যিহোশূয় 3:1 - Chakma Bible

¹ যিহোশূয় বেন্যেপোত্যে ঘুমোত্তুন্ উদিনে বেক্‌ ইস্রায়েলীয়গুনো লগে শিটীমত্তুন যাহ্ ধুরিনে যর্দন গাঙানর্‌ ইদু গেলঅ‌। গাঙান্‌ পার্‌ ন-অনা সং তারা সিয়েনত্‌ রলাক্‌।

যিহোশূয় 3:1 Iomraidhean Croise

পত্থম 21:14

সেক্কে অব্রাহামে বেন্যেপোত্যে উদিনে কিজু হানা আর পানি ভোজ্যে এক্কো চাম থৈল্যে হাগার করত্ তুলি দিলো। সে পরেদি পুয়োবোরে তা আদত্‌ দিইনে তারে বিদেয়্‌ গুরি দিলো। সিয়েনত্তুন্‌ নিগিলেনে হাগারে বের্‌-শেবার ধূল্যেচর ভূইয়ো-চাগালাত্‌ ঘুরি ঘুরি থেলঅ।

পত্থম 22:3

সেনত্তে অব্রাহামে বেন্যেপোত্যে উদিনে এক্কো গাধা পিদিত্‌ উদিলো। সে পরেদি তার পুয়ো ইস্‌হাক আর দ্বিজন চাগররে লগে নেযেল, পুজ্যে-উৎসর্বত্তে দার্‌বো কাবি নেযেনে যে জাগায়ান কধা গোজেনে তারে কোইয়্যে সিন্দি যাহ্ ধুরিলো।

গীতসংহিতা 119:60

তুই যে উগুমানি দুয়োচ্ সিয়েনি মুই যাদিমাদি পালন গোজ্যং, দেরি ন-গরং।

যিরমিয় 25:3

যোশিয়র পুয়ো যিহূদার রাজা আমোনর রাজাগিরির তের বজরত্তুন্ ধুরি এদক্ বিলোন সং, অত্তাৎ এই তেইশ বজর ধুরি লগেপ্রভুর কধানি মইধু ফগদাং ওইয়্যে আর মুই বার্ বার্ তমারে সিয়েন কোইয়োং, মাত্তর্ তুমি সিয়েনত্ কান ন-পাদঅ।

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 25:1

শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

মার্ক 1:35

তার কেল্যে বেন্যেপোত্যে আন্ধার্ থাগদে যীশু উদিলো আর ঘরত্তুন্ নিগিলিনে এক্কান্ নিরিবিলি জাগাত্ যেইনে তবনা গরা ধুরিলো।

যিহোশূয় 2:1

নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 6:12

তার্‌ কেল্যে যিহোশূয় বেন্যেপোত্যে ঘুমত্তুন উদিলো আরঅ‌ ধর্মগুরুগুনে লগেপ্রভুর সুন্দুক্কো তুলি নিলাক্‌।

যিহোশূয় 6:15

সাত দিনোত্‌ তারা বেন্যে পোত্যে উদিলাক্‌ আর সে আগঅ‌ ধোক্ক্যেন্‌ সাতবার শঅরর্‌ চেরোকিত্তে ঘুরিলাক্‌। বানা সেদিন্যে তারা শঅরর্‌ চেরোকিত্তে সাতবার ঘুরিলাক্‌।

যিহোশূয় 7:16

তার্‌ কেল্যে বেন্যেপোত্যে যিহোশূয় গুট্টি মজিম ইস্রায়েলীয়গুনোরে লগেপ্রভুর মুজুঙোত্‌ আনিলো, সেক্কে যিহূদা-গুট্টিবো ধরা পুরিলো।

যিহোশূয় 8:10

তার কেল্যেবেন্যে যিহোশূয় তার সৈন্যগুনোরে এগত্তর্ গুরিলো। সে পরেন্দি তে আর ইস্রায়েলীয় নেতাগুনে তারার আগে আগে অয়র শঅর ইন্দি উজেই গেলাক্‌।

বিচের গুরিয়্যেগুন 20:19

তার্‌কেল্যে বেন্যে উদিনে ইস্রায়েলীয়গুনে গিবিয়ার ইদু তাম্বুলান ফেলেলাক্‌।

১ শমূয়েল 17:20

দায়ূদে বেন্যেপোত্যে উদিনেই আরেকজন য়েমান চোড়েইয্যের্‌ আঢত্‌ তার ভেড়াছাগল পালুনোর ভারান্‌ দিলো। সে পরেন্দি যিশয়র উগুম মজিম তে বেক্‌ পযাপিরানি নেযেইনে আদা মারিলো। তে যেক্কে তাম্বুলো ইদু লুমিলো সেক্কে ইস্রায়েলীয় সৈন্যগুনে সুর্ বুধিনে যুদ্ধোর কিজেক্ দেদে দেদে নিগিলি যাদন্‌।