যিহোশূয় 4:12 - Chakma Bible

¹² মোশি যে উগুমানি দি যেইয়্যে সে মজিম রূবেণ আর গাদ-গুট্টির বেক্কুনে আহ্‌ মনঃশি-গুট্টির অর্দ্দেক মানুচ্‌ যুদ্ধোত্তে যুক্কোল্‌ ওইনে ইস্রায়েলীয়গুনোর আগে আগে পার্ ওই যেইয়োন।

যিহোশূয় 4:12 Iomraidhean Croise

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

গণাণা 1:24

গাদর বংশধরুনো ভিদিরে যিগুনোর্‌ বয়স কুড়ি বা তাত্তুন্‌ বেশ্‌, অত্তাৎ যিগুনে যুদ্ধোত্‌ যেবার্‌ অক্ত ওইয়োন, বংশ আর পরিবারর্‌ পরিচয় মজিম তারার্‌ নাঙানি লিগি নেযা অলঅ।

গণাণা 32:17

মাত্তর্‌ ইস্রায়েলীয়গুনোরে তারার্‌ নিজোর্‌ জাগানত্‌ লুমেই ন-দেনা সং আমি যুদ্ধোর্‌ সাজে তারার্ আগে আগে যেবাত্তে যুক্কোল আগিই। ইয়েন ভিদিরে আমার্‌ পরিবার্‌বো দেবাল-ঘিজ্যে শঅরত্‌ বজত্তি গুরিবো যেনে এই দেজর্‌ মানুচ্চুনো আঢত্তুন্‌ তারা রোক্ষ্যে পান।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 33:21

বেক জাগানিত্তুন্ সেরা জাগা তে বেঈ নেযেয়ে; নেতার যগাজ্যে পাওনা তাত্যে রাগেয়্যে আঘে। যুদ্ধোত্‌ এগত্তর ওইয়্যে সর্দারুনো ভিদিরে তেয়ই লগেপ্রভুর ন্যায়ে-ভোজ্যে উগুম পালেয়্যে, পালেয়্যে ইস্রায়েলরে দিয়্যে লগেপ্রভুর সুদোমানি।”

যিহোশূয় 1:14

যর্দনর পূগেন্দি যে জাগায়ান মোশি তমারে দিয়্যে সিদু তমা মোক্‌, পূঅ-ঝি আর এ্যমানপালুন্‌ রাগেই পারিবো, মাত্তর্‌ তমা ভিদিরেত্তুন্‌ যিগুনে যুদ্ধো গুরি পারন্‌ তারারে বেক্কুনোরে যুদ্ধো গুরিবাত্তে যুক্কোল্‌ ওইনে তমা ভেইয়ুনোর আগে আগে গাঙান্‌ পার ওইনে যাহ্‌ পুরিবো।

যিহোশূয় 4:11

তারা বেক্কুনে পার্‌ অনার পরেন্দি লগেপ্রভুর সাক্ষ্য-সুন্দুক্কো নিইনে ধর্মগুরুগুনে মান্‌জ্যর্‌ চোগো মুজুঙোত্‌ এপারত্‌ এইনে উদিলাক্‌।

যিহোশূয় 4:13

যুদ্ধো গুরিবাত্তে প্রায় চোল্লিশ আজার মানুচ্‌ আত্যের্‌ আদত্‌ লগেপ্রভুরে মুজুঙোত্‌ রাগেইনে গাঙান্‌ পার্‌ ওইনে যিরিহোর সং জাগানত্‌ গেলাক্‌।