যিহোশূয় 5:1 - Chakma Bible

¹ যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

যিহোশূয় 5:1 Iomraidhean Croise

পত্থম 12:6

কনান দেজ ভিদিরেদি যাদে যাদে অব্রামে শিখিম শঅর ইধু মোরির পবিত্র গাজ্‌সো সং গেলঅ। সেক্কেয়ো কনানীয়গুনে সে দেজত্‌ বজত্তি গুরিদাক্।

পত্থম 48:22

তমা ভেইয়ুনোত্তুন্‌ বেশ্‌ সোম্বোত্তি মুই তরে দিলুং। যে জাগাগান্‌ মুই তলোয়ার আর ধনুলোই যুদ্ধো গুরিনে ইমোরীয়গুনো আঢত্তুন্‌ পেইয়োং সে জাগাগান্‌ মুই তরে দিলুং।”

২ শমূয়েল 21:2

রাজা সেক্কে গিবিয়োনীয়গুনোরে ডাগিনে তারা লগে কধা কলঅ। গিবিয়োনীয়গুনে ইস্রায়েলীয় ন-এলাক্। আজলে তারা এলাক্কে ইমোরীয়গুনোর বাঁজি রোইয়্যে মানুচ্‌। তারারে ভস্ত ন-গুরিবাক্ বিলিনে ইস্রায়েলীয়গুনে শমক্‌ হেইয়োন, মাত্তর্‌ ইস্রায়েল আর যিহূদার উগুরে বিশেজ্ আওজত্তে শৌল তারারে বেক্কুনোরে মারে ফেলেবার চেট্ট্যা গুরিলো।

১ রাজাবলী 10:5

তে আরঅ দেগিলোদে তা টেবিলোর্‌ হানা, তার্‌ কামগুরিয়্যেগুনোর থেবার জাগানি, দোল্‌ কাবড়-চুগোড়্‌ পিন্যে তার সেবাগুরিয়্যেগুনোরে, তার পানীয় দিয়্যেগুনোরে আর লগেপ্রভুর ঘরত্‌ তার্‌ পুজ্যে-উৎসর্বর এ্যামানর্‌ সোংখ্যেগুন্‌। এদক্কানি দেগিনে তে আমক্‌ ওই গেলঅ।

ইষ্রা 9:1

এ কামানি থুম্ ওই গেলে পরেদি নেতাগুনে মইধু এইনে কলাক্, “ইস্রায়েলীয়গুন আর তারার্ ধর্মগুরুগুন আহ্ লেবীয়গুনে তারার্ দেজত্ বজত্তিগুরিয়্যে অন্য জাদ্‌তুনো ইত্তুন্ নিজোরে যুদো গুরি ন রাগান্। তারা কনানীয়, মিসরীয় আর ইমোরীয়গুনো ধোক্ক্যেন জঘন্য কাম গোজ্যন্।

গীতসংহিতা 135:11

তে ইমোরীয়গুনোর রাজা সীহোনরে, বাশনর রাজা ওগরে, আর কনানর বেক্ রাজাগুনোরে মারে ফেলেয়্যে।

যাত্রা 23:28

হিব্বীয়, কনানীয় আর হিত্তীয়গুনোরে তমা মুজুঙোত্তুন্‌ ধাবে দিবাত্তেই মুই তমা আগে আগে ভিঙুর্‌ পুক্‌ পাধেই দিম্‌।

যিশাইয় 41:5

লগেপ্রভুর্ এ কামান দেগিনে দূর্ দেজ মানুচ্চুনে দোরেবাক্ আর পিত্‌‌‌‌থিমীর শেজ্ দুযির্ মানুচ্চুনে গির্‌গিরেবাক্। তারা উজেই এইনে এগত্তর্ অবাক্;‌‌‌

যিহিষ্কেল 16:3

তুই কঅ, প্রভু লগেপ্রভু যিরূশালেমানরে কোইয়্যেদে, তঅ ঘরান আর তঅ জর্মর জাগায়ান কনানীয়গুনোর দেজত্; তঅ বাপ্পো অলঅ ইমোরীয় আর মাবো হিত্তীয়।

