যিহোশূয় 22:20 - Chakma Bible

²⁰ যেদক্কানি জিনিস ভস্তর্ অভিশাবর্ তলে এলঅ‌ সে পৌইদ্যেনে সেরহর পূঅ‌ আখনে বিশ্বেজ্ ন-গরে বিলিনে লগেপ্রভুর রাগ্‌কান্‌ কি পুরো ইস্রায়েল সমাজ উগুরে ন-পড়ে? তে দঅ‌-তার্‌ পাবত্তে গায়্‌ গায়্ মুরি ন-যায়।’”

যিহোশূয় 22:20 Iomraidhean Croise

২ বংশধর 24:18

তারা তারার্‌ পূরোণি মানুচ্চুনোর গোজেন লগেপ্রভুর ঘরান্‌ ছাড়িনে আশেরা-খুদো আর মূত্তি পূজো গরা ধুরিলাক্‌। তারার্‌ এ পাপত্তে গোজেন রাগ্‌কান যিহূদা আর যিরূশালেম উগুরে লামি এলঅ।

ইয়োব 35:8

তর্ পাজিগানে বানা মান্‌জ্যর্ খেতি গরে, আর তর্ গম কামানিয়ে বানা তারারে সাহায্য গরে।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

১ করিন্হীয় 10:6

আমি যেনে দেগিনে শিগি পারিই সেনত্তে ইয়েনি বেক্কানি ঘোট্ট্যে, যেন তারা যেবাবোত্যে ভান্ন্যেয় পৌইদ্যেনে লুভ্ গোজ্জ্যন আমি সেবাবোত্যে ন-গুরিই।

যিহোশূয় 22:21

এ কধাগান শুনিনে রূবেণ আর গাদ-গুট্টির মানুচ্চুনে আর মনঃশি-গুট্টির অদ্দেক্‌ মান্‌জ্যে জোবত্‌ ইস্রায়েলীয় নানান্‌ বংশর নেতাগুনোরে কলাক্‌,

যিহোশূয় 7:1

যিরীহো শঅরর্‌ ভস্তর্ অভিশাবর তলে থেইয়্যে পযারিরেনি পৌইদ্যেনে ইস্রায়েলীয়গুনে অবিশ্বেজী ওইয়োন্‌। যিহূদা-গুট্টির কর্মির পূঅ আখনে সে জিনিজোত্তুন্‌ কয়েক্কান নিজোত্তে নেযেল। কর্মি অলদে সব্দির পূঅ আর সেরহর নাদিন্‌। আখনর এ কামানত্তেই ইস্রায়েলীয়গুনো উগুরে লগেপ্রভুর রাগকান্‌ জুলি উদিলো।

যিহোশূয় 7:18

পরেন্দি সব্দির গিরির্‌ মানুচ্চুনে এক এক গুরি মুজুঙেন্দি এলে যিহূদা-গুট্টির কর্মির পূঅ আখনে ধরা পুরিলো। কর্মি এলঅ‌ সব্দির পূঅ আর সেরহর নাদিন্‌।

যিহোশূয় 7:24

পরেন্দি যিহোশূয় আর বেক্‌ ইস্রায়েলীয়গুনে সেরহর বংশধর আখনরে লোইনে আখোর কিজিঙোত্‌ গেলাক্‌। তারা লগে নেযেলাক্‌ সে রূবোনি, কাবড়ানি, সনার কট্টানি, আখনর পূঅ-ঝিগুন্‌, তার গোরু-গাধা-ভেড়াগুন্‌, তার তাম্বুলানি আর যিয়েনি এলঅ‌ বেক্কানি।

যিহোশূয় 7:5

শঅরর্‌ গেদো ইত্তুন্ অয় শঅরর্‌ মানুচ্চুনে ইস্রায়েলীয়গুনোরে লোড়েইনে শবারীম সং নেযেলাক্‌ আর শবারীমর কামা জাগানত্‌ তারার্‌ ছত্রিশজনরে মারে ফেলেলাক্‌। সেক্কে ইস্রায়েলীয়গুনোর মনবল এক্কুবারে ভাঙি পড়িলো।

২ পিতর 2:6

সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;