যিহোশূয় 23:6 - Chakma Bible

⁶ সেনত্তেই তুমি তমার বেক্‌ বলান্‌ দিইনে মোশির রীদি-সুদোমর্ বোইয়োত্‌ যিয়েনি লেগা আঘে সিয়েনি বেক্কানি পালঅ‌; সিয়োত্তুন ইন্দি উন্দি সুরি ন-যেয়ো।

যিহোশূয় 23:6 Iomraidhean Croise

১ রাজাবলী 2:3

তর্‌ গোজেন লগেপ্রভুর আওজ্ মজিম্‌ তুই তার পধেন্দি আদিবে আর মোশির রীদি-সুদোমত্ লেগা লগেপ্রভুর বেক্‌ সুদোম, উগুম, হুকুম আর দাবিগানি মানি চলিবা। সেক্কে তুই যিয়েনি গত্তে সাৎ আর যিয়োদোই যেদে সাৎ ফোলেই পারিবে।

গীতসংহিতা 101:3

মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।

গীতসংহিতা 119:102

তর্ সুদোমর পথ্‌তানত্তুন্ মুই সোরেই ন-যাং, কিত্তে তুই নিজেই মরে শিগেই দুয়োচ্।

যিরমিয় 9:3

লগেপ্রভু কোইয়্যেদে, “তারা মিজে সেল্ মারিবাত্তে তারার ধনু ধোক্ক্যেন জিলানরে যুক্কোল্ রাগেয়োন; দেজত্ সত্য উগুরে মিজেগান জিদি যেইয়্যে। তারা পাপ উগুরে পাপ গরা ধোজ্যন্। তারা মরে তারার গোজেন বিলিনে স্বিগের্ ন-গরন।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 17:20

ইয়েনত্যে অন্য ইস্রায়েলীয় ভেইয়ুনোত্তুন্‌ নিজোরে দাঙর্‌ গুরি চেবার মনভাব তার্‌ মনত্‌ ন এবঅ আর রীদি-সুদোমত্তুন্ তে ইন্দি উন্দি সুরি ন যায়। ইয়েন্দোই তে আর তার বংশধরুনে ইস্রায়েলীয়গুনো উগুরে ভালোকদিন সং রাজাগিরি গুরি পারিবাক্।

দ্বি’লম্বর বিররণ 28:14

এচ্চ্যে মুই তমারে যেদক্কানি উগুম দুয়োঙর, দেব-দেবেদার পিজেন্দি যেইনে আর তারারে পূজো গুরিনে তুমি সিয়েনত্তুন ইন্দি উন্দি সুরি ন-যেবা।

দ্বি’লম্বর বিররণ 5:32

সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্‌ য্ত্তন্‌ গুরিনে পালন গরা পুরিবো; সিয়োত্তুন্‌ এক্কানায়ো ইন্দি-উন্দি ওই ন-পারিবো।

ইব্রীয় 12:4

পাপর্ বিরুদ্ধে যুদ্ধো গত্তে গত্তে তমার দঅ এজঅ লো ঝরেদে ধোক্ক্যেন অবস্থা ন-অয়।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”