যিহোশূয় 24:15 - Chakma Bible

¹⁵ মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

যিহোশূয় 24:15 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 35:2

সেক্কে যাকোবে তা নিজো মানুচ্চুনোরে আর সমারে অন্য মানুচ্চুনোরে কলঅ, “তমা ইধু যিদুক্কুন্‌ দেবেদামুত্তি আগন্‌ সিগুন্‌ ফেলে দুয়ো আর নিজোরে সিজি গরঅ আর তমা কাবড়-সুগোরানি বুদুলি ফেলঅ।

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

গীতসংহিতা 101:2

দোল্ জিংকানি কাদেবাত্তে মুই মনান্ দিম; কক্ক্যে তুই মইদু এবে? মঅ নিজো ঘরত্ মুই গম মনে থেম্।

গীতসংহিতা 119:106

মুই তর্ গম সুদোমানি মানি চলিবাত্তে শমক্ গোজ্যং, আর সে শমক্তানি দরমর গোজ্যং।

যাত্রা 23:2

দশজনে অন্যেয়্‌ গোজ্যন্‌ বিলিই‌ তুইয়ো সেধোক্ক্যেন গুরিবাত্তে ন-যেচ্‌। কনঅ‌ মকদ্দমাত্‌ সাক্ষী দিবাত্তে যেইনেই মানুচ্ বেশ্ আগন্দে ইন্দি মিজেইনে ন্যায় বিচেরত্‌ মানা ন-গুরিচ্‌।

যাত্রা 23:24

তুমি তারার্‌ দেবেদাগুনোরে পূজো বা সেবা ন-গুরিবা আর সিদুগোর্‌ মানুচ্চুনে যিয়েনি গরন্‌ সিয়েনি ন-গুরিবা। তুমি তারার্‌ দেব-দেবেদার মুর্তিগুন্‌ ভাঙি ফেলেবা আর তারার্‌ পূজো গোজ্যে পাত্তরুন কট্টা কট্টা গুরি ফেলেবা।

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

দানিয়েল 3:18

মাত্তর্ ও মহারাজ, তে যুনি সিয়েন নয়ো গরে তো আমি তর্ দেবেদাগুনোরে সেবা ন-গুরিবোং বা তর্ থিদেবর্ গোজ্যে সোনার মূত্তিবোরে জু জু ন-জানেবং।”

লেবীয় 14:42

সে পরেদি যিয়েনত্তুন্‌ পাত্তর্‌ খুলি নেযা ওইয়্যে সিয়েনত্‌ নুয়ো পাত্তর্‌ বোজেনেই নুয়ো মাদি দিইনে লিবি দিয়া পুরিবো।

মীখা 4:5

বেক্ জাদ্‌‌‌‌তুনে তারার্ দেব-দেবেদার বল্লোই কাম গুরিলেয়ো আমি উমরত্যে আমা গোজেন লগেপ্রভুর বল্লোই কাম গুরিবোং।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

যিহোশূয় 24:16

জোবত্‌ মানুচ্চুনে কলাক্‌, “লগেপ্রভুরে ছাড়িনে দেব-দেবেদারে পূজো গরানা যেন আমার্‌ মাধ্যমে কনদিন্‌ ন-অয়।

বিচের গুরিয়্যেগুন 6:10

মুই তমারে কোইয়োং, মুয়ই লগেপ্রভু তমা গোজেন। যিগুনোর দেজছানত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে তুমি পূজো ন-গুরিবা;’ মাত্তর্‌ তুমি মঅ কধানি ন-শুনো।”