যিহোশূয় 24:18 - Chakma Bible

¹⁸ এ দেজর্‌ আদাম্মে ইমোরীয়গুনোরে আর অন্য বেক্‌ জাদ্‌তুনোরে লগেপ্রভু আমা মুজুঙোত্তুন্‌ ধাবেই দিয়্যে। আমিয়ো লগেপ্রভুরে সেবা গুরিবোং, কিত্যেই তেয়ই আমার গোজেন।”

যিহোশূয় 24:18 Iomraidhean Croise

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

মীখা 4:2

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ। আর যিরূশালেমত্তুন্ ফগদাং অবঅ লগেপ্রভুর কধানি।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

প্রেরিত্‌ 7:45

আমা পূরোণি মানুচ্চুনে সে তাম্বুলান্ পেইনে তারার্ নেতা যিহোশূয়র অধীনোত্ সিয়েন নিজো সমারে আমা এ দেজত্ আন্ন্যন্। গোজেনে সেক্কে তারা মুজুঙোত্ থেইনে অন্য জাদ্‌তুনোরে ধাবেই দিয়্যে আর তারা এ দেশ্‌‌চ‌ান গজক্ গোজ্জ্যন্। দায়ূদোর সময় সং সেই তাম্বুলান্ এ দেজত্ এলঅ।

দ্বি’লম্বর বিররণ 10:21

তেয়ই তমার্‌ বাঈনী, তেয়ই তমার্‌ গোজেন। তুমি নিজোর চোগেদি যেদক্কানি মহৎ আর দর্‌ জাগেয়্যে আমক্‌ কাম্‌ দেখ্য সিয়েনি তে তমাত্তে গোজ্যে।

দ্বি’লম্বর বিররণ 33:27

যিবে আগকালর গোজেন তেয়ই তর্‌ আশ্রয়; তার উমরর্ আদত্‌ তেয়ই তরে ধুরি আঘে। তর্‌ মুজুঙোত্‌ যিদুক্কুন শত্রু আগন্‌ তে তারারে ধাবেই দিবো; তে কবঅ, ‘ইগুনোরে ভস্ত গরঅ।’

যিহোশূয় 23:9

দাঙর্‌ দাঙর্‌ আর বোলী জাদ্‌তুনোরে তমা মুজুঙোত্তুন্‌ লগেপ্রভু ধাবেই দিয়্যে। এচ্চ্যে সং কনঅ জনে তমা মুজুঙোত্‌ থিয়্যেই থেই ন-পারন্‌।

যিহোশূয় 24:17

আমার্‌ গোজেন লগেপ্রভু নিজেই আমার আর আমার পূরেণিমানুচ্চুনোরে মিসর দেজত্তুন্‌, সে চাগরর্‌ দেজত্তুন্‌ নিগিলেই আন্যে আর আমার চোগো মুজুঙোত্‌ সে বেক্‌ দাঙর্‌ দাঙর্‌ আমক্‌ অবার্‌ কামানি গোজ্যে। আমার পুরো যেবার পদথ্‌ আর যিদুক্কুন্‌ জাদ ভিদিরেন্দি আমি এচ্ছ্যেই তারা আঢত্তুন্‌ তেয়ই আমারে বাজেই রাগেয়্যে।

যিহোশূয় 24:19

এ কধাগান শুনিনে যিহোশূয় মানুচ্চুনোরে কলদে, “মাত্তর্‌ তুমি তার সেবা গুরি ন-পারিবা, কিত্যে তে পবিত্র গোজেন, তার্‌ পাওনা ভোক্তিগান্‌ তে আর কাররে পেবাত্তে ন-দিবো। তমার উল্লোমিগানি আর তমার পাপ্পানি তে খেমা ন-গুরিবো।