যিহোশূয় 5:14 - Chakma Bible

¹⁴ জোবত্‌ তে কলঅ‌, “মুই কারঅ‌ পক্ষর মানুচ্‌ নয়। মুই লগেপ্রভুর সৈন্যদলর সেনাপতি; ইক্কিনে মুই ইয়েনত্‌ এচ্চ্যং।” এ কধা শুনিনে যিহোশূয় মাটিত্‌ আদু পাড়ি পড়িনে তারে সালাম্‌ গুরিলো আর পুজোর্‌ গুরিলো, “মঅ গিরোজ্‌ তা চাগর্‌বোরে কি কিজু কবাত্তে চায়?”

যিহোশূয় 5:14 Iomraidhean Croise

পত্থম 17:17

এ কধাগান শুনিনে অব্রাহামে মাটিত্‌ মাদা নিগিরি পড়িলো আর আজি আজি মনে মনে কলঅ, “সালে কামাক্কায় একশঅ বোজোজ্যে বুড়োর্‌ পুয়ো-ছা অবঅ, আর্‌ সিবে অবঅ নব্বই বোজোজ্যে মোগো পেদত্‌।”

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

২ শমূয়েল 7:19

ও প্রভু লগেপ্রভু, ইয়েন তঅ চোগোত্‌ যদবদে ন-অয়; ইয়েনর্ লগে তঅ চাগরর্‌ বংশর আগাম্ কধানিয়ো তুই কোইয়োচ্‌। ও প্রভু লগেপ্রভু, ইয়েনই যেনে মান্‌জ্যত্তে তর্‌ সুদোম অয়।

২ শমূয়েল 7:20

দায়ূদে তঅ মুজুঙোত্ আর কি কোই পারিবো? ও প্রভু লগেপ্রভু, তুই দঅ তঅ চাগর্‌বোরে হবর্‌ পাজ্।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 24:10

কন্না এই বাঈনী গুরিবার্ রাজাবো? বেগত্তুন্ খেমতাবলা লগেপ্রভুই বাঈনী পেবার্ রাজা।

যাত্রা 4:10

মোশি লগেপ্রভুরে কলঅ, “মাত্তর্ প্রভু, মুই কনঅ দিন গমেডালে কধা কোই ন-পারং। আগেয়ো ন-পারং আর তর্‌ এ চাগর্‌বো লগে তুই কধা কনার্‌ পরেন্দিয়ো ন-পারঙর্‌। মঅ মুয়োনত্‌ কধানি বাঁজি থায়, মঅ ঝিলান্ ঘুয়োর্‌।”

যাত্রা 4:13

জোবত্‌ মোশি কলঅ, “ও প্রভু, মুই কোজোলী গরঙর্‌, অন্য কনজনরে দিইনে তুই এ হবরান্ পাধেই দে।”

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

যিশাইয় 6:8

সে পরেদি মুই প্রভুর্ কধা শুনিলুং। তে কলদে, “মুই কারে পাদেম্? আমা পক্ক ওইনে কন্না যেবঅ?” মুই কলুং, “এইয়্যেদ মুই, তুই মরে পাদা।”

যিহিষ্কেল 3:23

সেনত্তে মুই উদিনে কলগত্ গেলুং। কবার গাঙ পারত্ লগেপ্রভুর যে মহিমাগান দেখ্যং সেবাবোত্যে মহিমাগান্ সিয়েনত্ দেগিলুং; আর মুই মাঢা নিগিরি পড়িলুং।

দানিয়েল 10:13

মাত্তর্ পারস্য রেজ্যর আজল্লো এগোশ্ দিন সং মরে মানা গোজ্যে। সেক্কে মীখায়েল নাঙে আজল্ স্বর্গদূততুনোর এক্কো মরে সাহায্য গুরিবাত্তে এলঅ, কিত্যে মুই পারস্য রাজাগুনো ভিদিরে গায় গায় এলুং।

দানিয়েল 12:1

“সেই সময়োত্ তঅ মানুচ্চুনোরে রোক্ষ্যে গুরিয়্যে দাঙর্ স্বর্গদূত মীখায়েলে তমা তপ্পে থিয়্যেব। এমন এক্কো দুঘো সময় এবঅ যিবে তঅ জাদর্ আরাম্ভত্তুন্ ধুরি সেই সময় সং কনদিন্‌অ ন-অয়। মাত্তর্ সেই সময় তঅ মানুচ্চুনো ভিদিরে যিগুনোর নাঙানি বোইয়ো ভিদিরে লেখ্যে থেবঅ তারা উদ্ধোর্ পেবাক্।

দানিয়েল 8:11

তে নিজোরে সেই তারাগুনোর নেতার সংসং দাবি গুরিলো। তা নাঙে গোজ্যে পত্তিদিনোর উৎসর্বর অনুষ্ঠান তে বন্ধ গুরি দিলো আর উবোসনা-ঘরান্‌অ অসিজি গরা অলঅ।

