যিহোশূয় 20:8 - Chakma Bible

⁸ যিরীহোর উগুদোন্দি যর্দনর পূগেন্দি তারা রূবেণ-গুট্টির ভাগর্‌ সং জাগানর ধূল্যেচরর্‌-চাগালার্‌ ভিদিরেন্দি বেৎসর, গাদ-গুট্টিগুনোর্‌ ভাগঅ গিলিয়দর রামোৎ আর মনঃশি-গুট্টির ভাগঅ বাশনর গোলন আশ্রয়-শঅর্‌ ইজেবে ঠিগ্‌ গুরিলাক্‌।

যিহোশূয় 20:8 Iomraidhean Croise

১ রাজাবলী 22:6

সেনত্তে ইস্রায়েলর রাজা ভাববাদীগুনোরে ডাগিনে এগত্তর্‌ গুরিলো। তারার্‌ অলাক্কে প্রায় চেরশত্‌। তে তারারে পুযোর্‌ গুরিলো, “রামোৎ-গিলিয়দর বিরুদ্ধে কি মুই যুদ্ধো গুরিবাত্তে যেম্‌, না নঅ-যেম্‌?” তারা কলাক্‌, “যাহ্, কিত্তেই প্রভু সিয়েন্‌ রাজা আঢত্‌ তুলি দিবো।”

২ রাজাবলী 8:28

অরামর রাজা হসায়েলর বিরুদ্ধে যুদ্ধো গুরিবাত্তে অহসিয় আহাবর পুয়ো যোরামর লগে রামোৎ-গিলিয়দদ গেলঅ। সেক্কে অরামীয়গুনে যোরামরে মারিলাক্‌। সে মের্ হানাত্তুন্‌ গম্‌ অবাত্তে যোরামে যিষ্রিয়েলত্‌ ফিরি গেলঅ। আহাবর পুয়ো যোরামে মের্ হেইয়্যে বিলিনে যিহূদার রাজা যিহোরামর্‌ পূয়ো অহসিয় তারে চেবাত্তে যিষ্রিয়েলত্‌ গেলঅ।

১ বংশধর 6:78

তারা যিরীহোর পূগেন্দি যর্দন উইপারত্‌ রূবেণ-গুট্টির চাগালাত্তুন্‌ ধূল্যেচর-চাগালার্‌ বেৎসর, যাহসা, কদেমোৎ, মেফাৎ আর ইয়েনি চেরোকিত্তে য়েমান চোড়েবার্‌ বামানি পেলাক্‌।

১ বংশধর 6:80

তারা গাদ-গুট্টির চাগালাত্তুন্‌ পেলাক্‌ গিলিয়দ রামোৎ, মহনয়িম, হিষ্‌বোণ, যাসের আর ইয়েনি চেরোকিত্তে য়েমান চোড়েবার্‌ বামানি।

দ্বি’লম্বর বিররণ 3:10

সেই সংজাগানর্ বেক্‌ আদামানি আর শঅরানি, বেক্‌ গিলিয়দ চাগালাগান আর বাশনর রাজা ওগর রেজ্যর্‌ সল্‌খা আর ইদ্রিয়ী শঅর্‌ সং গোদা বাশন দেজ্‌ছান আমি গজক্ গুরি নেযেয়্যেই।

যিহোশূয় 20:7

সেনত্তেই ইস্রায়েলীয়গুনে আশ্রয়-শঅর্‌ ইজেবে নপ্তালি-গুট্টিগুনোর্‌ ভাগর্‌ মুড়ো-মুড়ি চাগালার গালীলর কেদশ, ইফ্রয়িম-গুট্টির ভাগর মুড়ো-মুড়ি চাগালার শিখিম আর যিহূদা-গুট্টির ভাগর মুড়ো-মুড়ি চাগালার কিরিয়ত-অর্ব, অত্তাৎ হিব্রোণান ফারক্‌ গুরি রাগেল।

যিহোশূয় 20:9

কনঅ‌ ইস্রায়েলীয় বা তারা ভিদিরে বজত্তি গোজ্যে অন্য কনঅ‌ জাদঅ‌ মানুচ্‌ যুনি কাররে আদিক্কেনগুরি মারে ফেলায় সালে তে এ ঠিগ্ গোজ্যে শঅরানিত্‌ কনঅ‌ এক্কানত্‌ ধেই যেই পারিবো। লো-র্‌ হেনা যিবের্‌ সুজিবার্‌ কধা বিচের-সভাত্‌ খুনোত্‌ পোজ্যে মানুচ্চোর বিচের্‌ ন-অনা সং তে তারে মারে ফেলেই ন-পারিবো।

যিহোশূয় 21:27

মনঃশি-গুট্টির অদ্দেক্‌ মান্‌জ্যর্‌ জাগানত্তুন্‌ বাশন দেজর্‌ গোলন আর বীষ্টরা নাঙে দ্বিয়েন আদাম আর সিয়েনির লগে এ্যমান চোড়েবার খলা লেবি-গুট্টির গের্শোনীয়গুনোরে দিয়্যে অলঅ‌। ইয়েন ভিদিরে গোলনান্‌ এলদে খুনি আজামীর্ আশ্রয়-শঅর্‌।

যিহোশূয় 21:36

ইয়েনবাদে রূবেণ-গুট্টির জাগানত্তুন্‌ এ্যামান্ চোড়েবার খলা সহ তারারে দিয়্যে অলঅ‌ বেৎসর, যহস, কদেমোৎ আর মেফাৎ নাঙে চেরান আদাম।

যিহোশূয় 21:38

গাদ-গুট্টিগুনোর্‌ জাগানত্তুন্‌ তারারে দিয়্যে অলঅ গিলিয়দর রামোৎ, মহনয়িম, হিষ্‌বোন আহ্‌ যাসর নাঙে চেরান আদাম্‌ আর সিয়েনির লগে য়েমান চোড়েবার খলা। ইয়েনি ভিদিরে রামোৎতান্‌ এলদে খুনি আজামীর্‌ আশ্রয়-শঅর্‌।