যিহোশূয় 24:2 - Chakma Bible

² যিহোশূয় বেক্‌ মানুচ্চুনোরে কলঅ, ইস্রায়েলীয়গুনোর গোজেন লগেপ্রভু কোইয়্যেদে, ভালোক্‌ দিন আগেন্দি তমা পূরোণি মানুচ্চুনে ইউফ্রেটিস গাঙর্‌ উইপারত্‌ বজত্তি গুরিদাক্‌ আর দেব-দেবেদাগুনোরে পূজো গুরিদাক্‌। তারা ভিদিরে এক্কো এলঅ‌ অব্রাহাম আর নাহোরর বাপ্পো তেরহ।

যিহোশূয় 24:2 Iomraidhean Croise

পত্থম 11:22

সরূগোর ত্রিশ বজর বয়জত্‌ তার পুয়ো নাহোর জর্ম অলঅ।

পত্থম 11:24

নাহোর উনত্রিশ বজর বয়জত্‌ তার পুয়ো তেরহ জর্ম অলঅ।

পত্থম 11:26

তেরহ সত্তুর বজর বয়জ পরেদি তার পুয়ো অব্রাম, নাহোর আর হারণর জর্ম ওইয়্যে।

পত্থম 11:27

ইবে অলঅ তেরহ বংশর কধা। তেরহ পুয়োগুনোর্ নাঙানি অলঅ অব্রাম, নাহোর আর হারণ, আর হারণ পুয়োবোর নাঙান্‌ লোট।

পত্থম 31:19

এ সময়ানত্‌ লাবনে তা ভেড়াগুনো কেশ্‌চানি কাবিবাত্তে গেলঅ, আর এ সুযোগত্‌ রাহেলে তা বাব ঘোর্‌‌‌বো দেবেদামূত্তিগুন্‌ চুর্‌ গুরি নেযেল।

পত্থম 31:30

বেশ্‌, তঅ বাব ঘরত্‌ যেবাত্তে অয়ত তঅ পরানান্‌ কানের্‌ আর সেনত্তে তুই নিগিলি এচ্চ্যচ্‌, মাত্তর্‌ মঅ ঘোর্‌বো দেবেদামূত্তিগুন্‌ চুর্‌ গুরি আন্ন্যস্‌ কিত্তে?

পত্থম 31:32

তুই যাইধু তর্ সে দেবেদামূত্তিগুন্‌ পেবে তারে মারে ফেলা অবঅ। মর্‌ বেগ পযাপিরানি ভিদিরে যুদি কনঅ কিচ্ছু থায়্‌ সালে আমা কুদুম্মোগুনো মুজুঙোত সিয়েন্‌ তোগে-তাগায়্‌ নেযঅ।” সে দেবেদামূর্তিগুন্‌ যে রাহেলে চুর্‌ গুরি আন্যে সিয়েন্‌ যাকোবে হবর্ ন-পায়।

পত্থম 31:53

সিয়েন্‌ গুরিলে অব্রাহামর গোজেন আর নাহোরর্‌ আর তারা বাবর্‌ দেবদাগুনে যেন আমারে বিচের গরন।” মাত্তর্‌ যাকোবে তা নাঙে শমত্‌ খেলঅ যিবে তার বাপ্‌‌‌‌পো ইস্‌হাকর ভোত্তির্ মানুচ্ এলঅ।

পত্থম 35:4

সেক্কে তারা ইধু যিদুক্কুন্‌ দেবেদা মুত্তি এলাক্ সিগুন্‌ তারা যাকোব আঢত্‌ তুলি দিলাক্। সে লগে কান সনাগানিয়ো দিলাক্। যাকোবে সিয়েনি নিইনে শিখিম শঅর ইধু দাঙর্ গাজ তলে মাদিত্ গারে রাগেল।

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিহিষ্কেল 16:3

তুই কঅ, প্রভু লগেপ্রভু যিরূশালেমানরে কোইয়্যেদে, তঅ ঘরান আর তঅ জর্মর জাগায়ান কনানীয়গুনোর দেজত্; তঅ বাপ্পো অলঅ ইমোরীয় আর মাবো হিত্তীয়।

লূকে লেখ্যে গম্ হবর্ 3:34

যিহূদা যাকোব পুয়ো, যাকোব ইস্‌হাক পুয়ো, ইস্‌হাক অব্রাহামর পুয়ো, অব্রাহাম তেরহর পুয়ো, তেরহ নাহোর পুয়ো;

দ্বি’লম্বর বিররণ 26:5

সে পরেন্দি তুমি বেক্কুনে তমার গোজেন লগেপ্রভুর মুজুঙোত্‌ কবাদে, আমার পুরোণি মানুচ্চো এলঅ এক্কো অরামীয় বেড়াজ্যে। তে বানা কয়েক্কো মানুচ্‌ নেযেইনে মিসর দেজত্‌ যেয়েগোই আর সিয়েনত্ বজত্তি গুরিবার অক্তত তা মাধ্যমে এক্কো দাঙর্‌ আর বোলী জাদর জর্ম ওইয়্যে যিবের মান্‌জ্যর সোংখ্যে এলাক ভালোক্কুন।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”