যিহোশূয় 23:4 - Chakma Bible

⁴ যর্দন গাঙত্তুন্‌ পোজিমেন্দি ভূমধ্য সাগর সং যিদুক্কুন্‌ জাদরে মুই ভস্ত গুরি দুয়োং আর যিদুক্কুন্‌ জাদ এজঅ‌ বাগি রোইয়োন্‌ তারার্‌ বেক্কুনোর জাগায়ানি মুই তমা গুট্টিগুনো ভিদিরে সোম্বোত্তি ইজেবে ভাগ গুরি দুয়োং।

যিহোশূয় 23:4 Iomraidhean Croise

গীতসংহিতা 105:11

তে কোইয়্যেদে, “মুই তরে কনান দেজ্‌ছান দিম, সিয়েনই অবঅ তর্ পাওনা সোম্বোত্তি।”

গীতসংহিতা 78:55

তারা মুজুঙোত্তুন অন্য জাদ্‌তুনোরে তে ধাবেই দিলো, আর সে জাদ্‌তুনোর জাগা-জোমিগানি তে জরীপ গুরিনে সোম্বোত্তি ইজেবে তারারে ভাগ গুরি দিলো; তারার ঘরানিত্ ইস্রায়েলর গুট্টিগুনোরে বজত্তি গরা বাজেই দিলো।

যাত্রা 23:30

তুমি মান্‌জ্যন্দি বেশ্‌ ওইনে গোদা দেজ্‌চান্‌ গজক্ গুরি ন-নেযানা সং মুই সেই জাদ্‌তুনোরে কিজু কিজু গুরি দেজত্তুন্‌ ধাবেইনে নিগিলেই দিম্‌।

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

দ্বি’লম্বর বিররণ 12:29

যিদুক্কুন জাদরে তুমি গজক্ গুরিবাত্তে যর্‌ তমা গোজেন লগেপ্রভু তমা মুজুঙোত্তুন্‌ তারারে এক্কুবারে ভস্ত গুরি দিবো। মাত্তর্‌ তারারে গজক্ গরানার পরেন্দি যেক্কে তুমি তারার দেজত্‌ বজত্তি গুরিবা সেক্কে উঝিয়ার অবা যেনে তমা মুজুঙোত্তুন্‌ তারা ভস্ত ওই যানার পরেন্দি তারার্‌ দেব-দেবেদাগুনোর পৌইদ্যেনে তোগেবাত্তে যেইনে তুমি কেরাবত্‌ ন-পড় আর পুজোর্ ন-গরঅ, এ বেক্‌ জাদ্‌তুনে কেধোক্ক্যেনগুরি তারার্‌ দেব-দেবেদাগুনোরে পূজো গুরিদাক্? আর যেরেন্দি কঅ, আমিয়ো সিয়েন্‌ গুরিবোং।

যিহোশূয় 13:2

যে জাগায়ানি এজঅ‌ গজক্ গরা ন-অয়্‌ সে ভিদিরে রোইয়্যেদে মিসরর পূগেদি সীহোর গাঙত্তুন্‌ আরাম্ভ গুরিনে উত্তরেন্দি ইক্রোণর দুযি সং পলেষ্টীয় আর গশূরীয়গুনোর বেক্‌ চাগালাগান। এ চাগালাগান্‌ কনানীয়গুনোর জাগা বিলিনে ধরা অয়্‌। সিয়েনত্‌ ঘষা, অস্‌দোদ, অস্কিলোন, গাৎ আর ইক্রোণ নাঙে পাচজন পলেষ্টীয় শাজনগুরিয়্যের্‌ পাচছান শঅ‌র আঘে, আর দোগিণেন্দি আঘে অব্বীয়গুনোর জাগানি। ইয়েনিবাদে আরঅ‌ বোউত্‌ জাগা গজক্ গুরি নেযেবার্‌ বাগি আঘে, সিয়েনি অলঅ‌ সীদোনীয়গুনোর অধীনোত্‌ মিয়ারাত্তুন্‌ ইমোরীয়গুনোর দুযিত্‌ অফেক সং কনানীয়গুনোর বেক্‌ জাগায়ানি,

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

বিচের গুরিয়্যেগুন 2:21

সেনত্তে যিহোশূয় মুরি যেবার সময়ানত্‌ যিদুক্কুন্‌ জাদ দেজত্‌ থেইয়োন্‌ তারারে মুই ইস্রায়েলীয়গুনোর মুজুঙোত্তুন্‌ ধাবেই ন-দিম্‌।