যিহোশূয় 2:6 - Chakma Bible

⁶ আজলে রাহবে সে দ্বিজনরে ছালঅ উগুরে নেযেইনে সিদু তার মিলি দিয়্যে মসীনার কাবড়্‌লোই নাঢি রাগেল।

যিহোশূয় 2:6 Iomraidhean Croise

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

২ শমূয়েল 17:19

সে মানুচ্চোর মোক্কো এক্কো ঢাগনি দিইনে কূয়োবোর্‌ মুয়োন ঢাগি দিলো আর তা উগুরে সোজ্য ছিদি রাগেল। কনজনে এ ঘটনাগানর্‌ কিজু হবর্‌ ন-পেলাক্।

১ রাজাবলী 18:13

ঈষেবল যেক্কে লগেপ্রভুর ভাববাদীগুনোরে মারে ফেলেয়্যে সেক্কে মুই কি গোজ্যং সিয়েন্‌ কি মঅ গিরোজ্‌সো ন-শুনে? লগেপ্রভুর ভাববাদীগুনোরে একশঅ জনরে পঞ্চাশজন পঞ্চাশ জন গুরিনে দ্বিবে গাদত্‌ লুগেই রাগেয়োং আর তারার্‌ হানা আর পানি যুগেই দুয়োং।

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

২ রাজাবলী 11:2

মাত্তর্‌ বেক্‌ রাজার পুয়োগুনোরে মারে ফেলেবার আগেন্দি রাজা যিহোরামর ঝি অহসিয়োর বোন যিহোশেবা অহসিয়োর পুয়ো যোয়াশরে রাজার পুয়োগুনো ভিদিরেত্তুন্‌ চুর্‌ গুরি আনিলো। অথলিয়াত্তুন্‌ লুগেই রাগেবাত্তে যিহোশেবা যোয়াশে আর তার্‌ ওযাবুড়িবোরে এক্কো ঘুম্‌ যাইদে রুমোত্‌ রাগেল। সেনত্তে যোয়াশে মারা ন-পড়িলো।

যাত্রা 2:2

মিলেবো পিদিলী অলঅ আর তার্‌ এক্কো পূয়ো অলঅ। পূয়োবো চাদে অমকদ দোল্‌ এলঅ। সেনত্যে তা মাবো তারে তিন মাস সং লুগেই রাগেল।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

মথি লেখ্যে গম্ হবর্ 24:17

যে ছাল উগুরে থেবঅ তে ঘরত্তুন্ পযাপিরা নিবাত্তে তলে ন-লামোক্।

দ্বি’লম্বর বিররণ 22:8

ঘর্‌ বানেবার অক্তত্‌ তুমি সিয়েন ছালর্‌ চেরোকিত্তে দেবাল ধোক্ক্যেন গুরি কিজু উজু গুরি দিবা, যেনে কনজনে ছাল উগুরেত্তুন পড়িনে মুরি গেলে ঘরর্‌ মানুচ্চুনে তার্‌ মরণানত্তে দায়ী ন-অন্‌।

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।

ইব্রীয় 11:23

মোশির জর্মর্ পরেদি তার মা-বাবে বিশ্বেজ্ গুরিনেই তিন মাস তারে লুগেই রাগেয়্যে, কিয়া তারা দেক্ক্যন্দে পুয়োবো দোল্ আর তারা রাজার উগুমানরে ন-দোরেলাক্।

যাকোব 2:25

আর বেশ্যে মিলে রাহবরে কেধোক্ক্যেন গুরি নিদ্দুজি বিলিনে মানি লুয়ো ওইয়্যে? তে যিহূদী এস্পাইউনোরে লুগেই রাগেইনে পরেদি অন্য পধেদি তারারে পাধেই দিয়্যে, আর এ কামানত্যে তারে নিদ্দুজি বিলিনে মানি লুয়ো ওইয়্যে।

যিহোশূয় 2:5

সাজোন্যে অক্তত্‌ শঅরর্‌ দোরান্‌ বানিবার এক্কানা আগেন্দি তারা যেয়োন্দোই। তারা কন্‌ পদেন্দি যেয়োন্‌ সিয়েন মুই হ্‌বর ন-পাং। ইক্কিনে তুমি তারার্‌ পিজেন্দি গেলে অয়ত তারারে ধুরি পাবিরা।”

যিহোশূয় 2:7

রাহবর কধানি শুনিনে সে মানুচ্চুনে চড়ুনোরে ধুরিবাত্তে নিগিলিলাক্‌। যর্দন গাঙানর্‌ যে পথ্‌তানন্দি আদিনে পার্‌ অন্‌ তারা সিদু যেবার্‌ পথ্‌তান্‌ ধুরিনে যাহ্ ধুরিলাক্। তারা শঅরর্‌ বারেন্দি যেবার লগে লগেই শঅরর্‌ দোরান্‌ বানা গেলঅ‌।

যিহোশূয় 2:8

চড়ুনে ঘুমোত্‌ পড়িবার্‌ আগেন্দি রাহবে ছালঅ‌ উগুরে যেইনে তারারে কলঅ, “মুই হ্‌বর পাং লগেপ্রভু এ দেজ্‌চান তমারে দিয়্যে। তমা পৌইদ্যেনে এক্কান অমকদ দরর্‌ ভাব্‌ আমা ভিদিরে জাক্ক্যে। সেনত্তেই এ দেজর আদাম্মেগুনে তমা দরে এক্কুবারে কুল্‌ ন পেইয়্যে ওইয়োন্‌।

যিহোশূয় 6:25

যিহোশূয় যে দ্বিবে চড়রে যিরীহোত্‌ পাদেয়্যে রাহব বেশ্যে মিলেবো তারারে লুগেই রাগেয়্যে বিলিনে যিহোশূয় তারে, তা বাবর পরিবারর মানুচ্চুনোরে আর ঘরর অন্যগুনোরে রোক্ষ্যে গুরিলো। রাহবে এজঅ‌ ইস্রায়েলীয়গুনো ভিদিরে বজত্তি গরের্‌।