যিহোশূয় 5:6 - Chakma Bible

⁶ মিসরত্তুন নিগিলি এজানার্‌ সলাবোত্‌ যিগুনোর যুদ্বো গরেদে ধোক্ক্যেন্‌ বয়স ওইয়্যে তারা বেক্কুনে মুরি ন-যানা সং চোল্লিশ বজর ইস্রায়েলীয়গুনোরে ধূল্যেচর-চাগালাত্‌ ঘুরো পোজ্যে, কিত্যে তারা লগেপ্রভুর কধানি ন-মানন্‌। লগেপ্রভু তারারে শমক্‌ খেইনে কোইয়্যেদে, তারার পুরোণি মানুচ্চুনো ইদু দুধ আর মধুলোই ভোজ্যে যে দেজ্‌চান আমারে দিবো বিলিনে শমক্‌ খেইয়্যে সিয়েন্‌ তারা চেই ন-পেবাক্‌।

যিহোশূয় 5:6 Iomraidhean Croise

গীতসংহিতা 107:4

তারা ধূল্যেচর-চাগালাত মানুচ্ জন নেইয়্যে জাগাত্ ঘুরিলাক্; বজত্তি গরেদে ধোক্ক্যেন্ কনঅ শঅর্ তারা তোগেই ন-পেলাক্।

যাত্রা 3:17

সেনত্যে মুই কঙর্‌, মিসর দেজর্ অত্যেচারত্তুন্‌ নিগিলেনে মুই তমারে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনোর দেজত্‌ নেযেম্‌। সিয়েনত্ দুধ, মধু আর কনঅ কিজুর্‌ অভাব নেই।

যাত্রা 3:8

মিসরীয়গুনোর্‌ আঢত্তুন্‌ তারারে রোক্ষ্যে গুরিবাত্যে মুই লামি এচ্চোং। মুই তারারে সে দেজত্তুন্‌ নিগিলেনে কনানীয়, হিত্তীয়, ইমোরীয়, পরিষীয়, হিব্বীয় আর যিবূষীয়গুনো দেজত্‌ নেযেম্‌। দেজ্‌সান্‌ এদক্‌ দাঙর্‌ আর দোল্; সিয়েনত্‌ দুধ, মধু আর কনঅ কিজুর্‌ অভাব নেই।

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

যিহিষ্কেল 20:6

সেদিন্যে মুই তারা ইধু আরঅ শমক্ হেইয়োঙ, মিসর দেজত্তুন তারারে নিগিলেনে তারাত্তে যে দেজ্‌‌‌চান মুই ঠিগ্ গোজ্যং সে দেজত্ তারারে নেযেম্। সিদু দুধ, মধু আর কনঅ কিজুর অভাব নেই; সিয়েন বেগ্ দেজ্‌‌‌চানিত্তুন্ সেরা।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

গণাণা 26:63

যিরীহোর উই কিত্যেদি যর্দন গাঙর্‌ পাড়ত্‌ মোয়াবর্‌ সংজাগানত্‌ মানুচ্‌ গুণিবার্‌ সময়োত্‌ মোশি আর ধর্মগুরু ইলিয়াসর এই মানুচ্চুনোরে গুণি নেযেয়ে।

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 2:14

কাদেশ-বর্ণেয় ছাড়িনে সেরদ কিঝিঙান্‌ পার্‌ ওই এত্তে আমার্‌ আটত্রিশ বজর্‌ কাদি যেইয়্যে। কাদেশ-বর্ণেয় ফেলেই এবার্‌ আগেন্দি তাম্বুলোত্‌ যিদুক্কুন্‌ সৈন্য এলাক তারা বেক্কুনে এ আটত্রিশ বজর ভিদিরে লগেপ্রভুর শমক্‌ গোজ্যে কধা মজিম মুরি যেইয়োন।

দ্বি’লম্বর বিররণ 2:7

তমার গোজেন লগেপ্রভু বেক্‌ কামানিত্‌ তমারে আশিদ্‌বাদ গোজ্যে। এই দাঙর্‌ ধূল্যেচর-চাগালার্‌ ভিদিরেন্দি যেবার্‌ অক্তত্‌ তে তমারে দেগাশুনো গোজ্যে। এই চোল্লিশ্‌ছুয়ো বজর্‌ তমা গোজেন লগেপ্রভু তমা লগে লগে থেইয়্যে আর তমার্‌ কনঅ কিজুর্‌ অভাব ন-এলঅ।

দ্বি’লম্বর বিররণ 8:4

এ চোল্লিশ বজর্‌ সং তমার কিয়্যের্‌ কাবড়ানি ফাদি ন-যায় আর টেঙানিয়ো ফুলি ন-যায়।

ইব্রীয় 3:11

সেনত্যে মুই রাগে শমক্ হেইনে কোইয়োঙে, ‘মুই দোঙে জিরেবার জাগানত্ তারা যেই ন-পারিবাক্।’ ”

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 24:7

মাত্তর্‌ ইস্রায়েলীয়গুনে মইদু কানাকুদি গুরিলে পরেন্দি মুই তারার্‌ আর মিসরীয়গুনোর সংমোধ্যে আন্ধার্‌ গুরি দিলুং। মুই মিসরীয়গুনো উগুরে সাগরর্‌ পানিগান্‌ ফিরেই আনিনে তারারে ভাজেই দিলুং। মিসরীয়গুনোর অবস্থা মুই কি গোজ্যং সিয়েন দঅ‌ তুমি নিজেই দেক্কো। সে পরেন্দি তুমি ভালোক্‌ দিন ধূল্যেচরর্‌-চাগালাত্‌‌ বজত্তি গোজ্য।

যিহোশূয় 5:5

যিগুনে মিসর ফেলেইনে নিগিলি এচ্ছ্যন্‌ তারারে জাদত্‌ তুলো ওইয়্যে; মাত্তর্ মিসরত্তুন নিগিলি এজানার পরেন্দি যেবার্‌ পদথ্‌ ধূল্যেচর- চাগালাত্‌‌ যিগুনোর জর্ম ওইয়্যে সিগুনোরে কাররে জাদত্‌ তুলো ন-অয়।

যিহোশূয় 5:7

সেনত্তেই তারার্‌ জাগানিত্‌ তারার্‌ পূঅগুনোরে তে থিয়্যেই রাগেল আর যিহোশূয় ইগুনোরে জাদত্‌ তুলিলো। যেবার্‌ পদথ্‌ তারারে জাদত্‌ তুলো ন-অয় বিলিনে তারা সেক্কেয়ো জাদত্‌ ন-উঠ্যে অবস্থায় এলাক্‌।