যিহোশূয় 3:13 - Chakma Bible

¹³ তুমি দেগিবা পুরো পিত্‌থিমীগানর গিরোজ্‌ লগেপ্রভুর সাক্ষ্য-সুন্দুক বোইয়্যে ধর্মগুরুগুনে যেইনে যর্দনর পানিত্‌ টেঙ্‌ দিবাক্‌ এমনে তা উগুরেত্তুন বেঈ যেইয়্যে গঙার্‌ পানি থামেই যেবঅ আর সে পানিগান অজল্‌ ওইনে থিয়্যেই যেবঅ‌।”

যিহোশূয় 3:13 Iomraidhean Croise

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

গীতসংহিতা 33:7

তে সাগর পানিগান এগত্তর্ গুরিনে তুবেয়্যে, আর নানান্ ভান্ডালত্ সে গভীন পানিগান রাগায়।

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গীতসংহিতা 78:13

তে সাগরান দ্বিভাগ গুরিনে সংমোধ্যেন্দি তারারে নেযেয়্যে; তে পানিগানরে ভিদে ধোক্ক্যেন্ গুরি থিয়্যেই রাগেয়্যে।

যাত্রা 15:8

তর্‌ নিশ্বেজর্ থেলায় পানিগান্ এগত্তর্‌ ওই উদিলো। তুবোল্লোই ভোজ্যে বেক্‌ পানিগান খুদো ধোক্ক্যেন ওইনে ঠিয়্যেই গেলঅ, আর তলা ন-পেইয়্যে পানিগান্‌ জমা অলঅ সাগরর্‌ বুগোত্‌।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

হবক্‌‌‌‌কূক 3:15

তর্ পরিচালনায় ঘোড়াগুনে সাগর ইন্দি গেলাক্ আর দাঙর্ পানি গঙারানরে উলোট-পালোট্ গুরিলো।

সখরিয় 4:14

সেক্কে তে কলঅ, “সেই দ্বিবে অলঅ সেই দ্বিজন যিগুনে পুরো দুনিয়েগান প্রভুর সেবা গুরিবাত্তে অভিষিক্ত ওইয়োন।” ‌‌

যিহোশূয় 3:11

যিবে গোদা পিত্‌থিমীগানর গিরোজ্‌ তার সাক্ষ্য-সুন্দুক্কো তমা আগে আগে যর্দন গাঙান ভিদিরে যেবঅ‌।