যিহোশূয় 21:45 - Chakma Bible

⁴⁵ লগেপ্রভু ইস্রায়েলীয়গুনোরে ভালেদি গুরিবাত্তে যেদক্কানি এগেম্ গোজ্যে সিয়েনির্‌ এক্কানঅ অপূরোণ ন-থায়, বেক্কানি পূরোণ ওইয়্যে।

যিহোশূয় 21:45 Iomraidhean Croise

১ রাজাবলী 8:15

সেক্কে তে কলঅ, ইস্রায়েলর গোজেন লগেপ্রভুর বাঈনী ওক্‌। তে মঅ বাপ্পো দায়ূদো ইদু নিজোর মুয়োন্দি যিয়েনি কোইয়্যে সিয়েনি নিজেই পূরেই দিলো। তে কোইয়্যেদে,

১ রাজাবলী 8:20

“লগেপ্রভু তার্‌ শমক্কান্ রোক্ষ্যে গোজ্যে। মঅ বাপ্পো যে পদথ্‌ এলঅ মুই সে পদথান্‌ পেইয়োং। লগেপ্রভুর শমক্ অনুসারে মুই ইস্রায়েলর সিংহাসনত্‌ বোস্যং আর ইস্রায়েলর গোজেন লগেপ্রভুত্তে মুই এ ঘরান্‌ বানেয়োং।

১ রাজাবলী 8:24

তঅ চাগর্‌ মঅ বাপ্পো দায়ূদো ইদু তুই যে শমক্ গোজ্যস্‌ সিয়েন তুই রোক্ষ্যে গোজ্যস্‌। তুই মুয়োন্দি যিয়েন কোইয়োচ্‌ কামন্দিয়ো সিয়েন গোজ্যস্‌, আর এচ্ছ্যে আমি দেগির্‌।

১ রাজাবলী 8:56

“ধন্য লগেপ্রভু, যিবে তার শমক্ অনুসারে তা মানুচ্‌ ইস্রায়েলীয়গুনোরে জিরেবাত্তে দিয়্যে। তা চাগর্‌ মোশিরে দিইনে তে যেদক্কানি ভালেদি গুরিবার শমক্ গোজ্যে তার এক্কান কধায়ো তে বাদ নঅ-দে।

নহিমিয় 9:8

তুই তার্‌ মনান্‌ বিশ্বেজি দেগিনে কনানীয়, হিত্তীয়, ইমোরীয়, পরিষীয়, যিবূষীয় আর গির্গাশীয়গুনোর্‌ দেজত্‌ তা বংশবোরে দিবাত্তে তাত্তেই এক্কান্‌ বেবস্থা থিদেবর্ গোজ্যস্‌। তুই গম্‌ বিলিনে তর্‌ এগেম্ তুই রোক্ষ্যে গোজ্যস্‌।

যিশাইয় 48:3

লগেপ্রভু কোইয়্যেদে, যিয়েন ওই যেইয়্যে সিয়েন মুই ভালোক্ দিন আগেদি কোইয়োং; মুই সিয়েন জানেয়োং আর মঅ মুয়োনে সিয়েনি ফগদাং গোজ্যে। সে পরেদি মুই আদিক্ক্যেন্‌গুরি সিয়েন গুরিলুং আর সিয়েনি অলঅ,

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

১ করিন্হীয় 1:9

গোজেনে বিশ্বেজবলা; তেয়ই তমারে ডাক্ক্যে যেন তা পুয়োবো আমা প্রভু যীশু খ্রীষ্ট আর তমা ইধু কধাবাত্তা-মিলেমিলি থায়।

১ থিষলনীকীয় 5:24

ইদোত্ রাগেয়ো, যিবে তমারে ডাক্ক্যে তে নির্ভরযোগ্য; তে খামাক্কায় সিয়েন গুরিবো।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ শমূয়েল 3:19

এধোক্ক্যেনগুরি শমূয়েলে দাঙর্‌ উয়ো ধুরিলো আর লগেপ্রভু তা সমারে থেলঅ আর ভাববাদী ইজেবে কোইয়্যে তার কনঅ কধা লগেপ্রভু ফেলা যেবাত্যে ন দিলো।