যিহোশূয় 21:13 - Chakma Bible

^13-16 সেনত্তেই হিব্রোণ, লিব্‌না, যত্তীয়, ইষ্টমোয়, হোলোন, দবীর, ঐন, যুটা আর বৈৎ-শেমশ আর সিয়েনির লগে এ্যমান চোড়েবার খলা ধর্মগুরু হারোণর বংশধরুনোরে দিয়্যে অলঅ‌। ইয়েন ভিদিরে হিব্রোণান্‌ এলদে খুনি আজামীর্ আশ্রয়-শঅর্‌। এ দ্বিবে গুট্টির জাগাত্তুন্‌ এ নঅ‌গান আদাম আর শঅর্‌ তারারে দিয়্যে অলঅ‌।

যিহোশূয় 21:13 Iomraidhean Croise

২ রাজাবলী 8:22

ইদোমে এজঅ সং যিহূদার বিরুদ্ধে উল্লোমি ওই আঘে। একই সময়োত্‌ লিব্‌নায়ো উল্লোমি গোজ্যে।

যিশাইয় 37:8

পরে রব্‌শাকি শুনিলোদে, আসিরিয়ার্ রাজা লাখীশ জাগায়ান ছাড়ি যেইনে লিব্‌নার বিরুদ্ধে যুদ্ধো গোজ্যে। সেনত্তে রব্‌শাকি সিয়েনত্ গেলঅ।

গণাণা 35:6

“তুমি যেদক্কানি আদাম আর শঅর্‌ লেবীয়গুনোরে দিবা সিয়েনি ভিদিরে ছগান অবঅ জিরেবার-শঅর। কেউ কাররে মারে ফেলেলে সেই জিরেবার-শঅরর্‌ যে কনঅ এক্কানত্‌ তে ধেই যেই পারিবো। ইয়েনি বাদে তুমি তারারে আরঅ বিয়াল্লিশ্‌ছান্‌ আদাম দিবা।

যিহোশূয় 10:29

পরেন্দি যিহোশূয় ইস্রায়েলীয়গুনোরে বেক্কুনোরে নিইনে মক্কেদাত্তুন লিব্‌নার ইন্দি উজেই যেইনে সিয়েন আক্রমণ গুরিলো।

যিহোশূয় 15:42

লিব্‌না, এথর, আশন, যিপ্তহ, অশ্‌না, নৎসীব, কিয়ীলা, অক্‌ষীব আর মারেশা। এ নঅ‌গান শঅর্‌ আর ইয়েনির কায়-কুরে বেক্‌ আদামানি তারা পেইয়োন।

যিহোশূয় 20:7

সেনত্তেই ইস্রায়েলীয়গুনে আশ্রয়-শঅর্‌ ইজেবে নপ্তালি-গুট্টিগুনোর্‌ ভাগর্‌ মুড়ো-মুড়ি চাগালার গালীলর কেদশ, ইফ্রয়িম-গুট্টির ভাগর মুড়ো-মুড়ি চাগালার শিখিম আর যিহূদা-গুট্টির ভাগর মুড়ো-মুড়ি চাগালার কিরিয়ত-অর্ব, অত্তাৎ হিব্রোণান ফারক্‌ গুরি রাগেল।

যিহোশূয় 21:12

মাত্তর্‌ হিব্রোণর চেরোকিত্তে জাগানি আর আদামানি আগে যিফুন্নির পূঅ কালেবরে সোম্বোত্তি ইজেবে দিয়্যে ওইয়্যে।