যিহোশূয় 4:9 - Chakma Bible

⁹ যর্দন গাঙর্‌ যে জাগানত্‌ সাক্ষ্য-সুন্দুক্কো বুয়োই নেযেয়্যে ধর্মগুরুগুনে থিয়্যেই এলাক্‌ যিহোশূয় সিয়েনত্‌ আরঅ‌ বারবো পাত্তর্‌ রাগেল। পাত্তরুন ইয়ো সং সিয়েনত্‌ আগন্‌।

যিহোশূয় 4:9 Iomraidhean Croise

পত্থম 26:33

ইস্‌হাকে সে কূয়োবো নাঙান্‌ দিলো শিবিয়া (যিয়েনর্ ভেদতান্ “শমত্‌”)। সেনত্তে এজঅ সে শঅরান নাঙান্‌ বের্‌-শেবা নাঙে আঘে।

পত্থম 28:18

যাকোবে বেন্যেপোত্যে উদিলো আর যে পাত্তর্‌বো তে মাদাত্‌ তলে দিলো সিবেরে থুনি ধোক্ক্যেন উজু গুরিনে তা উগুরে তেল ঢালি দিলো।

২ শমূয়েল 4:3

কিত্যে বেরোতর্‌ মানুচ্চুনে গিত্তয়িমত্‌ ধেই যেইনে এবঅ সং সিদু বিদেশী ইজেবে বজত্তি গত্তন্।

১ রাজাবলী 18:31

তে যাকোব পূঅগুনোর্‌ পত্তি গুট্টিত্তে ইক্কো গুরি বারবো পাত্তর্‌ নেযেল। এ যাকোবরে লগেপ্রভু কোইয়্যেদে, “তঅ নাঙান্‌ অবঅ ইস্রায়েল।”

২ বংশধর 5:9

সুন্দুক্কোর্‌ এ লুদিক্কুন্‌ এদক্‌ লাম্বা এলাক্কে, সিগুনোর্‌ মাদাগুন্‌ ভিদিরে গুদিগুনোর্‌ মুজুঙোত্ আজল্‌ কামারাবোত্‌, অত্তাৎ সুদ্ধো-সাংগ জাগানত্তুন্‌ দেগা যেদঅ, মাত্তর্‌ সুদ্ধো-সাংগ জাগানর বারেত্তুন্‌ দেগা ন-যেদঅ। সিগুন্‌ এজঅ সিদু রোইয়োন্‌।

যাত্রা 24:12

সে পরেদি লগেপ্রভু মোশিরে কলঅ‌, “তুই মুড়োবো উগুরে মইদু উদি এইনে কানক্ষণ্‌ ইয়োদোই থাগ। মানুচ্চুনোরে শিক্ষ্যে দিবাত্তে পাত্তরর্‌ যে ফলক্কো উগুরে মুই রীদি-সুদোম আর উগুম্‌ লিগি রাগেয়োং সিয়েনি মুই তরে দিম্‌।”

যাত্রা 28:21

ইস্রায়েলর্‌ বারবো পূঅত্তে বেক্কুনে বারবো পাত্তর্‌ থেবাক্। সিগুনোর্‌ পত্তি বারবো গুট্টির্‌ এক্কান গুরি নাঙ্‌ খোদাই গোজ্যে থেবঅ‌, যেধোক্ক্যেন গুরি সীলমহর্‌ খোদাই গরা অয়।

মথি লেখ্যে গম্ হবর্ 27:8

সেনত্তে সেই ভূইয়ানরে এজঅ লো ভূই কুয়ো অয়।

মথি লেখ্যে গম্ হবর্ 28:15

সেক্কে চুগিদারুনে সেই টেঙাগুন্ নেযেলাক্ আর তারারে যেবাবোত্যে কুয়ো ওইয়্যে সেবাবোত্যেগুরি কলাক্। এজঅ সং সেই কধাগানি যিহূদীগুনো ইধু ছিদি পড়ি আঘে।

দ্বি’লম্বর বিররণ 34:6

মোয়াব দেজর বৈৎ-পিয়োর ইদু যে কিঝিঙান্‌ এলঅ সিয়েনত্‌ লগেপ্রভু তারে গোর্ দিলো, মাত্তর তার গোরান্ যে কুদু সিয়েন এচ্চ্যে সং কনজনে ন-জানন্‌।

যিহোশূয় 24:26

বেক্কানি তে গোজেনর্‌ রীদি-সুদোমর্ এক্কো বোইয়োত্‌ লিগি রাগেল। তে এক্কো দাঙর্‌ পাথর্‌ লোইনে লগেপ্রভুর পবিত্র জাগান ইদু এলোন গাজর্‌ গড়াত্‌ বোজেল।

যিহোশূয় 4:10

গাঙান্‌ পার্ অনার উগুম পৌইদ্যেনে মোশি যিহোশূয়রে উগুম্‌ দি যেইয়্যে। সেনত্তেই মানুচ্চুনোরে কবাত্তে যিহোশূয়রে দিয়্যে লগেপ্রভুর উগুম মজিম মানুচ্চুনে বেক্কানি ন-গরানা সং সাক্ষ্য-সুন্দুক্কো বোইয়্যে ধর্মগুরুগুনে গাঙত্‌ থিয়্যেই রলাক্‌ আর মানুচ্চুনে যাদিগুরি গাঙান্‌ পার ওই গেলাক্‌।

বিচের গুরিয়্যেগুন 1:26

ইয়েনর্ পরেন্দি সে মানুচ্চো হিত্তীয়গুনোর দেজত্‌ যেইনে এক্কান শঅর বানেল আর সিয়েনর নাঙান্‌ দিলো লূস। এজঅ‌ শঅ‌রানর সেই নাঙান্‌ আঘে।

১ শমূয়েল 30:25

সেদিন্যেত্তুন্‌ ধুরি দায়ূদে ইস্রায়েলীয়গুনোত্তে সেই মজিম্ সুদোমানি ঠিগ্ গুরি দিলো আর সিয়েনি এজঅ চালু আঘে।

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।