যিহোশূয় 24:27 - Chakma Bible

²⁷ পরেন্দি তে বেক্‌ মানুচ্চুনোরে কলঅ্‌, “এ পাত্তর্‌বো আমা বিরুদ্ধে সাক্ষী ওই থেবঅ। লগেপ্রভু আমা ইদু যেদক্কানি কধা কোইয়্যে সিয়েনি এ পাত্তর্‌বো শুন্যে। যুনি তুমি তমার গোজেনরে অস্বীগের্‌ গরঅ সালে ইবে তমার বিরুদ্ধে সাক্ষ্য দিবো।”

যিহোশূয় 24:27 Iomraidhean Croise

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

ইয়োব 31:28

সালে ইয়েনিয়ো অলঅ সাজা পাইদ্যে ধোক্ক্যেন পাপ, কিত্যে সিয়েন্দোই মুই স্বর্গর্ গোজেনরে অস্বীগের্ গোজ্যং।

গম্ উপদেজ্ 30:9

সিয়েন ন-অলে অয়ত মর্ বেশ্ থেবঅ আর মুই তরে অস্বিগের্ গুরিনে কোম্, “লগেপ্রভু কন্না?” বা মুই নাঢা ওইনে চুর্ গুরিম আর মুই গোজেনর নাঙান্ অসর্মান গুরিম।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 59:13

সিয়েনি অলঅ, উল্লোমী আর তরে অস্বিগের্ গরানা, আমা গোজেন ইত্তুন দূরোত্ সুরি যানা, আত্যেচার আর উল্লোমীত্তে উচ্চোমি তুলি দেনা আর মনত্তুন্ মিজে কধা নিগিলেই আনিনে সিয়েনি কনা।

হবক্‌‌‌‌কূক 2:11

তঅ ঘরর্ দেবাল শীলুনে তঅ বিরুদ্ধে আবিত্তি জানেবাক্ আর ঘরর্ খুদোগুনে সেই কধানর্ সমত্তন্ দিবাক্।

গণাণা 11:20

পুরো একমাস সং হেবা। সেক্কে সেই য়েরাগান্‌ তমার্‌ নাগন্দি নিগিলি এবঅ আর য়েরালোই তমার্‌ ন-রুচ্যে মু-অবঅ। এদক্কানি অবঅ কারন যিবে তমা ভিদিরে আঘে সেই লগেপ্রভুরে তুমি অগ্রাজ্য গোজ্য আর তা মুজুঙোত্‌ কাঁনি কাঁনি কোইয়ো, মিসর দেজ্‌চান্‌ ফেলেই এজানা তমার্‌ উজিত্‌ ন-এলঅ।

মথি লেখ্যে গম্ হবর্ 10:33

মাত্তর্ যে কনজনে মান্‌জ্য মুজুঙোত্ মরে অস্বীগের্ গরে মুইয়ো মর্ স্বর্গর্ বাবা মুজুঙোত্ তারে অস্বীগের্ গুরিম।

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

দ্বি’লম্বর বিররণ 30:19

“তমা বিরুদ্ধে দাঙর্‌ আগাজ্‌ আর পিত্‌থিমীগানরে সাক্ষী রাগেইনে মুই কঙত্তে, এচ্চ্যে মুই তমা মুজুঙোত্‌ জীংকানি বা মরণর আর আশিদ্‌বাদর বা অভিশাব্‌পানি তুলি ধুরিলুং। তুমি জীংকানিগানরে বেঈ নেযঅ, যেনে তুমি আর তমার ঝি-পূঅগুনে বাঁজি থান্‌ আর তমার গোজেন লগেপ্রভুরে কোচ্‌পঅ, তার কধানি শুনো আর তারে আজাবোদে ধুরি রাগঅ, কিত্যে ইগুনো ভিদিরে আগে তমার জীংকানিগান। যে দেজ্‌ছান দিবার শমক্ তে তমার পুরোণি মানুচ্‌ অব্রাহাম, ইসহাক আর যাকোব ইদু গোজ্যে সিয়েনত্ ইয়েন ভিদিরে আঘে তমার আয়ুগান।”

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

দ্বি’লম্বর বিররণ 31:21

আর তারা উগুরে যেক্কে নানান্‌ বাবোত্যে দযা আর দুখ্‌-কট্টনি লামি এবঅ সেক্কে এ গান্নো তারা বিরুদ্ধে সাক্ষী ওই থেবঅ, কিত্যে তারার বংশধরুনে গান্নো ভুলি ন-যেবাক। মর্‌ শমক্‌ খেইয়্যে এগেম্ গোজ্যে দেজত্‌ তারারে নেযানার আগেন্দি মুই হবর্ পাংগে, তারার্‌ মনত্‌ ইক্কিনে কি রোইয়্যে।”

দ্বি’লম্বর বিররণ 31:26

“রীদি-সুদোমর্ এ বোইবো নেযেইনে তুমি তমার গোজেন লগেপ্রভুর সুদোম-সুন্দুগোর কায়কুরে রাগঅ। ইবে ইস্রায়েলীয়গুনোর বিরুদ্ধে সাক্ষী ওইনে সিয়েনত্ থেবঅ।

দ্বি’লম্বর বিররণ 32:1

ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।

দ্বি’লম্বর বিররণ 4:26

সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

যিহোশূয় 22:34

রূবেণীয় আর গাদীয়গুনে সে পূজোবোর্‌ নাঙান্‌ দিলাক্‌, “আমার সংমোধ্যে ইবেয়ই অলঅ সাক্ষী, লগেপ্রভুয়ই গোজেন।”

যিহোশূয় 24:28

ইয়েনর্ পরেন্দি যিহোশূয় বেক্কুনোরে তারার্‌ নিজোর নিজোর জাগা-জোমিত্‌ পাধেই দিলো।

ফগদাং পেইয়্যে 3:8

তে এ কধাগান কত্তে: মুই তর্ কামর কধানি কোই পারং। চা, মুই তঅ মুজুঙোত্ এক্কান খুল্ল্যে দুয়োর্ থোলুং যিয়েন বানিবার খেমতা কারঅ নেই। মুই কোই পারং তর্ বল্ ভারী কম, মাত্তর্ তো তুই মঅ কধানি পালেয়োচ্ আর মরে অস্বীগের্ ন-গরচ্।

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।