যিহোশূয় 2:24 - Chakma Bible

²⁴ তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 2:24 Iomraidhean Croise

যাত্রা 15:15

ইদোমীয় সর্দারুনে দরে ওলোমত্ত্য অবাক্; মোয়াবীয় নেতাগুনে দরে গির্‌গিরেবাক্‌, আর অমহদ দর্‌বুগোত্‌ পড়িনে কনানীয়গুনে সাহস্‌ আড়েবাক্‌। ও লগেপ্রভু, তর্‌ মানেইয়ুনোর্‌ যানা থুম ন-অনা সং, তর্‌ ছাড়ি নেযেয়ে মানেইয়ুনোর্‌ যানা থুম ন-অনা সং তর্‌ দাঙর্ খেমতার্ মুজুঙোত্‌ সেই‌ বেক্‌ জাদ্‌তুনে পাত্তর্‌ ধোক্ক্যেন পড়ি থেবাক্।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

গম্ উপদেজ্ 25:13

বিশ্বেজি হবর্ দিয়্যেবো তা গিরোজ ইদু যেন খেত-খেত্তি কাবিবার অক্তত্ ঠান্ডা তুষার; কিত্তে যিগুনে তারে পাদেয়োন তে সেই গিরোজ্‌‍সোর পরানান্ জুড়োয়।

যিহোশূয় 1:8

রীদি-সুদোমর্ এ বোইবো ভিদিরে যিয়েনি লেগা আঘে সিয়েনি যেনে আমিঝে তঅ‌ মুয়োত্‌ থায়। ইবে ভিদিরে যিয়েনি লেগা আঘে সিয়েনি যেনে তুই পালেবাত্তে মন দুয়োচ্‌ সেনত্তেই দিনরেত্‌ সিয়েনিলোই তুই গমেডালে চিদে গুরিবে। সেক্কে বেক্কানিত্‌ তুই ফোলেবে আর তর্‌ গম্‌ অবঅ‌।

যিহোশূয় 2:23

যেরেন্দি সে দ্বিবে ইস্রায়েলীয় ফিরি গেলাক্‌। তারা মুড়োত্তুন কামান্দি লামি এলাক্‌ আর গাঙান্‌ পার ওইনে নূনর পূঅ যিহোশূয় ইদু যেইনে তারার যিয়েনি যিয়েনি ঘোত্যে সিয়েনি বেক্কানি কলাক্‌।

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

যিহোশূয় 6:2

লগেপ্রভু সেক্কে যিহোশূয়রে কলঅ‌, “চাহ্‌, মুই যিরীহো শঅ‌রান্‌, সিয়েনর্‌ রাজারে আর তার বেক্‌ বীর যোদ্ধাগুনোরে তঅ‌ আঢত্‌ তুলি দুয়োং।

যিহোশূয় 8:1

সে পরেন্দি লগেপ্রভু যিহোশূয়রে কলঅ‌, “তুই ন-দোরেচ্‌ আর আজা ন-আরেচ্‌। তর্‌ বেক্‌ সৈন্যদলুন্‌ নিইনে তুই অয় শঅ‌রান আরঅ‌ আক্রমণ গুরিবাত্তে যাহ্‌। অয় শঅরর্‌ রাজা, তা মানুচ্চুন্‌, তা শঅ‌রান্‌ আর দেজচান মুই তঅ‌ আদত্‌ তুলি দুয়োং।

বিচের গুরিয়্যেগুন 1:2

জোবত্‌ লগেপ্রভু কলদে, “পত্তমে যেবাক্‌ যিহূদা-গুট্টির্‌ মানুচ্চুনে; মুই তারার্‌ আঢত্‌ দেজ্‌চান তুলি দুয়োং।”

বিচের গুরিয়্যেগুন 18:10

তুমি সিয়েনত্ যেইনে দেগিবাদে, সিদুগোর্‌ মানুচ্চুনে এক্কান দাঙর্‌ জাগাত্‌ নিচিদেগুরি বজত্তি গত্তন্‌। গোজেনে তমা আঢত্‌ জাগায়ান দিইনে রাগেয়্যে। পিত্‌থিমীর কনঅ জিনিজোর অভাব সিয়েনত্‌ নেই।”

বিচের গুরিয়্যেগুন 7:9

সে রেদোত্‌ লগেপ্রভু গিদিয়োনরে কলদে, “উঠ্‌, তুই লামিনে তারার্‌ তাম্বুলান আক্রমণ গর্‌। মুই সিয়েন তঅ আঢত্‌ তুলি দুয়োঙ্‌।