যিহোশূয় 3:17 - Chakma Bible

¹⁷ যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 3:17 Iomraidhean Croise

২ রাজাবলী 2:8

এলিয় তা কিয়্যের কাবড়ান্‌ বুদিনে সিয়েন্দোই পানিগান উগুরে বাজ্জেল। সেক্কে পানিগান ডেনে-বাঙে দ্বিভাগ ওই গেলঅ আর তারা দ্বিজনে শুগুনো মাদি উগুরেন্দি পার্ ওই গেলাক্‌।

গীতসংহিতা 66:6

তে দোজ্যে সাগরানরে গোজ্যে শুগুনো জাগা; তারা ঠেঙোই আঢিনে গাঙান্ পার্ ওইয়োন। এজ, আমি দেজ ভিদিরে তারে নিইনে ফুত্তি গুরিই।

যাত্রা 14:21

পরেদি মোশি বড়গাঙ উগুরে তার্‌ আত্তান্‌ বাড়েই দিলো; আর লগেপ্রভু গোদা রেত্তো ধুরিনে এক্কান পূগেন্দিত্তুন্ বোইয়্যের্‌ জোরে বেঈনে বড়গাঙর্‌ পানিগানরে দ্বিকিত্তেদি সোরেই দিলো। তে পানিগানরে দ্বিভাগ্‌ গুরিনেই বড়গাঙর্‌ ভিদিরেদি এক্কান্‌ শুগুনো পথ বানেই দিলো।

যাত্রা 14:22

ইস্রায়েলীয়গুনে বড়গাঙর্‌ সংমোধ্যেদি শুগুনো মাদির্‌ পথতান্‌ বেইনে আঢা মারিলাক্। তারার্‌ ডেনে-বাঙেদি বড়গাঙর্‌ পানিগান দেবাল ধোক্ক্যেন ওইনে দ্বিডাগেদি ঠিয়্যেই রলঅ‌।

যাত্রা 14:29

মাত্তর্‌ ইস্রায়েলীয়গুনে বড়গাঙর্‌ সংমোধ্যেদি শুগুনো পথ ধুরিনেই যেয়োন্দোই। তারার্‌ ডেনে-বাঙেদি পানিগান্‌ দেবাল ধোক্ক্যেন ওই ঠিয়্যেই রলঅ‌।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

ইব্রীয় 11:29

বিশ্বেজ্ গুরিনে ইস্রায়েলীয়গুনে শুগুনো মাদি উগুরেদি আঢি যাইদ্যে ধোক্ক্যেন গুরিনে লোহিত সাগরান্ পার্ ওইয়োন মাত্তর্ মিসরীয়গুনে সিয়েন গুরিবাত্যে যেইনে ডুবিনে মুরিলাক্।

যিহোশূয় 4:1

এবাবোত্যেগুরি পুরো ইস্রায়েল জাদ্‌তো যর্দন গাঙান্‌ পার অনার পরেন্দি লগেপ্রভু যিহোশূয়রে কলঅ‌,

যিহোশূয় 4:10

গাঙান্‌ পার্ অনার উগুম পৌইদ্যেনে মোশি যিহোশূয়রে উগুম্‌ দি যেইয়্যে। সেনত্তেই মানুচ্চুনোরে কবাত্তে যিহোশূয়রে দিয়্যে লগেপ্রভুর উগুম মজিম মানুচ্চুনে বেক্কানি ন-গরানা সং সাক্ষ্য-সুন্দুক্কো বোইয়্যে ধর্মগুরুগুনে গাঙত্‌ থিয়্যেই রলাক্‌ আর মানুচ্চুনে যাদিগুরি গাঙান্‌ পার ওই গেলাক্‌।

যিহোশূয় 4:11

তারা বেক্কুনে পার্‌ অনার পরেন্দি লগেপ্রভুর সাক্ষ্য-সুন্দুক্কো নিইনে ধর্মগুরুগুনে মান্‌জ্যর্‌ চোগো মুজুঙোত্‌ এপারত্‌ এইনে উদিলাক্‌।

যিহোশূয় 4:22

সেক্কে তুমি তারারে ক‌বাদে, ‘ইস্রায়েলীয়গুনে শুগুনো মাদি উগুরেদি আদিনে এ যর্দন গাঙান্‌ পার্‌ ওই যেইয়োন।’

যিহোশূয় 4:3

তারারে কঅ‌, গাঙানর সংমোধ্যে যে জাগানত্‌ ধর্মগুরুগুনে থিয়্যেই আগন্‌ তারা যেনে সে জাগানত্তুন্ বারবো পাত্তর্‌ কুড়েই নেযেইনে তমা লগে যান্‌ আর এচ্ছ্যে রেদোত্‌ তুমি যে জাগানত্‌ থেবা সিয়েনত্‌ সিগুন্‌ রাগান্‌।”

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।