যিহোশূয় 2:12 - Chakma Bible

¹² মুই তমা উগুরে বিশ্বেজ্ গোজ্যং, সেনত্তেই ইক্কিনে তুমি তমার লগেপ্রভুর নাঙে মইদু শমক্‌ খঅ‌, আমা পরিবার উগুরেয়ো তুমি বিশ্বেজ্ রাগেবা। এ পৌইদ্যেনে তুমি মরে এন্‌ এক্কান আরুক্‌ দুয়ো যিয়েন্দোই মুই বুঝি পারং,

যিহোশূয় 2:12 Iomraidhean Croise

পত্থম 21:23

সেনত্তে গোজেন নাঙে তুই ইক্কিনে মইধু এ শমত্‌তান্‌ গর্‌, মঅ লগে বা মঅ পুয়োগুনোর্ লগে, মঅ বংশধরুনোর্‌ কারর লগে তুই কনঅ ছলনার কাম্‌ ন গুরিবে। মুই যে বাবোত্যে গুরি তঅ লগে বিশ্বেজ্ গুরিনে বেবহার গোজ্যং, ঠিগ্ সেবাবোত্যে গুরি তুয়ো মঅ লগে আর যে দেজত্‌ তুই্‌ বিদেশী ওইনে বজত্তি গরর্‌ সে দেজ মানুচ্চুনো লগে গমেডালে বেবহার গুরিবে।”

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

পত্থম 24:9

সেক্কে সে চাগর্‌বো তার গিরোজ্ অব্রাহাম দামানাগানি তলে আত্‌ রাগেনে ইয়েন পৌইদ্যেনে তাইধু শমত্‌ গুরিলো।

পত্থম 40:14

মাত্তর্‌ গম দিনুনোত্‌ মঅ-কধা ভুলি ন-যেবে। ইয়েন বদলে ফরৌণ মুজুঙোত্ তুই মঅ কধা কবে, যেনে তর্ বলে মুই এ জেল্‌খানাত্তুন্‌ নিগিলি পারং।

২ বংশধর 36:13

ইয়েনিবাদে রাজা নবূখদ্‌নিৎসর, যিবে গোজেনর নাঙে তারে শমক্‌ খাবেয়্যে, তার্‌ বিরুদ্ধে তে উল্লোমি গুরিলো। তে একগেয়েমি গুরিনে আর নিজো মনান্‌ দর গুরিনে ইস্রায়েলর গোজেন লগেপ্রভুর ইন্দি ন-ফিরিলো।

ইষ্টের 8:6

মঅ জাদ্‌তুনো উগুরে আর মর্‌ নিজো মানুচ্চুনো উগুরে দযা লামি এবঅ সিয়েন্‌ দেগিনে মুই কেধোক্কেন্‌ গুরিনে সোজ্য গুরিম।?”

যাত্রা 12:13

মাত্তর্‌ তমা ঘরত্‌ যে লোগানি লিপ্যে থেবঅ সিয়েনি অবঅ তমার্‌ চিহ্নো। আর মুই সেই লোগানি চেইনে তমারে বাদ দিইনে উজেই যেম্‌। সেক্কে মিসর দেজ উগুরে মর্‌ আঘাদর্‌ দজাত্তুন্ তুমি মাপ্‌ পেই যেবা।

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

মার্ক 14:44

সেই বেঈমান্‌নো মানুচ্চুনো সমারে এক্কান্ চিহ্নো ঠিগ্ গোজ্যে। তে কোইয়্যেদে, “যিবেরে মুই চুমিম্, তেয়ই সেই মানুচ্চো। তুমি তারে ধরঅ আর চুগিদার্‌লোই নেযেয়ো।”

রোমীয় 1:31

গম্-ভান্ন্যেয়র্ জ্ঞান্ তারাত্তুন্ নেই, আর তারা অবিশ্বেজি। পরিবার ইন্দি তারার্ কোচ্‌পানা নেই আর তারার্ মনত্ দোয়্যে-মেয়্যে নেই।

১ তীমথিয় 5:8

যে নিজো কুদুম্মোগুনোরে, বিশেষ গুরিনে নিজো পরিবারর্ দেগাশুনো ন-গরে, তে তারে দিইনে তা বিশ্বেজ্‌চানরে অস্বিগের্ গোজ্জ্যে; তে অবিশ্বেজিত্তুন্‌অ বেশ্ বজং।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

যিহোশূয় 2:13

তুমি মর্‌ মা-বাপ, ভেই-বোন আর তারার্‌ বেক মানুচ্চুনোর পরাণান্‌ বাজেবা আর মরণ আদত্তুন আমারে রোক্ষ্যে গুরিবা।”

যিহোশূয় 2:19

সেক্কে যুনি কনজনে তমা ঘরত্তুন নিগিলিনে পদথ্‌ যান্‌ সালে তে নিজেই তার মরানাত্তে দায়ী থেবঅ। আমি তাত্তেই দায়ী ন-অবং। মাত্তর্ যিগুনে তঅ‌ লগে এ ঘরঅ‌ ভিদিরে থেবাক্‌ তারা কারঅ‌ উগুরে যুনি আঢ্ বাজা অয় সালে তার্‌ মরাণাত্তে আমি দায়ী থেবং।

যিহোশূয় 6:22

যে দ্বিজন চড়্ দেজ্‌ছান চেবাত্তে এচ্ছ্যন যিহোশূয় তারারে কলঅ‌, “তুমি সে বেশ্যেবো ইদু যে শমক্তান্‌ খেইয়ো সে মজিম তুমি তা ঘরত্‌ যেইনে তারে আর তার্‌ বেক্‌ মানুচ্চুনোরে নিগিলিনেই আন।”

যিহোশূয় 9:15

যিহোশূয় তারা সমারে আঢ্ মিলেল আর তারারে মারে ন-ফেলেব বিলিনে এক্কান্‌ চুক্তি গুরিলো, আর ইস্রায়েলীয় সমাজর নেতাগুনেয়ো সে পৌইদ্যেনে শমক্‌ খেলাক্‌।

বিচের গুরিয়্যেগুন 1:24

সেই মানুচ্চুনে শঅ‌রত্তুন এক্কো মান্‌জ্যরে নিগিলি এত্তে দেগিনে তারে কলাক্‌, “শঅরত্‌ চোমেবার পথ্‌তান্ তুই আমারে দেগেই দে, সালে আমি তর্‌ কনঅ ক্ষেতি ন-গুরিবোং।”

১ শমূয়েল 30:15

দায়ূদে কলঅ, “সেই লুদেয়্যেগুনো ইদু কি তুই মরে নেযেই পারিবে?” জোবত্‌ তে কলঅ, “তুই গোজেনর্‌ নাঙে শমক্‌ খেইনে কঅ, তুই মরে মারেয়ো ন-ফেলেবে বা মঅ গিরোজ্‌সোর্‌ আঢত্‌ তুলিয়ো ন-দিবে। সালে মুই তরে তারার্‌ ইদু নেযেম্‌।”