যিহোশূয় 23:5 - Chakma Bible

⁵ তমার্‌ গোজেন লগেপ্রভু নিজে বাদ্‌বাগি সে বেক্‌ জাদ্‌তুনোরে তমার পথ্‌তানিত্তুন্‌ সোরেই দিবো। তমা মুজুঙেত্তুন্‌ তে তারারে ধাবেইনে নিগিলেই দিবো আর তুমি তমার গোজেন লগেপ্রভুর এগেম্ মজিম তারার্‌ জাগায়ানি গজক্ গুরি নেযেবা।

যিহোশূয় 23:5 Iomraidhean Croise

যাত্রা 23:20

“যে জাগাগান্‌ মুই ঠিগ্ গুরি রাগেয়োং সিদু তমারে নেযেবাত্তে আর পদত্‌ রোক্ষ্যে গুরিবাত্তে মুই তমা আগেদি একজন দূতরে পাধেই দুয়োঙর্‌।”

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যাত্রা 34:11

এচ্চ্যে মুই তমারে যে উগুমানি দিম্‌ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্‌ ধাবেই দিম্‌।

দ্বি’লম্বর বিররণ 11:23

সিয়েনি গুরিলে লগেপ্রভু তমা মুজুঙেত্তুন্‌ সে বেক্‌ জাদ্‌তুনোরে নিগিলেই দিবো, আর তুমি তমাত্তুন্‌ বেশ্‌ দাঙর্‌ দাঙর্‌ আর বোলী জাদ্‌তুনোরে গজক্ গুরিবা।

বিচের গুরিয়্যেগুন 2:21

সেনত্তে যিহোশূয় মুরি যেবার সময়ানত্‌ যিদুক্কুন্‌ জাদ দেজত্‌ থেইয়োন্‌ তারারে মুই ইস্রায়েলীয়গুনোর মুজুঙোত্তুন্‌ ধাবেই ন-দিম্‌।