যিহোশূয় 21:44 - Chakma Bible

⁴⁴ তারার্‌ পূরোণিমানুচ্চুনো ইদু লগেপ্রভুর শমক্‌ মজিম্ তে চেরোকিত্তে বেক্‌ যুদ্ধোগানিত্তুন্‌ তারারে জিরেবাত্তে দিলো। কনঅ শত্রু তারার্‌ মুজুঙোত্‌ থিয়্যেই ন-পারে। লগেপ্রভু তারার্‌ বেক্‌ শত্রুগুনোরে তারা আদত্‌ তুলি দিলো।

যিহোশূয় 21:44 Iomraidhean Croise

২ বংশধর 13:16

যিহূদার মুজুঙোত্তুন্‌ ইস্রায়েলীয়গুনে ধেই যাহ্ ধুরিলাক্‌ আর গোজেনে তারারে যিহূদার মানুচ্চুনো আঢত্‌ তুলি দিলাক্‌।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যাত্রা 33:14

জোবত্‌ লগেপ্রভু কলঅ, “মুই নিজেই তর্‌ লগে যেম্‌ আর তরে জিরেন্‌ দিম।”

যিশাইয় 63:14

লগেপ্রভুর আত্মাগান কলগত্ লামি যেইয়্যে য়েমান পাল ধোক্ক্যেন তারারে জিরেবাত্তে দিয়্যে। তার বাঈনী গুরিবার নাঙান থিদেবর্ গুরিবাত্তে তে এবাবোত্যেগুরি তা মানুচ্চুনোরে পরিচালনা গোজ্যে।”

দ্বি’লম্বর বিররণ 2:36

অর্ণোন কিঝিঙোর্‌ দুঝিত্‌ অরোয়র্‌ শঅর আর সে কিঝিঙো ভিদিরে আদামত্তুন্‌ আরাম্ভ গুরিনে গিলিয়দ সং এন্‌ কনঅ বোলী আদাম বা শঅর ন-রলঅ যিয়েন্‌ আমি জিদি নেযেই ন পারিই। আমা গোজেন লগেপ্রভু সিয়েনি বেক্কানি আমা আদত্‌ তুলি দিয়্যে।

দ্বি’লম্বর বিররণ 21:10

শত্রুগুনো সমারে যুদ্ধো গুরিবাত্তে যেইনে যেক্কে তমা গোজেন লগেপ্রভু তমা আদত্‌ তারারে তুলি দিবো আর তুমি তারারে বানি রাগেবা,

ইব্রীয় 4:9

সালে দেগা যায়, গোজেন মানুচ্চুনোত্যে জিরেবার জু আঘে,

যিহোশূয় 1:13

“লগেপ্রভুর চাগর্‌ মোশি যে শমক্তান্‌ তমা ইদু গোজ্যে সিয়েনি তুমি মনত্‌ তুলি চঅ‌। তে কোইয়্যেদে, ‘তমা গোজেন লগেপ্রভু বেক্কানিত্তুন তমারে জিরেবাত্তে দিয়্যে আর এ দেজ্‌চানঅ‌ তমারে দিয়্যে।’

যিহোশূয় 1:15

লগেপ্রভু যেদকদিন তমা ধোক্ক্যেন গুরি তমা ভেইয়ুনোরেয়ো বেক্কানিত্তুন জিরেবাত্তে ন-দে আর যেদকদিন সং তারা তমার গোজেন লগেপ্রভুর দিয়্যে দেজ্‌চান গজক্ গুরি ন-নেযান্‌ সেদকদিন সং তুমি ভেইয়ুনোরে এজাল্‌ দিবা। সে পরেন্দি তুমি ফিরি এইনে তমার নিজোর জাগায়ানি পুরোপুরিগুরিনে গজক্ গুরি পারিবা যিয়েনি লগেপ্রভুর চাগর্‌ মোশি যর্দনর পূগেন্দি তমারে দি যেইয়্যে।”

যিহোশূয় 1:5

তুই যেদকদিন বাঁজি থেবে কনঅ জনে তর্‌ বিরুদ্ধে থিয়্যেই ন-পারিবাক্‌। মুই যেধোক্ক্যেন গুরি মোশি লগে এলুং সেধোক্ক্যেন তঅ লগেয়ো থেম্‌; মুই কনঅ‌ দিনঅ‌ তরে ছাড়ি ন যেম্‌ বা ফেলেই ন-যেম্‌।

যিহোশূয় 11:12

যিহোশূয় বেক্‌ রাজাগুনোর্‌ শঅ‌রানি গজক্ গুরি নিইনে সিদুগোর্ রাজাগুনোরে বন্দী গুরিলো। তে সেই রাজাগুনোরে আর সিদুগোর্ মানুচ্চুনোরে মারে ফেলেল। লগেপ্রভুর চাগর্‌ মোশির উগুম মজিম তে তারারে এক্কুবারে ভস্ত গুরি দিলো।

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 22:4

তমা গোজেন লগেপ্রভুর এগেম্ মজিম তে যুদ্ধোত্তুন্‌ তমা ভেইয়ুনোরে জিরেবাত্তে দিয়্যে; সেনত্তেই লগেপ্রভুর চাগর্‌ মোশি যর্দনর উইপারত্‌ তমারে যে জাগায়ান্‌ দিয়্যে সে জাগানর ঘরানত্‌ এবেরা তুমি ফিরি যঅ।

যিহোশূয় 22:9

সেনত্তেই লগেপ্রভু মোশিরে যে উগুমানি দিয়্যে সে মজিম্ রূবেণ আর গাদ-গুট্টির বেক্কুনোরে আর মনঃশি-গুট্টির অদ্দেক্‌ মানুচ্‌ নিজোত্তে যে জাগায়ানি পেইয়োন সে গিলিয়দ চাগালাত্‌ ফিরি যেবাত্তে কনান দেজঅ শীলোত্‌ ইস্রায়েলীয়গুনোত্তুন বিদেয় নিলো।

যিহোশূয় 23:1

ইস্রায়েলীয়গুনোর চেরোকিত্তে শত্রুগুনোর আঢত্তুন্‌ লগেপ্রভু তারারে জিরেন্ দেনার্‌ পরেন্দি ভালোক্‌ দিন বিদি গেলঅ‌। এ ভিদিরে যিহোশুয়র বয়স বোউত্‌ ওই যেইয়্যে, তে বুড়ো ওই যেইয়্যে।