যিহোশূয় 22:31 - Chakma Bible

³¹ ধর্মগুরু ইলিয়াসর পূঅ পীনহসে তারারে কলঅ‌, “এচ্চ্যে আমি বুঝি পারিলোং, লগেপ্রভু আমা লগে আঘে, কিত্যে তুমি এ পৌইদ্যেনে লগেপ্রভু উগুরে বেঈমানীর্ কাম্‌ ন-গরঅ‌। তুমি লগেপ্রভুর আদত্তুন্‌ ইস্রায়েলীয়গুনোরে বাজেলা।”

যিহোশূয় 22:31 Iomraidhean Croise

২ বংশধর 15:2

সেক্কে অসরিয় আসার লগে দেগা গুরিবাত্তে যেইনে কলঅ, “ও আসা, ও যিহূদা আর বিন্যামীনর বেক্‌ মানুচ্চুন্‌, মঅ কধাগান শুনো। তুমি যেদকদিন লগেপ্রভুর লগে থেবা সেদকদিন তেয়ো তমা লগে থেবঅ। তা আওজ্‌চান্‌ জানিবাত্তে চেলে তুমি সিয়েন্‌ জানি পারিবা, মাত্তর্‌ তারে যুনি ছাড়ি যঅ সালে তেয়ো তমারে ছাড়ি যেবঅ।

ইষ্রা 7:5

বুক্কি অবীশূয়র পুয়ো, অবীশূয় পীনহসর পুয়ো, পীনহস ইলিয়াসরর পুয়ো আর ইলিয়াসরে এলদে আজল্ ধর্মগুরু হারোণর পুয়ো।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

যাত্রা 25:8

ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

১ করিন্হীয় 14:25

সেক্কে তা মনত্ গুমুরো বেপারানি নিগিলি এবঅ, আর তে সেক্কে মাদিত্ মাঢা নিগিরিনে গোজেনরে বাঈনী গুরিনে কবঅ, “ঘেচ্চ্যেকগুরি, গোজেনে তমা ভিদিরে আঘে।”

যিহোশূয় 22:30

রূবেণ, গাদ আর মনঃশি-গুট্টির মানুচ্চুনে ধর্মগুরু পীনহস আর ইস্রায়েলীয় সমাজর নেতাগুনোরে, অত্তাৎ ইস্রায়েলীয় বংশগুনোর মুরুব্বীগুনোরে যিয়েনি কলাক্‌ সিয়েনিলোই তারা হুজি অলাক্‌।

যিহোশূয় 22:32

ইয়েন পরেন্দি ইলিয়াসর পূঅ পীনহস আর নেতাগুনে গিলিয়দত্‌ রূবেণীয় আর গাদীয়গুনো ইত্তুন্‌ কনান দেজত্‌ ফিরি যেইনে বেক্‌ কধানি ইস্রায়েলীয়গুনোরে জানেলাক্‌।

যিহোশূয় 3:10

জেদা গোজেনে যে তমা ভিদিরে আঘে আর তেয়ই যে কনানীয়, হিত্তীয়, হিব্বীয়, পরিষীয়, গির্গাষীয়, ইমোরীয় আর যিবূষীয়গুনোরে হামাক্কায় তমা মুজুঙেত্তুন্‌ ধাবেই দিবো সিয়েন তুমি এধোক্ক্যেনগুরি বুঝি পারিবা।