যিহোশূয় 21:8 - Chakma Bible

⁸ মোশির্‌ মাধ্যমে লগেপ্রভুর্‌ উগুম মজিম ইস্রায়েলীয়গুনে চাম্বা চেলে এ বেক্‌ আদামানি আর শঅ‌রানি আর সিয়েনির লগে এ্যমান চোড়েবার খলাগুন্‌ লেবীয়গুনোরে দিলাক্‌।

যিহোশূয় 21:8 Iomraidhean Croise

পত্থম 49:5

শিমিয়োন আর লেবি দ্বিভেই; তারা ক্ষোতি গুরিবাত্তে তলোয়ার ধরন্।

পত্থম 49:7

তারার্‌ এ দর্‌গরেপারা রাগ্‌‌কানি, এ চিৎনপুজ্যে রাগ্‌‌কানি অভিশাব্ পোড়োক্‌। মুই তারা গুট্টি যাকোব বংশগুনো ভিদিরে ভাগ গুরি দিম, আর ইস্রায়েলীয়গুনো ভিদিরে তারারে ছিদি দিম্।

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

গম্ উপদেজ্ 18:18

পোরোক্ক্যে চেইনে কোল্-কোজ্যেগানি থামা অয় আর দ্বিবে বোলি তপ্পে ভিদিরে মিমাংসা গরা অয়।

গণাণা 32:2

সিয়েনি দেগিনে তারা মোশি আর ধর্মগুরু ইলিয়াসর আর ইস্রায়েলীয় সমাজর্‌ নেতাগুনোরে যেইনে কলাক্‌,

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

গণাণা 35:3

ইয়োন্দোই লেবীয়গুনে বজত্তি গুরিবাত্তে আদাম আর শঅর্‌ পেবাক্‌ আর তারার্‌ গোরু-ভেড়া-ছাগল আর অন্য য়েমান চোড়েবার্‌ মাদঅ পেবাক্।

যিহোশূয় 18:6

দেজর সে সাত্‌ ভাগর্‌ পত্তিগানি পৌইদ্যেনে বেক্কানি লিগিনে তুমি সিয়েনি মইদু আনিবা, আর মুই আমা গোজেন লগেপ্রভুর মুজুঙোত্‌ তমাত্তে চাম্বা চেই দিম্‌।

যিহোশূয় 21:3

সেনত্তেই লগেপ্রভুর্‌ উগুম মজিম ইস্রায়েলীয়গুনে তারার্‌ নিজোর সোম্বোত্তিত্তুন্‌ কয়েক্কান আদাম আর এ্যমান চোড়েবার খলা লেবীয়গুনোরে দিলো।

যিহোশূয় 21:7

রূবেণ, গাদ আর সবূলূন-গুট্টির জাগানত্তুন্‌ মরারির বংশধরুনোর নানান্‌ গিরিরে বারোগান্‌ আদাম আর শঅর্‌ পেলাক্‌।

যিহোশূয় 21:9

লেবীয়গুনোরে কহাতীয় গিরিগুনো ভিদিরে চাম্বা চানার্‌ পরেন্দি হারোণর বংশধরুনোর্‌ নাঙানি উদিলো। ইয়েনত্‌ যিহূদা আর শিমিয়োন-গুট্টির জাগানত্তুন্‌ কয়েক্কান আদাম আর শঅর্‌ তারারে দিয়্যে অলঅ‌।