3 রাজা এ কধানি শুনিনে রাহব ইদু কোই পাদেল, “যিগুনে এইনে তঅ ঘরত্ চোম্মোন্ তারারে নিগিলেই আন্, কিত্যে তারা পুরো দেজ্চানর্ খোজ-হবর নিবাত্তে এচ্চোন্।”
ইয়েন পেরায় তিনমাস পরেদি যিহূদা শুনিলোদে, তার পূদবো তামরে বেশ্যে-হাংগি গোজ্যে, আর সিয়েন পরেদি তে ইক্কু পিদিলী ওইয়্যে। এ কধাগান্ শুনিনে যিহূদা কলঅ, “তারে নিগিলেই আনিনে পুড়ি ফেলা ওক্।”
মাত্তর্ আমি তারে কোইয়্যেই, আমি গম্ মানুজ্, স্পাই নয়।
মাত্তর্ অম্মোনীয় নেতাগুনে তারার্ গিরোজ্ হানূনোরে কলাক্, “তুই কি মনে গরচ্, দায়ূদে তঅ বাপ্পোরে সর্মান দেগেবাত্তে তরে বুজেবাত্তে মানুচ্ পাদেয়্যে? তে আজলে তারারে তইদু পাদেয়্যে যেনে তারা চড়্ ইজেবে শঅরর্ হবর্ নেযানার পরেন্দি সিয়েন্ ভস্ত গুরি দি পারন্।”
অবশালোমর্ মানুচ্চুনে সে ঘরানত্ এইনে মিলেবোরে পুযোর্ গুরিলাক্, “অহীমাস আর যোনাথনে কুদু?” জোবত্ মিলেবো কলঅ, “তারা পানি গঙারান্ পার্ ওই যেইয়োন।” সে মানুচ্চুনে তোগেইনে কাররে ন-পেলাক্, সেনত্তেই তারা যিরূশালেমত্ ফিরি গেলাক্।
মাত্তর্ অম্মোনীয় নেতাগুনে হানূনরে কলাক্কে, “তুই কি মনে গরচ্, দায়ূদে তঅ বাবরে সর্মান দেগেবাত্তে তরে বুঝেবাত্তে মানুচ্ পাদেয়্যে? তে তারারে তইদু পাদেয়্যে যেনে তারা এস্পাই ইজেবে দেজ হবর্ নেযেইনে পরেন্দি সিয়েন্ ভস্ত গুরি দি পারন্।”
শদান্ মান্জ্যে দযাত্ পড়িলে রেহাই পান আর রাগ্ উদিলে রোক্ষ্যে পান্?
যে মানুচ্চো অভিশাব দিয়্যে তারে তাম্বুলোর্ বারেন্দি নেযঅ। যিগুনে তারে সেই অভিশাব দেদে শুন্যন্ তারা বেক্কুনে তার্ মাদা উগুরে আত্ রাগাদোক্, সে পরেদি ইস্রায়েলীয়গুনে তারে পাত্তর মেলা দিইনে মারে ফেলাদোক্।
পীলাতে আরঅ বারেদি এইনে মানুচ্চুনোরে কলঅ, “চঅ, মুই তারে তমা ইধু নিগিলেই আনঙর্ যাতে তুমি বুঝি পারঅ, মুই তার্ কনঅ দুষ্ ন-পাঙর্।”
তে পিতররে ধুরিনে জেলোত্ দিলো। চের্জন চের্জন গুরি চের্ দল সৈন্য উগুরে পিতররে চুগি দিবার ভারান্ দিয়্যে অলঅ। হেরোদে ঠিগ্ গুরিলো, উদ্ধোর্-পরবর্ পরেদি বিচের্ গুরিবাত্যে পিতররে মানুচ্চুনো ইধু নিগিলেই আনিবো।
যেদিন্ন্যে হেরোদে বিচেরত্যে পিতররে নিগিলেই আনিবো তা আগ রেদোত্ দ্বিজন সৈন্যর্ সংমধ্যে পিতরে ঘুম যার্। তারে দ্বিআন্ শিগোল্লোই বানি থুয়ো ওইয়্যে আর চুগিদারুনে দুয়োরত্ চুগি দেদন্।
সেক্কে সে গাত্তোত্তুন্ সে পাচজন রাজারে তারা নিগিলেনেই আনিলাক্। ইগুনে এলাক্ যিরূশালেম, হিব্রোণ, যর্মূত, লাখীশ আর ইগ্লোনর রাজা।
ইয়েন ভিদিরে যিরীহো শঅরর্ রাজার কানত্ গেলদে, দেজর্ খোজ-হবর নিবাত্তে সাজোন্যে অক্তত্ কয়েক্কো ইস্রায়েলীয় ইদু এচ্চোন্।
মাত্তর্ রাহবে সে দ্বিবে মান্জ্যরে লুগেই রাগেল। তে কলঅ, “অয়, মানুচ্চুনে মইদু এচ্চোন্ ঠিগ্, মাত্তর তারা কুত্তুন্ এচ্চোন্ সিয়েন মুই হ্বর ন-পাং।
পরেন্দি সীষরা তারে কলদে, “তুই তাম্বুলোর দোরানত্ ঠিয়্যেই থাক্। যুনি কনজনে এইনে পুজোর্ গরন্ ভিদিরে কন্না আঘে নাহি সালে তারে কবে, কনজন ‘নেই।’”