যিহোশূয় 24:17 - Chakma Bible

¹⁷ আমার্‌ গোজেন লগেপ্রভু নিজেই আমার আর আমার পূরেণিমানুচ্চুনোরে মিসর দেজত্তুন্‌, সে চাগরর্‌ দেজত্তুন্‌ নিগিলেই আন্যে আর আমার চোগো মুজুঙোত্‌ সে বেক্‌ দাঙর্‌ দাঙর্‌ আমক্‌ অবার্‌ কামানি গোজ্যে। আমার পুরো যেবার পদথ্‌ আর যিদুক্কুন্‌ জাদ ভিদিরেন্দি আমি এচ্ছ্যেই তারা আঢত্তুন্‌ তেয়ই আমারে বাজেই রাগেয়্যে।

যিহোশূয় 24:17 Iomraidhean Croise

২ বংশধর 13:10

“মাত্তর্‌ আমি সেধোক্ক্যেন নয়, লগেপ্রভু আমার গোজেন। আমি তারে ছাড়ি ন-যেই। যে ধর্মগুরুগুনে লগেপ্রভুরে সেবা গরন্‌ তারা হারোণ বংশর মানুচ্‌, আর লেবীয়গুনেয়ো তারার্‌ ঠিগ্ কামানি গরন‌।

যাত্রা 13:14

“ভবিচ্চদে যেক্কে তমা পূয়োগুনে ইয়েনির্‌ অত্তগানি তমাত্তুন্‌ পুযোর্‌ গুরিবাক্ সেক্কে তুমি পত্তিজনে কবা, ‘লগেপ্রভু মিসরর্ দাসত্বত্তুন্‌ তাঁর্‌ খেমতাগান্‌ দেগেইনে আমারে নিগিলেই আন্যে।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

দ্বি’লম্বর বিররণ 29:2

মোশি বেক্‌ ইস্রায়েলীয়গুনোরে ডাগিনে কলদে, লগেপ্রভু মিসর দেজর ফরৌণ আর তা চাগরুনো উগুরে আহ্‌ তার গোদা দেজ্‌ছান উগুরে যিয়েনি গোজ্যে সিয়েনি তুমি নিজেই দেক্কো।

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

দ্বি’লম্বর বিররণ 7:19

তমা গোজেন লগেপ্রভু যেদক্কানি জদবদে পোরোক্ষেলোই, আমক্‌ অবার্‌ কাম্‌ আর চিহ্নোলোই আর তার্‌ দরমর আর খেমতাবলা আঢ্‌তোই তমারে নিগিলেই আন্যে সিয়েন্‌ দঅ তুমি নিজোর্‌ চোগেদি দেক্কো। তুমি ইক্কিনে যিদুক্কুন্‌ জাদরে দেগিনে দরর্‌ তারা উগুরেয়ো তে সেধোক্কেন্‌ গুরিবো।

যিহোশূয় 24:16

জোবত্‌ মানুচ্চুনে কলাক্‌, “লগেপ্রভুরে ছাড়িনে দেব-দেবেদারে পূজো গরানা যেন আমার্‌ মাধ্যমে কনদিন্‌ ন-অয়।

যিহোশূয় 24:18

এ দেজর্‌ আদাম্মে ইমোরীয়গুনোরে আর অন্য বেক্‌ জাদ্‌তুনোরে লগেপ্রভু আমা মুজুঙোত্তুন্‌ ধাবেই দিয়্যে। আমিয়ো লগেপ্রভুরে সেবা গুরিবোং, কিত্যেই তেয়ই আমার গোজেন।”