যিহোশূয় 2:7 - Chakma Bible

⁷ রাহবর কধানি শুনিনে সে মানুচ্চুনে চড়ুনোরে ধুরিবাত্তে নিগিলিলাক্‌। যর্দন গাঙানর্‌ যে পথ্‌তানন্দি আদিনে পার্‌ অন্‌ তারা সিদু যেবার্‌ পথ্‌তান্‌ ধুরিনে যাহ্ ধুরিলাক্। তারা শঅরর্‌ বারেন্দি যেবার লগে লগেই শঅরর্‌ দোরান্‌ বানা গেলঅ‌।

যিহোশূয় 2:7 Iomraidhean Croise

প্রেরিত্‌ 5:23

সেক্কে তারা ফিরি যেইনে এ হবরান্ দিলাক্, “আমি দেগিলোং জেলো দোরানত্ দরমর গুরিনে তালা মাজ্জ্যে আঘে আর দোরোত্ চুগিদার থিয়্যেই আঘন্, মাত্তর্ দোরান্ খুলিনে কাররে ভিদিরে ন-দেগিলোং।”

যিহোশূয় 2:5

সাজোন্যে অক্তত্‌ শঅরর্‌ দোরান্‌ বানিবার এক্কানা আগেন্দি তারা যেয়োন্দোই। তারা কন্‌ পদেন্দি যেয়োন্‌ সিয়েন মুই হ্‌বর ন-পাং। ইক্কিনে তুমি তারার্‌ পিজেন্দি গেলে অয়ত তারারে ধুরি পাবিরা।”

যিহোশূয় 2:6

আজলে রাহবে সে দ্বিজনরে ছালঅ উগুরে নেযেইনে সিদু তার মিলি দিয়্যে মসীনার কাবড়্‌লোই নাঢি রাগেল।

যিহোশূয় 2:8

চড়ুনে ঘুমোত্‌ পড়িবার্‌ আগেন্দি রাহবে ছালঅ‌ উগুরে যেইনে তারারে কলঅ, “মুই হ্‌বর পাং লগেপ্রভু এ দেজ্‌চান তমারে দিয়্যে। তমা পৌইদ্যেনে এক্কান অমকদ দরর্‌ ভাব্‌ আমা ভিদিরে জাক্ক্যে। সেনত্তেই এ দেজর আদাম্মেগুনে তমা দরে এক্কুবারে কুল্‌ ন পেইয়্যে ওইয়োন্‌।

বিচের গুরিয়্যেগুন 12:5

যর্দন গাঙর্‌ যে জাগায়ানি আদিনে পার্ ওই ইফ্রয়িম চাগালার ইন্দি যাহ্ যায় সে জাগায়ানি গিলিয়দীয়গুনে গজক্‌ গুরি নিলাক। ইফ্রয়িম-গুট্টির বাঁজি থেইয়্যে কনঅ মানুচ্‌ যেক্কেনে কদাক্‌, “মরে পার্‌ অবাত্তে দে,” সেক্কে গিলিয়দর মানুচ্চুনে তারে পুযোর গুরিদাক্‌, তুই কি ইফ্রয়িমীয়? জোবত্‌ তে যুনি কদঅ, “না,”

বিচের গুরিয়্যেগুন 3:28

কিত্যে তে তারারে উগুম দিয়্যে, “মঅ পিজে পিজে এজঅ; লগেপ্রভু তমা শত্রু মোয়াবীয়গুনোরে তমা আঢত্‌ তুলি দিয়্যে।” সেনত্তেই তারা তার্‌ পিজে পিজে লামি যেইনে মোয়াবর কায়কুরে যর্দন গাঙর্‌ যে জাগানত্‌ আঢিনে পার্‌ ওয়া যায় সিয়েনি গজক্‌ গুরি নিলাক্‌। তারা কাররে সেই জাগায়ান ইন্দি পার্‌ অবাত্তে ন-দিলাক্‌।