যিহোশূয় 22:8 - Chakma Bible

⁸ “তমার বোউত্‌ ধন-সোম্বোত্তি ওইয়্যে, যেন এ্যমানর দাঙর্‌ দাঙর্‌ পাল্‌, সনা, রূবো, পিদোল, লুয়ো আর বোউত্‌ কাবড়-চুগোর্‌। ইয়েনি নেযেইনে এবেরা তুমি তমা ঘরত্‌ ফিরি যঅ। তমা শত্রুগুনোত্তুন্‌ লুদেয়্যে এ বেক্‌ জিনিস্‌চানি তুমি তমার ভেইয়ুনো সমারে ভাগ গুরি নেযেয়ো।”

যিহোশূয় 22:8 Iomraidhean Croise

১ বংশধর 5:9

গিলিয়দদ্‌ তারার্‌ য়েমান পালুন্‌ বেশ্ ওইয়োন্‌ বিলিনে পূগেন্দি ধূল্যেচর- চাগালাগান্‌ যিয়োত্তুন্‌ আরাম্ভ ওইয়্যে সিয়েন সং তারা গজক গুরি নেযেলাক্‌। এ ধূল্যেচর-চাগালাগান্‌ ইউফ্রেটিস গাঙর্‌ পোজিমেন্দি এলঅ।

২ বংশধর 17:5

সেনত্তেই লগেপ্রভু তা অধীনোত্‌ রেজ্যগানি ঠিগ্‌ রাগেল। যিহূদার বেক্‌ মানুচ্চুন্‌ যিহোশাফটরে বক্‌শিজ্‌ দিলাক্‌; সেক্কে তার্‌ বোউত্‌ ধন-সম্পদ আর সর্মান বাড়িলো।

২ বংশধর 32:27

হিষ্কিয়োর বোউত্‌ ধন-সোম্বোত্তি আর সর্মান এলঅ। তার্‌ সোনা-রূবো, মণি-মুক্তো, তুম্বাজ্‌ মজলা, ঢাল আর নানান্‌ বাবোত্যে মংগা পযাপিরা রাগেবাত্তে তে ধনভান্ডাল্‌ বানেল।

গীতসংহিতা 68:12

সেই মিলেগুনে কন্দে, “সৈন্যদলর রাজাগুনে ধেই যাদন, ধেই যাদন, আর ঘরত্ থেইয়্যে মিলেগুনে লুদেয়্যে পযাপিরানি ভাগাভাগি গত্তন্।

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

গণাণা 31:27

লুদেয়্যে বেক পযাপিরানি দ্বিভাগ গুরিনে এক ভাগ দুয়ো সৈন্যগুনোরে যিগুনে যুদ্ধো গোজ্যন্‌ আর অন্য ভাগ দুয়ো সমাজর্‌ বাদবাগী মানুচ্চুনোরে।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

ইব্রীয় 11:26

তে মিসরর্ ধন-সোম্বোত্তিত্তুন্ খ্রীষ্টত্যে অগমান্ অনার্ দামান বোউত বেশ্ বিলি মনে গুরিলো, কিয়া তা চোগ্‌কো এলদে বক্‌শিজ ইন্দি।

১ শমূয়েল 30:16

পরেন্দি তে দায়ূদোরে সে দল ইদু নেযেল। তারা সেক্কে এক্কো মাদ ভিদিরে ছিদি পোজ্যন্‌ আর হানা-দানা গোজ্যন্‌ আর মদ খেইনে ফুত্তি গোজ্যন্‌, কিত্যে পলেষ্টীয়গুনোর দেজ্‌চান আর যিহূদা চাগালাত্তুন্‌ তারা বোউত্‌ পযাপিরা লুদেইনে আন্যন্‌।

১ শমূয়েল 30:24

তমার এদক্কানির কধালোই কনজনে রাজী ন-অবাক্। যিগুনে যুদ্ধোত্‌ যেইয়োন্‌ আর যিগুনে পযাপিরানি চুগি দুয়োন্‌ তারা বেক্কুনে এধোক্ক্যেন্ ভাগ পেবাক্‌।