যিহোশূয় 24:12 - Chakma Bible

¹² মুই তমা আগেন্দি বলাপুগ্‌ পাধেই দিলুং; বলাপুক্কুন্‌ তমা মুজুঙোত্তুন্‌ সে দ্বি’জন ইমোরীয় রাজারে ধাবেই দিলো। তুমি যে তমার লাম্বা ছুড়ি বা সেল্‌-ধনুগানিলোই ইয়েনি গোজ্য সিয়েন্‌ নয়।

যিহোশূয় 24:12 Iomraidhean Croise

গীতসংহিতা 135:11

তে ইমোরীয়গুনোর রাজা সীহোনরে, বাশনর রাজা ওগরে, আর কনানর বেক্ রাজাগুনোরে মারে ফেলেয়্যে।

গীতসংহিতা 80:10

সিয়েনর ছাবালোই মুড়ো-মুড়ি ঢাগা গেলঅ; সিয়েনর ডেলাগুন দাঙর্ দাঙর্ এরস গাজ্‌ছুনোরে ঢাগি ফেলেল।

গীতসংহিতা 80:9

তুই সিয়েনত্যে ভুই তেল্-তেল্যে গুরিলে; সিয়েনর শিঙোরান মাদিত্ বুজিনে সারা দেজত্ ছিদি গেলঅ।

যাত্রা 23:28

হিব্বীয়, কনানীয় আর হিত্তীয়গুনোরে তমা মুজুঙোত্তুন্‌ ধাবে দিবাত্তেই মুই তমা আগে আগে ভিঙুর্‌ পুক্‌ পাধেই দিম্‌।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

গণাণা 21:31

ইয়েনর্ পরেদি ইস্রায়েলীয়গুনে ইমোরীয়গুনোর দেজত্‌ বজত্তি গরা ধুরিলাক্।

গণাণা 21:32

মোশি যাসর শঅরত্‌ চর্ পাধেই দেনার পরেদি ইস্রায়েলীয়গুনে সেই শঅরর্‌ কায়-কুরে আদামানি গজক্ গুরি নিলাক আর সেই জাগানর্‌ ইমোরীয়গুনোরে ধাবেই দিলাক্।

দ্বি’লম্বর বিররণ 31:4

ইমোরীয়গুনোর রাজা সীহোন আর ওগ আর তারার দেজ্‌ছান যেধোক্ক্যেন লগেপ্রভু ভস্ত গুরি দিয়্যে সেধোক্ক্যেন গুরি তে সেই বেক্‌ জাদ্‌তুনোরে ভস্ত গুরি দিবো।

দ্বি’লম্বর বিররণ 4:47

তারা সীহোনর্‌ আর বাশনর রাজা ওগর দেজ্‌ছান কারি নেযেয়োন। এ দ্বিবে ইমোরীয় রাজার্‌ রেজ্যগানি দ্বিয়ান্‌ এলদে যর্দনর্‌ পূগেন্দি।

দ্বি’লম্বর বিররণ 7:20

ইয়েনর্ পরেন্দিয়ো তারা ভিদিরে যিগুনে বাঁজি থেবাক আর তমাত্তুন্‌ নিজোরে লুগেই রাগেবাক তমা গোজেন লগেপ্রভু তারা ভিদিরে ভিঙুর পুক্‌ পাধেই দিবো আর তারা বেক্কুনে ভস্ত ওই যেবাক্‌।

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।