যিহোশূয় 24:21 - Chakma Bible

²¹ সেক্কে মানুচ্চুনে যিহোশূয়রে কলাক্‌, “না, আমি লগেপ্রভুরে সেবা গুরিবোং।”

যিহোশূয় 24:21 Iomraidhean Croise

যাত্রা 19:8

এই কধানি শুনিনে বেক্‌ মানুচ্চুনে এক সমারে কলাক্কে, “লগেপ্রভু যিয়েনি কোইয়্যে আমি সিয়েনি বেক্কানি গুরিবোং।” মানুচ্চুনে যিয়েনি কলাক্‌ মোশি যেইনে সিয়েনি লগেপ্রভুরে জানেল।

যাত্রা 20:19

তারা মোশিরে কলাক্, “তুই আমা লগে কধা কঅ‌, আমি শুনিবোং; মাত্তর্‌ গোজেনে যুনি আমা লগে কধা কয়্‌ সালে আমি মারা পুড়িবোং।”

যাত্রা 24:3

মোশি যেক্কে ফিরি যেইনে মানুচ্চুনো ইদু লগেপ্রভুর্‌ বেক্‌ কধানি কলগোই আর তাঁর্‌ বেক্‌ সুদোমানি ফগদাং গুরিলো সেক্কে মানুচ্চুনে এক সমারে কলাক্‌, “লগেপ্রভু যিয়েনি যিয়েনি কোইয়্যে আমি সিয়েনি বেক্কানি গুরিবোং।”

যাত্রা 24:7

সে পরেদি তে সুদোম-লেখ্যে বোইবো নেযেইনে মানুচ্চুনোরে পোড়েই শুনেল। ইয়েনর জোবত্‌ মানুচ্চুনে কলাক্, “আমি বাধ্য থেবং আর লগেপ্রভু যিয়েনি যিয়েনি কোইয়্যে সিয়েনি বেক্কানি পালন গুরিবোং।”

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

দ্বি’লম্বর বিররণ 26:17

এচ্চ্যে তুমি খাম্‌ খেলাদে, লগেপ্রভু তমার গোজেন আর তার পধন্দি তুমি চলিবা। তুমি খাম খেলাদে যে, তার সুদোমানি, উগুমানি আর হুকুমানি তুমি পালন গুরিবা আর তার কধামজিম্‌ চলিবা।

যিহোশূয় 24:20

তুমি যুনি লগেপ্রভুরে ছাড়িনে দেব-দেবেদারে সেবা গরঅ সালে তে তমা ইন্দিত্তুন্‌ ফিরিবো আর যুনিয়ো তে আগেন্দি তমারে ভালেদি গোজ্যে মাত্তর্‌ সেক্কে তমা উগুরে অমংগল আনিনে তমারে শেজ্‌ গুরি দিবো।”

যিহোশূয় 24:22

সেক্কে যিহোশূয় কলঅ, “এ কধাগান্দোই তুমি নিজোরে নিজেই সাক্ষী ওই থেলা, লগেপ্রভুরে তুমি সেবা গুরিবাত্তে বেঈ লোইয়ো।” জোবত্‌ তারা কলাক্‌, “অয়, আমি সাক্ষী রলং।”