যিহোশূয় 21:1 - Chakma Bible

¹ লেবি-গুট্টির বংশর্‌ নেতাগুনে ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর অন্য গুট্টির বংশ-নেতাগুনো ইদু গেলাক্‌।

যিহোশূয় 21:1 Iomraidhean Croise

পত্থম 49:7

তারার্‌ এ দর্‌গরেপারা রাগ্‌‌কানি, এ চিৎনপুজ্যে রাগ্‌‌কানি অভিশাব্ পোড়োক্‌। মুই তারা গুট্টি যাকোব বংশগুনো ভিদিরে ভাগ গুরি দিম, আর ইস্রায়েলীয়গুনো ভিদিরে তারারে ছিদি দিম্।

যাত্রা 6:14

ইগুনে এলাক রূবেণ, শিমিয়োন আর লেবি-গুট্টির বংশর্‌ আজলুন্: ইস্রায়েল দাঙর্‌ পূয়ো রূবেণ পূয়োগুন্‌ অলাক হনোক, পল্লু, হিষ্রোণ আর কর্মি। ইগুনে রূবেণ গুট্টির বংশধর এলাক্।

যাত্রা 6:25

ইলিয়াসর পূয়ো অলঅ পীনহস। হারোণ পূয়ো ইলিয়াসর পূটীয়েল ঝিবোরে লোইয়ে আর তা পেদত্‌ পীনহসর জর্ম ওইয়্যে। ইগুনে এলাক্ লেবি-গুট্টির নানান্‌ বংশর আজলুন্।

গণাণা 35:1

যিরীহোর মুজুঙোত্‌ যর্দন গাঙ পাড়ত্‌ মোয়াবর সংজাগানত্‌ লগেপ্রভু মোশিরে দিইনে ইস্রায়েলীয়গুনোরে উগুম্‌ দিলো, সোম্বোত্তি পেবার পরেদি তুমি সিয়োত্তুন্‌ লেবিয়গুনোরে বজত্তি গুরিবাত্তে কদক্কানি আদাম আর শঅর্ দিবা, আর সিয়েনি সমারে তার্‌ চেরোকিত্তে য়েমান্‌ চোড়েবার্‌ মাদঅ দিবা।

গণাণা 35:8

ইস্রায়েলীয়গুনোর সোম্বোত্তিত্তুন্‌ লেবীয়গুনোর্‌ যেদক্কানি আদাম আর শঅর দিয়্যে অবঅ সিয়েনি পত্তি গুট্টির পেইয়্যে সোম্বোত্তির পরিমাণান বুঝেই দিয়্যে পুরিবো। যে গুট্টিবোর ভাগত্‌ বেশ্‌ আদাম আর শঅর পড়িবো সেই গুট্টিবোত্তুন্‌ বেশ্‌ আর যে গুট্টিবোর ভাগত্‌ কম্‌ আদাম আর শঅর পড়িবো সেই গুট্টিবোত্তুন্‌ কম নিবা।”

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 17:4

এ মিলেগুনে ধর্মগুরু ইলিয়াসর আর নূনর পূঅ যিহোশূয় আর নেতাগুনো ইদু যেইনে কলাক্‌, “আমা গুট্টির মানুচ্চুনো ভিদিরে আমারঅ‌ সোম্বোত্তির এক্কান ভাগ দিবার উগুম লগেপ্রভু মোশিরে দিয়্যে।” এ কধাগান শুনিনে যিহোশূয় লগেপ্রভুর উগুম মজিম তারা বাপ্পোর্‌ ভেইয়ুনো লগে তারারেয়ো সোম্বোত্তির অধিকার দিলো।

যিহোশূয় 19:51

ধর্মগুরু ইলিয়াসর, নূনর পূঅ যিহোশূয় আর ইস্রায়েলীয়গুনোর নানান্‌ গুট্টির বংশ-মুরুব্বীগুনে শীলোত মিলন-তাম্বুর দোরান ইদু লগেপ্রভুর মুজুঙোত্‌ চাম্বা চেইনে এ বেক্‌ জাগায়ানি ঠিগ্‌ গুরি দিলো। এধোক্ক্যেনগুরি তারা দেজ্‌চান ভাগ গরানার কামানি থুম্‌ গুরিলাক্‌।