যিহিষ্কেল 21:7

তারা যেক্কে তরে পুযোর্ গুরিবাক্, ‘কিত্তে ভঅ নিজেস্ ফেলর্?’ তুই কবে, ‘যে হবরান্ এজের্ সিয়েনত্তে ভঅ নিজেস্ ফেলাঙর্। সে অক্তত্ বেক্কুনোর মনানি গুলি যেবঅ আর বেক্কুনোর আঢ্‌‌‌‌‌‌তানি ন-লুরিবো; বেক্কুনোর মনানি ভাঙিবো আর বেক্কুনোর আঢুগুন্ বল্‌‌‌‌‌‌পোজ্যে ওই যেবাক্। প্রভু লগেপ্রভু কোইয়্যেদে, সিয়েনি এজের্; সিয়েনি অবদে অবঅ।’”

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

গণাণা 13:29

অমালেকীয়গুনে থান্দে নেগেভত; হিত্তীয়, যিবূষীয় আর ইমোরীয়গুনে থান্দে মুড়ো-মুরি চাগালাত্‌ আর কনানীয়গুনে থান্দে বড়সাগর ইদু আর যর্দন গাঙর্‌ পাড়ত্‌।”

যিহোশূয় 17:12

মাত্তর্‌ মনঃশি-গুট্টির মানুচ্চুনে সে বেক্‌ শঅর্‌ আর আদামানি গজক্ গুরি ন-পারন, কিত্যে কনানীয়গুনে ঠিগ্‌ গোজ্যন্দে যে, তারা সে জাগায়ানি ছাড়ি ন-যেবাক্‌।

যিহোশূয় 17:18

ঝাড়্-জংগলে ভোজ্যে মুড়ো-মুড়ি চাগালাগানঅ তুমি পেবা। তমার সিয়েন কাবিনে তেল্‌তেল্যে গুরি নেযা পড়িবো। ঝাড়ান্‌ আর তা লগে বেক্‌ ভূইয়ানি তমার অধিকারত্ থেবঅ। কনানীয়গুনোর লুয়োর রথ থেলেয়ো আর তারা বোলী অলেয়ো তুমি তারারে ধাবেই দিবা।”

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”

বিচের গুরিয়্যেগুন 1:1

যিহোশূয়র মরাণার পরেন্দি ইস্রায়েলীয়গুনে লগেপ্রভুরে পূযোর্‌ গুরিলাক্‌, “আমা পক্ষেন্দি কনানীয়গুনো সমার যুদ্ধো গুরিবাত্তে পত্তমে কন্না যেবঅ‌।”

বিচের গুরিয়্যেগুন 11:23

ইস্রায়েলীয়গুনোর গোজেন লগেপ্রভু যেক্কে তার মানুচ্‌ ইস্রায়েলীয়গুনোর মুজুঙেত্তুন্‌ ইমোরীয়গুনোরে ধাবেই দিলো সেক্কে কি সিয়েন ফিরেই নেযেবার্‌ খেমতাগান্‌ তর্‌ আঘে?

বিচের গুরিয়্যেগুন 3:3

সে জাদ্‌তুন্‌ অলাক্‌, পলেষ্টীয়গুনে আর তারার্‌ পাচজন শাজন্‌গুরিয়্যে, বেক্‌ কনানীয়গুনে আর সীদোনীয়গুনে আহ্‌ হিব্বীয়গুনে। বাল্‌-হর্মোণ মুড়োত্তুন হমাৎ আদামান সং লেবাননর যে মুড়ো-মুড়ি চাগালাগান আঘে এ হিব্বীয়গুনে সিদু থেদাক্‌।

বিচের গুরিয়্যেগুন 4:2

সেনত্তেই লগেপ্রভু যাবীন নাঙে এক্কো কনানীয় রাজার আঢত্‌ তারারে তুলি দিলো। যাবীনে হাৎসোরত্‌ থেইনে রাজাগিরি গুরিদো। তা সেনাপতিবোর নাঙান্‌ অলঅ‌ সীষরা। তে হরোশৎ-হগোয়িম নাঙে এক্কান্‌ জাগাত্‌ থেদঅ‌।

১ শমূয়েল 25:37

বেন্যেমাদান্ যেক্কে নাবলর্‌ মাত্তল্‌ ছাড়িলো সেক্কে তা মোক্কো তারে বেক্‌ কধানি জানেল। সেক্কে নাবলর্ মনান্‌ যেন ভাঙি গেলঅ আর তে পাত্তর্‌ ধোক্ক্যেন্‌ দরঅ ওই গেলঅ।