যিহোশূয় 4:18 - Chakma Bible

¹⁸ সেক্কে যে ধর্মগুরুগুনে লগেপ্রভুর সাক্ষ্য-সুন্দুক্কো বুয়োই নেযাদন্‌ তারা গাঙর্‌ সং মোধ্যেত্তুন উদি এইনে শুগুনো মাদিত্‌ টেং দেনার্‌ লগে লগে গাঙর্‌ গঙার পানিগান আরঅ তুবোল্‌ উদিলো আহ্‌ আগঅ‌ ধোক্ক্যেন্‌ দ্বিপার পানিলোই ভাসি গেলঅ।

যিহোশূয় 4:18 Iomraidhean Croise

১ বংশধর 12:15

সে বজর পত্তথম্‌ মাজত্‌ যেক্কে যর্দন গাঙ পানিগান পার উগুরে উদি যেইয়্যে সেক্কে ইগুনে পার্‌ ওইনে গাঙ পূগেন্দি আর পোজিমেন্দি কিজিঙোত্‌ বজত্তি গোজ্যে বেক্কুনোরে ধাবেই দুয়োন্‌।

যিশাইয় 8:8

আর সিয়েন যিহূদা দেজ ভিদিরে জোড়ে এইনে পুরিবো আর উদুরে উদিনে গত্তনা সং বাড়িবো। ও ইম্মানূয়েল, আসিরিয়ার রাজা তা মেল্যে ডুয়োগানিলোই তঅ পুরো দেজ্‌ছান নাঢি ফেলেব।

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

যিহোশূয় 3:15

ফসল কাবিবার পুরো সময়ানত্‌ সচরাচর্‌ যর্দন গাঙর্‌ দ্বিপারানি পানিয়ে ভাঝি যেদঅ‌। মাত্তর্ সাক্ষ্য-সুন্দুক বোইয়্যে ধর্মগুরগুনে যর্দন ইদু লুমোনার পরেন্দি তারা পানিত্‌ টেঙ্‌ দিলাক্‌ এমনে উগুরেত্তুন বেঈ এচ্চ্যে গঙার্‌ পানিগান থামেল। সে পানিগান ভালোদ্‌ দূরোত্‌ সর্তন শঅরর্‌ কায়-কুরে আদম আদামর ইদু অজল্‌ ওইনে ফুলি উদিলো; আর সেক্কে যে পানিগান অরাবার সাগর ইন্দি, অত্তাৎ নুন সাগরর্‌ ইন্দি বেঈ যার্‌ সিয়েন্‌ এক্কুবারে বন্ধ ওই গেলঅ। সেক্কে ইস্রায়েলীয়গুনে যিরীহো শঅরর্‌ ঠিগ্‌ উই পারন্দিত্তুন্‌ গাঙান্‌ পার্‌ অলাক্‌।

যিহোশূয় 4:11

তারা বেক্কুনে পার্‌ অনার পরেন্দি লগেপ্রভুর সাক্ষ্য-সুন্দুক্কো নিইনে ধর্মগুরুগুনে মান্‌জ্যর্‌ চোগো মুজুঙোত্‌ এপারত্‌ এইনে উদিলাক্‌।

যিহোশূয় 4:17

সেনত্তে যিহোশূয় ধর্মগুরুগুনোরে যর্দন গাঙত্তুন উদি এবাত্তে উগুম দিয়্যে।

যিহোশূয় 4:19

বজরর্‌ পত্তম মাজর দশ দিনোত্‌ মানুচ্চুনে যর্দনত্তুন উদি এইনে যিরিহোর পুগ দুযিত্‌ গিল্‌গলত্‌ যেইনে তাম্বুল্‌ ফেলেলাক,