যিহোশূয় 2:11 - Chakma Bible

¹¹ ইয়েনি শুনিনে আমা মনর্‌ বেক্‌ আজা-ভরসানি ফুরেই যেইয়্যে আর তমা দরে বেক্কুনে সাহস্‌ আরেই ফেলেয়োন্‌। তমা গোজেন লগেপ্রভু স্বর্গর আর পিত্‌থিমীর গোজেন।

যিহোশূয় 2:11 Iomraidhean Croise

১ রাজাবলী 8:60

ইয়েন্দোই পিত্তিমীর্‌ বেক্‌ জাদ্‌তুনে হবর্‌ পেবাক, লগেপ্রভু গোজেন আর তে বাদে আর্‌ কনজন গোজেন নেই।

২ রাজাবলী 5:15

সেক্কে নামানে আর তা লগে যেইয়্যে বেক্‌ মানুচ্চুনে গোজেনর মানুচ্চুনোর্‌ ইদু ফিরি গেলাক্‌। নামানে তা মুজুঙোত্‌ থিয়্যেইনে কলদে, “মুই ইক্কিনে হবর্‌ পেলুং, বানা ইস্রায়েলর গোজেন বাদে গোদা দুনিয়েগানত্‌ আর কনঅ গোজেন নেই। ইক্কিনে তুই তঅ চাগের্‌বোত্তুন্‌ বক্‌শিস্‌ছান গুজি লঅ।”

নহিমিয় 6:16

আমা বেক্‌ শত্রুগুনে যেক্কে এ কধাগান শুনিলাক্‌ আর কায়-কুরে বেক্‌ জাদ্‌তুনে সিয়েন্‌ দেগিলাক্‌ সেক্কে আমা শত্রুগুনে সাহস আরেলাক্‌, কিত্যে তারা বুঝিলাক্‌, এ কামান্‌ আমা গোজেনর বল্লোই গরা ওইয়্যে।

ইষ্টের 8:17

পত্তি চাগালাত্‌ আর শঅরত্‌ যিয়েনত্‌ যিয়েনত্‌ রাজার উগুম গেলঅ সিদুগোর্ যিহূদীগুনো ভিদিরে হুজির্-ফূত্তির্‌ পরব্‌ পালা অলঅ। অন্য জাদত্তুন্‌ ভালোকজনে যিহূদী ওই গেলাক্‌, কিত্যে তারা যিহূদীগুনোরে দোরেয়োন্‌।

গীতসংহিতা 102:15

সেক্কে লগেপ্রভুর নাঙান্ শুনিনে অন্য বেক জাদ্‌তুনে দোরেবাক্; তর্ বাঈনী দেগিনে পিত্‌থিমীর বেক রাজাগুনোর মনত্ দর্‌বুক্ লাগিবো।

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

গীতসংহিতা 58:7

গঙার পানি ধোক্ক্যেন্ তারা মিলেই যান; তারার ধনুলোই টান দিয়্যে সেলর কট্টানি ভাঙি পোড়োক্।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

যাত্রা 15:14

সেই কধানি শুনিনেই অন্য জাদ্‌তুনে জদবদে দরে গির্‌গিরেবাক্‌, আর পলেষ্টীয়গুনোর্‌ মনানি অমহদ দুগে নরম্‌ অবঅ‌।

যাত্রা 15:15

ইদোমীয় সর্দারুনে দরে ওলোমত্ত্য অবাক্; মোয়াবীয় নেতাগুনে দরে গির্‌গিরেবাক্‌, আর অমহদ দর্‌বুগোত্‌ পড়িনে কনানীয়গুনে সাহস্‌ আড়েবাক্‌। ও লগেপ্রভু, তর্‌ মানেইয়ুনোর্‌ যানা থুম ন-অনা সং, তর্‌ ছাড়ি নেযেয়ে মানেইয়ুনোর্‌ যানা থুম ন-অনা সং তর্‌ দাঙর্ খেমতার্ মুজুঙোত্‌ সেই‌ বেক্‌ জাদ্‌তুনে পাত্তর্‌ ধোক্ক্যেন পড়ি থেবাক্।

যিশাইয় 13:7

সেনত্তে বেক্কুনোর্ আঢ্‌‌তানি গির্‌গিজ্যে ওই পুরিবো আর বেক্ মানুচ্চুনে সাহজ্ আরেবাক্।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিহিষ্কেল 21:15

