যিহোশূয় 4:3 - Chakma Bible

³ তারারে কঅ‌, গাঙানর সংমোধ্যে যে জাগানত্‌ ধর্মগুরুগুনে থিয়্যেই আগন্‌ তারা যেনে সে জাগানত্তুন্ বারবো পাত্তর্‌ কুড়েই নেযেইনে তমা লগে যান্‌ আর এচ্ছ্যে রেদোত্‌ তুমি যে জাগানত্‌ থেবা সিয়েনত্‌ সিগুন্‌ রাগান্‌।”

যিহোশূয় 4:3 Iomraidhean Croise

পত্থম 28:22

ইবে যে পাত্তর্‌বো মুই থুনি ধোক্ক্যেন গুরি ঠিয়েই রাগেলুং ইয়োদোই অবঅ গোজেন ঘর। ও গোজেন, তুই মরে যিয়েনি দিবে সিয়েনির দশ্‌ ভাগর্‌ এক ভাগ হামাক্কায় মুই তরে ফিরেই দিম্‌।”

গীতসংহিতা 103:2

ও মর্ পরাণান্, লগেপ্রভুর বাঈনী গর্; তার কনঅ উপকার কধা ভুলি ন-যেচ্।

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

যিহোশূয় 24:27

পরেন্দি তে বেক্‌ মানুচ্চুনোরে কলঅ্‌, “এ পাত্তর্‌বো আমা বিরুদ্ধে সাক্ষী ওই থেবঅ। লগেপ্রভু আমা ইদু যেদক্কানি কধা কোইয়্যে সিয়েনি এ পাত্তর্‌বো শুন্যে। যুনি তুমি তমার গোজেনরে অস্বীগের্‌ গরঅ সালে ইবে তমার বিরুদ্ধে সাক্ষ্য দিবো।”

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

যিহোশূয় 4:4

যিহোশূয় ইস্রায়েলীয়গুনোর পত্তি গুট্টিত্তুন একজন গুরি যে বারজনরে নেযেল তারারে ডাগিনে কলঅ, “তুমি যর্দন গাঙত্‌ লামিনে তমা গোজেন লগেপ্রভুর সাক্ষ্য-সুন্দুগো ইদু যঅ‌ আর ইস্রায়েলীয়গুনোর বারবো গুট্টিত্তে পত্তিজনে এক্কো গুরি বেক্কুনে বারবো পাত্তর্ কানাত্‌ তুলি লঅ।

যিহোশূয় 4:8

ইস্রায়েলীয়গুনে যিহোশূয়র উগুম মজিম্‌ কাম্‌ গুরিলাক্‌। লগেপ্রভু যিহোশূয়রে যিয়েনি কোইয়্যে সেধোক্ক্যেন ইস্রায়েলীয়গুনে তারার বারবো গুট্টিত্তে যর্দন গাঙর্‌ সংমোধ্যেত্তুন বারবো পাত্তর্ তোগেই নিলাক্‌। পরেন্দি সিগুন নিইনে তারা যিয়েনত্‌ রেত্তো কাদেলাক্‌ সিয়েনত্‌ থোই দিলাক্‌।

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।