যিহোশূয় 3:8 - Chakma Bible

⁸ তুই সাক্ষ্য-সুন্দুক্কো বুয়োই নেযেয়্যে ধর্মগুরুগুনোরে কোইদে যেনে তারা যর্দন গাঙর্‌ দুযিত্‌ লুমিনে উজেই যেইনে পানি সংমোধ্যে থিয়্যেই থান্।”

যিহোশূয় 3:8 Iomraidhean Croise

২ রাজাবলী 2:6

ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

২ বংশধর 29:15

তারা তারার্‌ লেবীয় ভেইয়ুনোরে এগত্তর্‌ গুরিনে লগেপ্রভুর নাঙে নিজোরে ফারগ্‌ গুরিলাক্‌। সে পরেন্দি লগেপ্রভুর কধামজিম্‌ রাজার্‌ উগুম্‌ মজিম তারা লগেপ্রভুর ঘরান্‌ সিজি গুরিবাত্তে ভিদিরে গেলাক্‌।

২ বংশধর 29:27

সে পরেন্দি হিষ্কিয় পূজোবো উগুরে পূজ্যে-উৎসর্বর পরবর্‌ উগুমান্‌ দিলো। এ উৎসর্বর পরব্‌পান আরাম্ভ অলে লগেপ্রভুর নাঙে গান্‌অ আরাম্ভ অলঅ আর তা লগে ইস্রায়েলর রাজা দায়ূদোর্‌ বাজানা আর তূরীগুন্‌ বাজা অলঅ।

২ বংশধর 29:30

রাজা হিষ্কিয় আর তার্‌ কাম্‌গুরিয়্যেগুনে দায়ূদোর্‌ আর চেইচিদিয়্যে আসফর রোজেয়্যে-গান্‌নোলোই লগেপ্রভুর নাঙে বাঈনী গুরিবাত্তে লেবীয়গুনোরে উগুম্‌ দিলো। সেক্কে তারা হুজি ওইনে নাঙ গিনেদে-গান গেলাক্‌ আর মাদিত্‌ মাধা নিগিরিনে লগেপ্রভুরে ভোক্তি জানেলাক্‌।

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

নহিমিয় 13:22

সে পরেন্দি মুই লেবীয়গুনোরে উগুম্‌ দিলুঙ্‌ যেনে তারা নিজোরে সিজি গুরিনে জিরেবার্‌ দিন্নোত্‌ সুদ্ধো-সাংগ রাগেবাত্তে যেইনে গেট্টুনোত্‌ চুগি দুয়োন্‌। ও মর্‌ গোজেন, ইয়েনত্তেয়ো তুই মরে মনত্‌ রাগেজ্‌ আর তর্‌ অমকদ কোচ্‌পানা অনুসারে মরে দোয়্যে গর্‌।

নহিমিয় 13:28

আজল্‌ ধর্মগুরু ইলিয়াশীবোর্‌ পূঅ যিহোয়াদার এক্কো পূঅ হোরোণীয় সন্‌বল্লটর ঝিবোরে লোইয়্যে। সেনত্তেই মুই সে পূঅবোরে মর্‌ কায়-কুরেত্তুন্‌ ধাবেই দিলুং।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 3:7

সেক্কে লগেপ্রভু যিহোশূয়রে কলঅ‌, “এচ্চ্যেত্তুন ধুরি বেক্‌ ইস্রায়েলীয়গুনোর চোগোত্‌ মুই তঅ সর্মানান্‌ বাড়েবাত্তে আরাম্ভ গুরিম্‌, যেনে তারা বুঝি পারন্‌, মুই যেধোক্ক্যেন গুরি মোশি লগে এলুং সেধোক্ক্যেন তঅ‌ লগেয়ো আগঙ্‌।

যিহোশূয় 3:9

যিহোশূয় ইস্রায়েলীয়গুনোরে কলঅ‌, “তুমি ইদু এজঅ‌ আর তমা গোজেন লগেপ্রভু যিয়েনি কোইয়্যে সিয়েনি শুনো।

যিহোশূয় 4:11

তারা বেক্কুনে পার্‌ অনার পরেন্দি লগেপ্রভুর সাক্ষ্য-সুন্দুক্কো নিইনে ধর্মগুরুগুনে মান্‌জ্যর্‌ চোগো মুজুঙোত্‌ এপারত্‌ এইনে উদিলাক্‌।