যিহোশূয় 24:23 - Chakma Bible

²³ যিহোশূয় কলঅ্‌, “সালে তমা ভিদিরে যিদুক্কুন্‌ দেব-দেবেদা আগন্‌ সিগুনোরে ইক্কিনে তুমি দূর্ গুরি দুয়ো আর ইস্রায়েলীয়গুনোর গোজেন লগেপ্রভু উগুরে তমার মনানি রাগঅ।”

যিহোশূয় 24:23 Iomraidhean Croise

১ রাজাবলী 8:57

আমা গোজেন লগেপ্রভু যেধোক্ক্যেন আমা পূরোণি মানুচ্চুনোর সমারে এলঅ সেধোক্কেন্‌ তে আমা সমারেয়ো থোগ্। তে যেনে কনদিনঅ আমারে ছাড়ি ন-যায় বা ছাড়ি নঅ-দে।

১ রাজাবলী 8:58

আমি তা পধেন্দি আদিবাত্যে আর আমা পূরোণি মানুচ্চুনোর ইদু তে যেদক্কানি উঘুম, সুদোম আর হুকুম্‌ দিয়্যে সিয়েনি মানি চলিবাত্তে তে আমা মনানি তা উগুরে বিশ্বেজ্ থোক্‌।

গীতসংহিতা 119:36

ভান্ন্যেয়ন্দি মঅ মনান যেনে ন-ফিরে, তঅ কধা মজিম তুই মঅ মনান ফিরেই দে।

গীতসংহিতা 141:4

মঅ মনানরে কনঅ ভান্ন্যেই জিনিজোন্দি ঠিলি ন-দিচ্, যেনে অন্যেয়গুরিয়্যেগুনো সমারে ভান্ন্যেই কামত্ ন-মিজেং; তারার গম্ গম্ হানানি যেন মুই ন-হাং।

গীতসংহিতা 81:10

মুয়ই লগেপ্রভু, তমা গোজেন; মুয়ই মিসর দেজত্তুন্ তমারে নিগিলে আন্যং। তুমি দাঙর্ গুরি মুয়োন আহ্ গর্, মুই সিয়েন ভোরেই দিম।

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

গম্ উপদেজ্ 2:2

যুনি গম বুদ্ধিগানি শুনোচ্ আর বিচের বুদ্ধিগানি ইন্দি মনান্ দুয়োচ্,

হোশেয় 14:8

ও ইফ্রয়িম, মূত্তিগুন লগে তর্ আর কনঅ সম্পর্ক নেই। মুয়ই তর্ তবনার্ জোব্‌‌‌‌‌পান দিম আর তর্ যত্তন্ নেযেম। মুয়ই তেল্‌‌‌‌‌তেল্যে বেরস গাজ ধোক্ক্যেন; তর্ ফলুন মত্তুন্ এজে।”

যিহোশূয় 24:14

সে পরেন্দি যিহোশূয় কলঅ, “ইক্কিনে তুমি খাটি মন্‌দোই বিশ্বেজ্ গুরিনে লগেপ্রভুরে ভোক্তি গরঅ আর তারে সেবা গরঅ। তমার পূরোণিমানুচ্চুনে ইউফ্রেটিস গাঙর্‌ উইপারত্‌ আর মিসর দেজত্‌ যিদুক্কুন দেব-দেবেদার পূজো গুরিদাক্‌ সিগুন্‌ তুমি দূর গুরি দিইনে লগেপ্রভুরে সেবা গরঅ।