যিহোশূয় 21:17 - Chakma Bible

^17-18 ইয়েনবাদে বিন্যামীন-গুট্টির্‌ জাগাত্তুনঅ‌ গিবিয়োন, গেবা, অনাথোৎ আর অল্‌মোন নাঙে চেরান্‌ আদাম আর শঅর্‌ আর সিয়েনির লগে য়েমান চোড়েবার খলা তারারে দিয়্যে অলঅ।

যিহোশূয় 21:17 Iomraidhean Croise

১ রাজাবলী 15:22

সে পরেন্দি রাজা আসা যিহূদার বেক্কুনো উগুরে এক্কান উঘুম্‌ জানেই দিলো, কাররে বাদ ন-দিলো। সেক্কে মানুচ্চুনে রামাত্‌ বাশার বেবহার গোজ্যে পাত্তর্‌ আর তক্তা বেক্কানি নেযেলাক্। রাজা আসা সিয়েনিলোই বিন্যামীনোর্‌ গেবা আর মিস্পা আদামান তাম্বুলো ধোক্ক্যেন্ গুরি বানেল।

২ রাজাবলী 23:8

যোশিয় যিহূদার শঅর্‌ আর আদামানিত্তুন্‌ বেক্‌ ধর্মগুরুগুনোরে আনিলো আর গেবাত্তুন্‌ বের্‌-শেবা সং যেদক্কানি পূজো অজল জাগাত্‌ সে ধর্মগুরুগুনে আগর্‌বাট্টি জ্বালেদাক্‌ সিয়েনি অসিজি গুরি দিলো। তে শাজন্‌গুরিয়্যে যিহোশূয়ো গেট্টোত্‌ সুমিবার্‌ পদথ্‌ যেদক্কানি পূজো অজল্‌ জাগা এলঅ সিয়েনি ভাঙি ফেলেল। এ গেট্টো অলদে শঅরর্ আজল্‌ গেট্টো বাঙেন্দি।

১ বংশধর 6:60

বিন্যামীন-গুট্টির জাগাত্তুন্‌ তারারে দিয়্যে অলদে গেবা, আলেমৎ, অনাথোৎ আর ইয়েনি চেরোকিত্তে য়েমান চোড়েবার্‌ বামন্‌। বেক্কানিয়ে তেরগান্‌ শঅর্‌ আর আদাম কহাতীয় বংশগুনো ভিদিরে ভাগ গুরি দিয়্যে অলঅ।

১ বংশধর 8:6

এহূদ পুয়োগুন অলাক্‌ নামান, অহিয় আর গেরা। ইগুনে এলাক্‌ গেবায় বজত্তি গুরিয়্যে মানুচ্চুনোর্ বংশর নেতা। গেরা তার্‌ দ্বিভেইয়োরে গেবাত্তুন্‌ জোর্‌ গুরিনে নিগিলেই দিলো; সেক্কে তারা মানহতদ্‌ যেইনে বজত্তি গরা ধুরিলাক্। গেরা অলদে উষঃ আর অহীহূদর বাপ।

যিশাইয় 10:29

তারা মুড়োপথ্‌তান পার ওই এইনে কদন্দে, “আমি গেবাত তাম্বুলান ফেলেইনে রেত্তো কাদেবং।” ইয়েনত্ রামা শঅরানে গির্‌‌‌গিরার, শৌলর গিবিয়ার মানুচ্চুনে ধেই যাদন্।

সখরিয় 14:10

যিরূশালেমর্ দোগিণে গেবাত্তুন্ রিম্মোণ সং অরাবা সংজাগান ধোক্ক্যেন্ অবাক্, মাত্তর্ যিরূশালেমান অজল্ থেবঅ। বিন্যামীন-গেদোত্তুন্ পত্তম গেইট্ আর কুণো গেইট্টো সং আর হননেলের অজল্ চুগিদার-ঘরত্তুন্ রাজার আংগুর মারেদে জাগান সং গোদা শঅরান্ ঠিগ্ থেবঅ।

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।