যিহোশূয় 4:23 - Chakma Bible

²³ আমি লোহিত সাগরান্‌ পার্‌ ওই ন-যানা সং তমা গোজেন লগেপ্রভু যেধোক্ক্যেন্‌ আমা মুজুঙোত্‌ সাগরান শুগুনো অবস্থায় রাগেয়্যে সেধোক্ক্যেন্‌ যর্দন গাঙানত্অ সিয়েনই গুরিলো। তুমি গাঙান পার্ ওই ন-যানা সং তমা গোজেন লগেপ্রভু তমা মুজুঙোত্‌ যর্দন গাঙান শুগুনো অবস্থায় রাগেই দিয়্যে।

যিহোশূয় 4:23 Iomraidhean Croise

১ রাজাবলী 8:43

সেক্কে তর্‌ থেবারঘর স্বর্গত্তুন্‌ তুই সিয়েনি শুনিচ্‌। তে যিয়েনি চায় তাত্তে সিয়েনি গুরিচ্‌ যেনে পিত্তিমীর বেক্‌ মানুচ্চুনে তরে হবর্ পান্‌ আর তঅ নিজোর মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিগুরি দরান্‌ আর হবর্‌ পান, মর্‌ বানেয়্যে এ ঘরান্‌ তঅ ঘর্‌।

নহিমিয় 9:11

তুই তারার্‌ মুজুঙোত্‌ সাগরানরে দ্বিভাগ্‌ গোজ্যস্‌, সেনত্তেই তারা শুগুনো ভূইয়ানর্‌ উগুরেন্দি পার্‌ ওই যেইয়োন্‌; মাত্তর্‌ যিগুনে তারারে লোড়েইনে এত্তন্‌ তুই তারার্‌ পানিগানর্‌ গঙার্‌লোই পাত্তর্‌ ফেলাইদে ধোক্ক্যেন্‌ গুরিনে গভীন্‌ পানিত্‌ ফেলে দুয়োজ্‌।

গীতসংহিতা 78:13

তে সাগরান দ্বিভাগ গুরিনে সংমোধ্যেন্দি তারারে নেযেয়্যে; তে পানিগানরে ভিদে ধোক্ক্যেন্ গুরি থিয়্যেই রাগেয়্যে।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যাত্রা 15:19

ফরৌণর বেক্‌ ঘোড়াগুন, রথ্‌তানি আর ঘোড়া বাহিনীগুনে যেক্কে বড়গাঙ ভিদিরে চোমেলাক্‌ সেক্কে লগেপ্রভু বড়গাঙর্‌ পানিগান তারা উগুরেদি ফিরেই আনিলো। মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো জাগান উগুরেদি আঢি আঢি যেইয়োন্।

যিশাইয় 43:16

লগেপ্রভু সাগর ভিদিরেদি পথ বানেয়্যে, সেই গভীন্ সাগর ভিদিরেদি পথ গোজ্যে।