লেবীয় 9:24

লগেপ্রভুত্তুন্‌ আগুন্‌ নিগিলি এইনে পূজোবো উগুরে পুজ্যে-উৎসর্ব আর বেক্‌ তেলানি পুড়ি ফেলেল। এ বেপারান্‌ দেগিনে মানুচ্চুনে হুজি ওইনে রঅ‌ ছাড়িনে মাদিত্‌ আদুপাড়ি পড়িলাক্।

গণাণা 16:22

মাত্তর্‌ মোশি আর হারোণে মাদিত্‌ আদু পাড়ি পড়িনে কলাক্কে, “ও গোজেন, তুই বেক্‌ মানুচ্চুনোর পরাণর গিরোজ্‌। বানা এক্কো মান্‌জে পাপ গোজ্যে বিলি কি তুই গোদা ইস্রায়েলীয় সমাজ উগুরে তর্‌ রাক্কান্‌ দেগেবে?”

গণাণা 16:45

“তুমি ইগুনোত্তুন্‌ সুরি যঅ; মুই ইক্কুনি ইগুনোরে শেজ্ গুরি ফেলেম্‌।” এই কধাগান শুনিনে তারা মাদিত্‌ আদু পাড়িনে পুরিলাক।

গণাণা 22:31

ইয়েনর্ পরেদি লগেপ্রভু বিলিয়মর্‌ চোক্কুন্‌ খুলি দিলো আর তে লগেপ্রভুর দূত্‌তোরে তলোয়ার আদত্‌ গুরি পদ্‌থানর সংমোধ্যে থিয়্যেই থাগদে দেগিলো। সেক্কে তে মাদা নিগিরিনে মাদিত্‌ আদুপাড়িনে পড়িলো।

মথি লেখ্যে গম্ হবর্ 22:44

‘লগেপ্রভু মঅ প্রভুরে কোইয়্যেদে, যেদক্ষণ্ সং মুই তঅ শত্রুগুনোরে তঅ টেঙত্ তলে ন-রাগাং, সেদক্ষণ্ সং তুই মঅ ডেনেদি বস্।’

মথি লেখ্যে গম্ হবর্ 8:2

সে অক্তত্ এক্কো ফারাঙি পীড়েল্যে এইনে আঢু পাদিনে তারে সালাম্ গুরিনে কলঅ, “প্রভু, তুই আওজ্ গুরিলে মরে গম্ গুরি পারচ্।”

লূকে লেখ্যে গম্ হবর্ 1:43

মঅ প্রভুর্ মাবুয়ো মইধু এইচ্চ্যে, ইয়েন কিবাবোত্যেগুরি সম্ভব্ অলঅ?

লূকে লেখ্যে গম্ হবর্ 20:42

পবিত্র গীতসংহিতা নাঙে বোইবোত্ দায়ূদে দঅ নিজে এ কধাগান্ কোইয়্যে, প্রভু মঅ প্রভুরে কলঅ, যেদক্কন্ সং মুই তঅ শত্রুগুনোরে তঅ টেঙত্ তলে ন-থং, সেদক্কন্ সং তুই মঅ ডেন্ ধাগেদি বচ্।

লূকে লেখ্যে গম্ হবর্ 5:12

যীশু একবার্ এক্কান্ আদামত্ গেলঅ। সিয়েনত্ এক্কো মান্‌জ্যর্ গোদা কিয়্যেনত্ ভান্ন্যেই ফারাঙি এলঅ। যীশুরে দেগিনে তে মাঢা নিগিরি পড়িনে কোজোলী গুরিনে কলঅ, “প্রভু, তুই আওজ্ গুরিলে মরে গম্ গুরি পারচ্।”

যোহন 20:28

সেক্কে থোমা কলঅ, “ও মঅ গিরোজ্, ও মঅ গোজেন।”

প্রেরিত্‌ 9:6

তে কলঅ, “মুই যীশু, যিবে উগুরে তুই অত্যেচার্ গরর্। ইক্কিনে তুই উদিনে শঅরত্ যাহ্, কি গরা পুরিবো সিয়েন তরে কুয়ো অবঅ।”

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

ইব্রীয় 2:10

বেক্কানি গোজেনত্যে আর বেক্কানি তারে দিইনে ওইয়্যে। সেনত্যে ভালুক্কুন পুয়োরে তার্ মহিমার ভাগী অবার্ আজায় উদ্ধোরর্ গড়াগান যীশুর দুঘ্ পানালোই পূরোণ গরানা গোজেনত্যে ঠিগ্ কামান ওইয়্যে।

যিহোশূয় 20:1

ইয়েনর্ পরেন্দি লগেপ্রভু যিহোশূয়রে কলঅ‌,

ফগদাং পেইয়্যে 12:7

সে পরেদি স্বর্গত্ যুদ্ধো অলঅ। মীখায়েল আর তা অধীনোত্ স্বর্গদূত্‌তুনে সেই দানব আর তা দুত্‌তুনো সমারে যুদ্ধো গুরিলাক্।