরি তর্ সুদোমানিয়ে ভালেদি গরে।

যিরমিয় 9:25

লগেপ্রভু কোইয়্যেদে, “এমন দিন এজের্ যেক্কে মুই মিসর, যিহূদা, ইদোম, অম্মোন, মোয়াব আর ধূল্যেচর-চাগালাত্ বজত্তি গুরিয়্যে যিগুনে মাঢাবোর দ্বি ডাগেদি চুল কাবন্ তারারে বেক্কুনোরে সাজা দিম। তারারে বানা কিয়্যেদি চুনুগুলোবোর মাঢাবো চামান্ কাবা ওইয়্যে, মনেদি চুনুগুলোবোর্ মাঢাবোর্ চামান্ কাবা ন-অয়; আর ইস্রায়েলীয়গুনোরেয়ো মনেদি চুনুগুলোগুনোর্ মাঢাগুনোর্ চামান্ কাবা ন-অয়।”

যিহিষ্কেল 23:3

কম্ বয়জত্তুন্ ধুরি মিসর দেজত্ তারা বেশ্যেগিরি গুরিদাক্। সে দেজত্ মানুচ্চুনে তারার্ বুগ্‌‌‌‌‌‌‌‌‌‌‌‌‌‌‌‌কুন ধুরিনে কির্বো গুরিনে তারার্ খাটি গাবুরো জিংকানিগান বর্‌‌‌‌‌‌‌‌‌‌‌‌‌‌‌‌‌বাত্ গোজ্যন্।

যিহিষ্কেল 23:8

মিসরত্ যে বেশ্যেগিরি তে আরাম্ভ গোজ্যে সিয়েন তে ছাড়ি ন-দে; সিদু তার কম্ বয়জত্ মান্‌জ্যে তা সমারে ঘুম যেইনে তার খাটি গাবুজ্যে জিংকানিগান বর্‌বাত্ গোজ্যন্ আর তারার্ কামনাগান তা উগুরে ঢালি দিয়্যে।

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

লেবীয় 24:14

যে মানুচ্চো অভিশাব দিয়্যে তারে তাম্বুলোর্‌ বারেন্দি নেযঅ। যিগুনে তারে সেই অভিশাব দেদে শুন্যন্‌ তারা বেক্কুনে তার্‌ মাদা উগুরে আত্‌ রাগাদোক্‌, সে পরেদি ইস্রায়েলীয়গুনে তারে পাত্তর মেলা দিইনে মারে ফেলাদোক্।

আমোষ 5:5

তুমি বৈথেলত্ বা গিল্‌‌গলত্ বা বের্-শেবাত্ ন-যেয়ো, কিত্যে গিল্‌‌গল মানুচ্চুনে হামাক্কায় বন্দী ওইনে অন্য দেজত্ যেবাক্ আর বৈথেলর্ সর্বনাশ অবঅ।”

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

সফনিয় 2:8

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই মোয়াবর্ অগমান গরানার কধা আর অম্মোনীয়গুনোর ঠাট্টা-মশ্‌‌কারী গরানার কধানি শুন্যং; তারা মঅ মানুচ্চুনোরে অগমান গোজ্যন্ আর তারার্ দেজ্‌‌চান গজক্ গুরিবাক্ বিলি বাড়্‌বো গোজ্যন। মঅ জিংকানির নাঙে কঙর্, মোয়াব্‌পান্ হামাক্কায় সদোম ধোক্ক্যেন আর অম্মোনীয়গুনোর দেজ্‌‌চান ঘমোরা ধোক্ক্যেন অবঅ-সিয়েন হের্‌পদনার্ জাগা, নুনো খেত্ আর উমরর্ উগুজ্যে ভূই ওই থেবঅ। মঅ জাদর্ বাঁজি থেইয়্যে মানুচ্চুনে তারারে লুদেবাক্ আর তারা দেজ্‌‌চানি গজক্ গুরিবাক্ ।”

যিহোশূয় 24:14

সে পরেন্দি যিহোশূয় কলঅ, “ইক্কিনে তুমি খাটি মন্‌দোই বিশ্বেজ্ গুরিনে লগেপ্রভুরে ভোক্তি গরঅ আর তারে সেবা গরঅ। তমার পূরোণিমানুচ্চুনে ইউফ্রেটিস গাঙর্‌ উইপারত্‌ আর মিসর দেজত্‌ যিদুক্কুন দেব-দেবেদার পূজো গুরিদাক্‌ সিগুন্‌ তুমি দূর গুরি দিইনে লগেপ্রভুরে সেবা গরঅ।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,

যিহোশূয় 5:8

বেক্‌ মানুচ্চুনোরে জাদত্‌ তুলো অলঅ‌ আর তারা গম্‌ ন-অনা সং সেই জাগায়ানত্‌ তাম্বুল ভিদিরে থেলাক্‌।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”

১ শমূয়েল 7:16

তে পত্তি বজর্‌ বৈথেল, গিল্‌গল আর মিস্পাতদ্‌ যেইনে ইস্রায়েলীয়গুনোরে শাজন্ গুরিদো।