যিহোশূয় 23:12 - Chakma Bible

¹² মাত্তর্‌ এ জাদ্‌তুনো ভিদিরে যিদুক্কুন্‌ মানুচ্‌ পরাণে বাঁজি যেইনে তমা ভিদিরে আগন্‌ তুমি যুনি লগেপ্রভুরে ছাড়িনে তারা সমারে মিজো, বা তারা সমারে বৌ দেনার কুদুম্মোগান্ থিদে গরঅ, বা তারা সমারে মিজো,

যিহোশূয় 23:12 Iomraidhean Croise

পত্থম 2:24

ইয়েনত্যে মান্‌জ্যে মা-বাবরে ছাড়িনে তারা মোক্কুনো লগে এগত্তর্ ওইনে থেবাক্ আর তারা এক্কান কিয়্যে অবাক্।

পত্থম 34:3

দীণা উগুরে তার অমকদ টান্ এলঅ। তে তারে কোচ্‌পেল আর তা মুজুঙোত কোচ্‌পানার কধা কলঅ।

১ রাজাবলী 11:2

তারা সে জাদত্তুন্‌ এচ্ছোন্‌ যিগুনোর পৌইদ্যেনে লগেপ্রভু ইস্রায়েলীয়গুনোরে কোইয়্যে, “তুমি তারারে ন-লবা, কিয়া তারা হামাক্কাই তমার মনানি তারার্‌ দেব-দেবেদাগুনো ইন্দি টানি নেযেবাক্‌।” মাত্তর্‌ শলোমনে তারারে কোচ্‌পেইনে আজাবোদে ধুরি রাগেল।

১ রাজাবলী 11:4

শলোমনর্ বুড়ো বয়জত্‌ তা মোক্কুনে তা মনান্‌ দেব-দেবেদাগুনোর ইন্দি টানি নেযেয়োন্‌। সিয়েনত্তে তা বাপ্পো দায়ূদো ধোক্কেন্‌ তা মনত্‌ তার গোজেন লগেপ্রভু উগুরে এদক্‌ ভোক্তি ন-এলঅ।

গীতসংহিতা 125:5

মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!

গীতসংহিতা 36:3

তারার্ মুয়ো কধানি বজং আর ছলনালোই ভরা; বুদ্ধিবলা ধোক্ক্যেন চলানা তারা বাদ দুয়োন্, আর বাদ দুয়োন্দে গম্ কাম গরানা।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

সফনিয় 1:6

যিগুনে লগেপ্রভুর পিজেদি চলানাত্তুন্ ফিরি যেইয়োন আর তার্ আওজ্ মজিম ন-চলন্ আহ্ তার্ আওজ্‌চান জানিবাত্তেয়ো ন-চান তারারে মুই শেজ্ গুরি দিম।”

মথি লেখ্যে গম্ হবর্ 12:45

যেরেদি সেই ভুদ্‌তো যেইনে নিজোত্তুন্ বেশ্ বজং আরঅ সাত্তো ভুত সমারে আনে আর সিয়েনত্ সোমেইনে বজত্তি গরা ধরে। সেক্কে সে মানুচ্চোর্ পত্তম্ দজাত্তুন্ শেজ্ দজাগান্ আরঅ বজং ওই উদে। এ কালর্ পাজি মানুচ্চুনোর অবস্থায়ো সেবাবোত্যে অবঅ।”

যোহন 6:66

যীশুর এ কধাগানত্যে শিচ্চ্যগুনোত্তুন্ ভালোক্‌জনে ফিরি গেলাক্ আর তা লগে আঢাউদো বন্ধ গুরি দিলাক্।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

দ্বি’লম্বর বিররণ 6:15

কিত্যে তমা ভিদিরে তমার্‌ যে গোজেন লগেপ্রভু আঘে তে তার্‌ পাওনা ভোক্তি পৌইদ্যেনে অমকদ খুজি; দেব-দেবেদাগুনোর্‌ পিজেন্দি গেলে তমার বিরুদ্ধে তার্‌ রাগর্‌ আগুনান্‌ জুলি উদিবো, আর তে পিত্‌থিমীগান উগুরেত্তুন্‌ তমারে ভস্ত গুরি ফেলেব।

দ্বি’লম্বর বিররণ 7:3

তুমি তারা সমারে কনঅ মেথ্‌বানর সম্পর্ক ন-গুরিবা। তমার মিলেগুনোরেয়ো তুমি তারার্‌ পূঅগুনোর্‌ আদত্‌ ন-দিবা আর তারার্‌ মিলেগুনোরেয়ো তুমি তমা পূঅগুনোত্তে ন-আনিবা,

দ্বি’লম্বর বিররণ 7:4

কিত্যে সে মিলেগুনে তমা পূঅগুনোরে মত্তুন্‌ দূরোত্‌ সোরেই নেযেবাক্ আর দেব-দেবেদাগুনোর্‌ পূজো গুরিবাক। সেক্কে লগেপ্রভুর রাগর্‌ আগুনান্‌ তমার বিরুদ্ধে জুলি উদিবো আর লগে লগে তমারে ভস্ত গুরি ফেলেব।

যিহোশূয় 23:11

সেনত্তেই তমার গোজেন লগেপ্রভুরে কোচ্‌পানার পৌইদ্যেনে তুমি জদপদে মনযোগী অ।

১ যোহন 2:9

যে মানুচ্চো কয় তে পহ্‌রত্ আঘে অদচ তা ভেইবোরে ঘিনায় তে এজঅ আন্ধারত্ আঘে।

বিচের গুরিয়্যেগুন 14:3

জোবত্‌ তা মা-বাবে কলাক্কে, “তঅ কুদুম্মোগুনো ভিদিরেত্তুন্‌ বা আমা বেক্‌ জাদ্‌তুনোর ভিদিরেত্তুন্‌ কি কনঅ মিলে নেই, মোগ্‌ লবাত্তে তত্তুন্‌ সুন্নত ন-গোজ্যে পলেষ্টীয়গুনো ইদু যাহ্ পুরিবো?” মাত্তর্‌ শিম্‌শোনে তা বাবরে কলঅ, “না, মত্তেই তারে তুমি দুয়ো। তারে মুই বেই লোইয়োং।”

বিচের গুরিয়্যেগুন 3:6

তারা তারার্‌ মিলেগুনোরে লদাক্‌ আর নিজো ঝিগুনোরে তারার্‌ পূঅগুনো সমারে বৌ-দিদাক্‌ আহ্‌ তারার্‌ দেব-দেবেদাগুনোরে পূজো গুরিদাক্‌।