যিহোশূয় 23:10 - Chakma Bible

¹⁰ তমাত্তুন্‌ একজনে এক আজার্‌ জনরে ধাবেই দি পাজ্যে, কিত্যে তমা গোজেন লগেপ্রভুর্ এগেম্ মজিম তে তমার ওইনে যুদ্ধো গোজ্যে।

যিহোশূয় 23:10 Iomraidhean Croise

২ শমূয়েল 23:8

দায়ূদোর বোলী মানুচ্চুনোর নাঙানি ইয়েনি: তখমোনীয় যোশেব-বশেবৎ নাঙ্‌-গোজ্যে তিন্নো বীরোর্‌ মোধ্যে চেলা এলঅ; এক্কান যুদ্ধোত্‌ তে আস্‌তোশঅ মান্‌জ্যরে মারে ফেলেয়্যে বিলিনে তারে ইস্‌নীয় আদীনো কুয়ো অদঅ।

১ বংশধর 5:20

ইগুনো সমারে যুদ্ধো গুরিবার্‌ সময়োত্‌ গোজেনে তারারে বল্‌ দিয়্যে। তে হাগরীয় আর তারা পক্ষেন্দি বেক্‌ মানুচ্চুনোরে তারা আদত্‌ তুলি দিয়্যে, কিত্তে যুদ্ধোত্‌ তারা গোজেন ইদু তবনা গোজ্যন্‌। তারা তা উগুরে বিশ্বেজ্ গোজ্যন্‌ বিলিনে তে তারার্‌ তবনা জোবপান্‌ দিয়্যে।

১ বংশধর 5:22

ইগুন্‌ বাদেয়ো শত্রুগুনোত্তুন্‌ বোউত্ মারা পড়িলাক্‌, কিত্তে গোজেনে এ যুদ্ধোগান্‌ ওইয়্যে। ইস্রায়েলীয়গুনে বন্দী অবার আগেন্দি সং সিদু বজত্তি গুরিদাক্‌।

গীতসংহিতা 35:1

ও লগেপ্রভু, যিগুনে মর্ বিপক্ষে তুইয়ো তারার্ বিপক্ষে থাগ্; যিগুনে মঅ বিরুদ্ধে যুদ্ধো গরন্ তুইয়ো তারা বিরুদ্ধে যুদ্ধো গর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

যাত্রা 14:14

তুমি বানা অলর্‌ গুরি থাগঅ‌। লগেপ্রভুই তমার ওইনেই যুদ্ধো গুরিবো।”

যিশাইয় 30:17

একজন দরে তমাত্তুন্ আজার্ জন ধেই যেবাক্ আর পাচজন দরে তুমি বেক্কুনে ধেই যেবা; সেক্কে তমা সৈন্যদলত্ মুড়োবো উগুরে বাবতা খুদোবো বাদে আর কিচ্ছু ন-থেবঅ।

লেবীয় 26:7

তুমি তমার্‌ শত্রুগুনোরে লোড়েবা আর শত্রুগুনে তমা মুজুঙোদ্ মুরি যেবাক্।

লেবীয় 26:8

বানা পাচজনে মিলিনে তুমি একশতজন শত্রুরে আর একশতজন মিলিনে দশ আজার শত্রুরে লোড়েবা, আরঅ শত্রুগুনে তমা মুজুঙোত্ মুরি যেবাক্।

সখরিয় 12:8

সেদিন্যে মুই যিরূশালেমর আদাম্মেগুনোরে রোক্ষ্যে গুরিম। তারা ভিদিরে বেগত্তুন্ বল্‌‌পোজ্যে মানুচ্চুন্‌অ দায়ূদো ধোক্ক্যেন অবাক্ আর দায়ূদোর বংশধরুনে গোজেন ধোক্ক্যেন, অত্তাৎ লগেপ্রভুর দূতো ধোক্ক্যেন তারার্ আগে আগে যেবঅ।

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

দ্বি’লম্বর বিররণ 20:4

শত্রুগুনো সমারে যুদ্ধো গুরিনে তমারে ঝিদেই দিবাত্তে তমার গোজেন লগেপ্রভুই তমা লগে লগে যার্‌।

দ্বি’লম্বর বিররণ 28:7

যিগুনে শত্রু ওইনে তমার বিরুদ্ধে থিয়্যেবাক লগেপ্রভু এমন্‌ গুরিবো যেনে তারা তমা ইদু উদিই যান। তারা এক কিত্তেন্দি তমারে আক্রমন গুরিবাত্তে এইনে সাত কিত্তেন্দি ধেই যেবাক।

দ্বি’লম্বর বিররণ 3:22

তুমি তারারে ন-দোরেয়ো; তমা গোজেন্‌ লগেপ্রভু নিজে তমার্‌ ওইনে যুদ্ধো গুরিবো।

দ্বি’লম্বর বিররণ 32:20

তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।

দ্বি’লম্বর বিররণ 32:30

কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

যিহোশূয় 23:11

সেনত্তেই তমার গোজেন লগেপ্রভুরে কোচ্‌পানার পৌইদ্যেনে তুমি জদপদে মনযোগী অ।

যিহোশূয় 23:3

তমা গোজেন লগেপ্রভু তমাত্তে এ জাত্‌তো উগুরে যিয়েনি গোজ্যে সিয়েনি দঅ‌ তুমি নিজোর্‌ চোগেদি দেক্কো। তমা গোজেন লগেপ্রভু নিজেই তমার্‌ ওইনে যুদ্ধো গোজ্যে।

বিচের গুরিয়্যেগুন 15:15

সেক্কে তে লগেলগ্‌ মুরি যেইয়্যে গাধার এক্কো গাল দাঁত পেইনে সিবে আঢত্‌ নিলো আর সিবেলোই এক আজার মান্‌জ্যরে মারে ফেলেল।

বিচের গুরিয়্যেগুন 3:31

এহূদর পরেন্দি অনাতর পূঅ শম্‌গরে শাজন্‌গুরিয়্যে অলঅ। তে গোরু চোরেইয়্যে লুদিক্কোই পলেষ্টীয়গুনোরে ছয়শঅ মান্‌জ্যরে মারে ফেলেয়োন্‌। তেইয়ো ইস্রায়েলীয়গুনোরে রোক্ষ্যে গুরিলো।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”