যিহোশূয় 3:5 - Chakma Bible

⁵ ইয়েনর্ পরেন্দি যিহোশূয় মানুচ্চুনোরে কলঅ‌, “তুমি নিজোরে সিজি গুরি নেযঅ‌, কিত্যে এযেত্যেকেল্যে লগেপ্রভু তমা ভিদিরে ভালক্কানি আমক্‌ কাম্‌ গুরিবো।”

যিহোশূয় 3:5 Iomraidhean Croise

ইয়োব 1:5

তারার্‌ হানার্‌ দিনুন্‌ থুম্‌ অলে পরেদি ইয়োবে তারারে ডাগি আনিনে সিজি গুরিদো। বেন্যেপোত্যে তে তারার্‌ পত্তি জনত্তে এক্কো গুরিনে পুজ্যে-উৎসর্বর পরব্‌ গুরিলো। তে মনে গুরিদো, “মঅ‌ ঝি-পূঅগুনে অয়ত পাপ গোজ্যন্‌ আর মনে মনে গোজেনরে অসর্মান গোজ্যন্‌।” ইয়োবে আমিঝে এবাবোত্যে গুরিদো।

গীতসংহিতা 77:15

তুই তর্ মানুচ্ যাকোব আর যোষেফ বংশধরুনোরে তর্ দরমর আঢ্‌তোই উদ্ধোর গোজ্যস্।

গীতসংহিতা 86:10

তুই দাঙর্ আর আমক্ অবার্ কাম গুরি থাচ্; বানা তুয়ই গোজেন।

যোয়েল 2:16

মানুচ্চুনোরে এগত্তর্ গুরিনে গোজেন নাঙে তারারে যুদো গর্; বুড়ো নেতাগুনোরে এক জাগাত্ ডাগ্, যিগুনে বুগো দুধ হান্ তারারে আর পুয়ো-ঝিগুনোরে এগত্তর্ গর্। নুয়ো বৌ নুয়ো জামেয় ঘর ফেলেই এত্তোক্।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 20:7

তুমি মর্‌ নাঙে নিজোরে যুদো গুরি নিইনে পবিত্র ওইয়ো, কিত্যে মুই লগেপ্রভু তমার গোজেন।

গণাণা 11:8

মানুচ্চুনে ঘুরি ফিরি সিগুন্‌ কুড়েইনে আনিদাক আর কল্লোই বা পাত্তর্‌লোই নিগুজ্‌ গুরি নিদাক। সিগুন্‌ তারা পিলেলোই উঝিদাক বা সিগুনদোই পিদে বানেদাক্। সিয়েরর্‌ চোত্তান্‌ এলদে জলপাইয়োর্‌ তেল দিইনে বানেয়ে পিদে ধোক্ক্যেন।

যোহন 17:19

তারাত্যে তর্ নাঙে মুই নিজোরে যুদো গোজ্যং যেন সত্যলোই তারারেয়ো ফারগ্ গরা অয়।

যিহোশূয় 3:13

তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

যিহোশূয় 3:15

ফসল কাবিবার পুরো সময়ানত্‌ সচরাচর্‌ যর্দন গাঙর্‌ দ্বিপারানি পানিয়ে ভাঝি যেদঅ‌। মাত্তর্ সাক্ষ্য-সুন্দুক বোইয়্যে ধর্মগুরগুনে যর্দন ইদু লুমোনার পরেন্দি তারা পানিত্‌ টেঙ্‌ দিলাক্‌ এমনে উগুরেত্তুন বেঈ এচ্চ্যে গঙার্‌ পানিগান থামেল। সে পানিগান ভালোদ্‌ দূরোত্‌ সর্তন শঅরর্‌ কায়-কুরে আদম আদামর ইদু অজল্‌ ওইনে ফুলি উদিলো; আর সেক্কে যে পানিগান অরাবার সাগর ইন্দি, অত্তাৎ নুন সাগরর্‌ ইন্দি বেঈ যার্‌ সিয়েন্‌ এক্কুবারে বন্ধ ওই গেলঅ। সেক্কে ইস্রায়েলীয়গুনে যিরীহো শঅরর্‌ ঠিগ্‌ উই পারন্দিত্তুন্‌ গাঙান্‌ পার্‌ অলাক্‌।

যিহোশূয় 3:4

সেক্কে তুমি বুঝি পারিবা তমাত্তুন কন্‌ পদেন্দি যাহ্‌ পুরিবো, কিত্যে তুমি ইয়েনর আগেন্দি কনদিনঅ‌ এ পথ্‌তানন্দি ন-যঅ‌। মাত্তর্‌ তুমি সাক্ষ্য-সুন্দুগো ইত্তুন্‌ প্রায় দ্বিআজার আত্‌ দুরোত্‌ থেবা, তাইদু ন-যেবা।”

যিহোশূয় 3:6

পরেন্দি তে ধর্মগুরুগুনোরে কলঅ‌, “তুমি সাক্ষ্য-সুন্দুক্কো তুলি নেযেইনে মানুচ্চুনোর আগে আগে গাঙান্‌ পার্‌ ওই যঅ‌।” সেনত্তেই তারা সাক্ষ্য-সুন্দুক্কো তুলি নেযেইনে মানুচ্চুনোর আগে আগে যাহ্ ধুরিলাক্‌।

যিহোশূয় 7:13

“তুই যেইনে মানুচ্চুনোরে মঅ‌ নাঙে যুদো গুরি নেযা। তারারে কঅ‌ যেন তারা এযেত্যে কেল্যেত্তে নিজোরে সিজি গরন্‌। ইস্রায়েলীয়গুনোর গোজেন্‌ লগেপ্রভু কোইয়্যে, ‘ও ইস্রায়েল, তমা ভিদিরে এন্‌ কদক্কানি জিনিস আঘে যিয়েনি ভস্তর্ অভিশাবর তলে। সিয়েনি তমা ভিদিরেত্তুন দূর্ গুরি ন-ফেলানা সং তুমি তমার শত্রুগুনোর বিরুদ্ধে থিয়্যেই ন-পারিবা।

১ শমূয়েল 16:5

জোবত্‌ শমূয়েলে কলদে, “অয়, মুই শান্তির মনভাব লোইন এচ্ছোং। লগেপ্রভুর নাঙে মুই এক্কো য়েমান-উৎসর্বর অনুষ্ঠান গুরিবাত্তে এচ্ছোং। তুমি নিজোরে সিজি গুরিনে মঅ লগে এই অনুষ্ঠানত্‌ মিজোগি।” ইয়েন কোইনে তে যিশয় আর তার পূঅগুনোরে সিজি গুরিলো আর সেই অনুষ্ঠানত্‌ মিজেবাত্তে তারারে বাত্যেল।