কাবি ফেলেবাত্তে তারার্ বেক্ গেট্‌‌‌‌‌‌‌‌‌‌তুনোত্ মুই লাম্বাছুরি বোজেয়োং আর যেনে তারার্ মনানি বেক্কানি গুলি যায় আর ভালোক্কুনে মুরি যান্। অয়, সেই লাম্বা ছুরিগানে কারেন ধোক্ক্যেন ঝিমিলায়; সিয়েনে কাবি ফেলেবাত্তে ধারা ওইয়্যে।

নহূম 2:10

তারে লুদো অর্, খালি গরা অর্ আর ভস্ত গরা অর্। তা মানুচ্চুনোর মনানি গলি যেইয়্যে, আঢু গিলেগুন দগ্‌‌দগাদন্; তারার্ কমরত্ আর জোর্ নেই, তারার পত্তিজনর্ রাঙা-কালা মু ওই যেইয়্যে।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 20:8

সে নেতাগুনে আরঅ কবাক্কে, তমা ভিদিরে যুনি কনজনে দোরেইনে থান্‌ বা সাহস আরেইনে থান্‌, মাত্তর্‌ সিয়েন দেগিনে যেনে অন্য ইস্রায়েলীয় ভেইয়ুনোর মনবল ভাঙি ন যায় সেনত্যে তে ঘরত্‌ ফিরি যোক্।

দ্বি’লম্বর বিররণ 4:39

“এচ্চ্যে তুমি এ কধাগান্‌ জানি রাগেয়ো আর মনত্‌ রাগেয়ো, লগেপ্রভুই উগুরে স্বর্গর আর তলেন্দি পিত্‌থিমীর গোজেন, আর তে বাদে অন্য কনঅ গোজেন নেই।

যিহোশূয় 14:8

মাত্তর্‌ যে ভেইয়ুনে মঅ‌ লগে যেইয়োন্‌ তারা মানুচ্চুনোরে নিরাশ্‌ গুরি তুল্যন্‌। তো মুই মর্‌ গোজেন লগেপ্রভুর কধানি পুরোপুরিই মানি চোল্যং।

যিহোশূয় 2:24

তারা যিহোশূয়রে কলাক্, “এ কধাগান ঠিগ্‌, লগেপ্রভু পুরো দেজ্‌চান আমা আদত্‌ তুলি দিয়্যে। আমা দরে সে জাগানর্‌ বেক্‌ মানুচ্চুনে এক্কুবারে মন্‌মরা ওই পোজ্যন্‌।”

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

যিহোশূয় 7:5

শঅরর্‌ গেদো ইত্তুন্ অয় শঅরর্‌ মানুচ্চুনে ইস্রায়েলীয়গুনোরে লোড়েইনে শবারীম সং নেযেলাক্‌ আর শবারীমর কামা জাগানত্‌ তারার্‌ ছত্রিশজনরে মারে ফেলেলাক্‌। সেক্কে ইস্রায়েলীয়গুনোর মনবল এক্কুবারে ভাঙি পড়িলো।

যিহোশূয় 9:24

জোবত্‌ তারা যিহোশূয়রে কলাক্‌, “এই গোদা দেজ্‌ছানই তমারে দিবাত্তে আর তমা মুজুঙোত্তুন্‌ এ দেজছানর্‌ বেক্কুনোরে পুজি ফেলেবাত্তে যে উগুমান তঅ‌ গোজেন লগেপ্রভু তা চাগর্‌ মোশিরে দিয়্যে সিয়েন গমেডালেই তর্‌ এই চাগরুনোরে কুয়ো ওইয়্যে। সেনত্তে তমা পৌইদ্যেনে বেক্‌ কধানি শুনিনে পরাণর দরে আমি এ কামানি গোজ্যই।

ফগদাং পেইয়্যে 6:16

তারা মোন্‌মুড়ো আর পাত্তরুনোরে কলাক্, “আমা উগুরে পড় আর যিবে সেই সিংহাসন উগুরে বৈ আঘে তা মুয়ো মুজুঙোত্তুন্ আর ভেড়া-ছবোর্ রাগত্তুন্ আমারে লুগেই থঅ,