যিহোশূয় 24:8 - Chakma Bible

⁸ ইয়েনর্ পরেন্দি মুই যর্দনর পূগেন্দি আদাম্মে ইমোরীয়গুনোর দেজত্‌ তমারে আনিলুং। তারা তমা বিরুদ্ধে যুদ্ধো গুরিলাক্‌ মাত্তর্‌ মুই তমা আঢত্‌ তারারে তুলি দিলুং। তমা মুজুঙোত্তুন্‌ মুই তারারে ভস্ত গুরি ফেলেলুং আর তুমি তারার্‌ দেজ্‌চান গজক্ গুরি নেযেলা।

যিহোশূয় 24:8 Iomraidhean Croise

নহিমিয় 9:22

পরেন্দি তুই বোউত্‌ রেজ্য আর জাত্‌ তারার্‌ আঢত্‌ দুয়োজ্‌, এন্‌ কি, তারার্‌ বেক্‌ জাগানিয়ো তারারে ভাগ্‌ গুরি দুয়োজ্‌। তারা হিষ্‌বোণর রাজা সীহোনর দেজ্‌ছান আর বাশনর রাজা ওগের দেজ্‌ছান্‌ অধিকার গোজ্যন।

যাত্রা 23:23

ইমোরীয়ো, হিত্তীয়, পরিষীয়, কনানীয়, হিব্বীয় আর যিবূষীয়গুনে যে দেজত্‌ বজত্তি গত্তন্‌ মর্‌ দূত্তো তমার আগ্‌ মোলিম্‌ ওইনেই সেই দেজত্‌ তমারে নেযেব। মুই তারারে বেক্কুনোরে শেজ্ গুরি ফেলেম্‌।

আমোষ 2:10

ইমোরীয়গুনোর দেজ্ তমারে দিবাত্তে মুই মিসরত্তুন্ তমারে নিগিলেই আনিনে ধূল্যেচর-চাগালাত্ চল্লিশ বজর্ পরিচালনা গোজ্যং।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

দ্বি’লম্বর বিররণ 2:32

ইয়েনর্ পরেন্দি যেক্কে সীহোনে তা সৈন্যগুন লোইনে নিগিলিনে যহসত্‌ আমা সমারে যুদ্ধো গুরিবাত্তে এলঅ সেক্কে আমা গোজেন লগেপ্রভু তারে আমা আদত্‌ আনি দিলো। আমি তারে, তার্‌ বেক্‌ পূঅগুনোরে আর তার্‌ সৈন্যগুনোরে শেজ্ গুরিলোং।