যিহোশূয় 2:10 - Chakma Bible

¹⁰ মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।

যিহোশূয় 2:10 Iomraidhean Croise

গীতসংহিতা 74:15

তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গণাণা 20:14

পরেদি মোশি কাদেশত্তুন্‌ মানুচ্‌ পাদেইনে ইদোম দেজর্‌ রাজাবোরে কোই পাদেল, “আমি, তর্‌ ইস্রায়েলীয় ভেইয়ুন, তরে এক্কান্‌ কধা কবাত্তে চেই। তুই আমার্‌ দুঘ-কষ্টর্‌ কধা জানচ্‌।

গণাণা 23:22

মিসরত্তুন্‌ তে তারারে নিগিলেই আন্যে, তে তারার্‌ পক্ষেন্দি ঝাড়্‌বো গভর্‌ বলঅ ধোক্ক্যেন ।

গণাণা 24:8

গোজেনে মিসর দেজত্তুন্‌ তারারে নিগিলেই আন্যে, তেয়ই তারার্‌ পক্ষেন্দি ঝাড়্‌বো গভর্‌ বল ধোক্ক্যেন। তারার্‌ বিরুদ্ধে যিদুক্কুন জাদে থিয়্যেবাক্ তারা তারারে গিলি ফেলেবাক্‌ তারার আরুন্‌ কট্টা কট্টা গুরিবাক, শেল্‌লোই তারারে আঘাত্‌ গুরিবাক।

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

যিহোশূয় 24:12

মুই তমা আগেন্দি বলাপুগ্‌ পাধেই দিলুং; বলাপুক্কুন্‌ তমা মুজুঙোত্তুন্‌ সে দ্বি’জন ইমোরীয় রাজারে ধাবেই দিলো। তুমি যে তমার লাম্বা ছুড়ি বা সেল্‌-ধনুগানিলোই ইয়েনি গোজ্য সিয়েন্‌ নয়।

যিহোশূয় 4:24

তে এ কামান্‌ গোজ্যেদে যেনে পিত্‌থিমীর বেক্‌ জাদ্‌তুনে জানি পারন্‌, লগেপ্রভুর আত্তান্‌ বোলী আর যেনে তুমি আমিজে তমা গোজেন লগেপ্রভুরে ভক্তিবলা দোরেইনে চলঅ‌।”

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

যিহোশূয় 9:10

ইয়েনবাদে তে হিষবোনোর রাজা সীহোন আর অষ্টারোদত্‌ বজত্তি গুরিয়্যে বাসনর রাজা ওগ-যর্দনর পূগেন্দি এ দ্বিবে ইমোরীয় রাজারে যে দজাত্‌ ফেলেয়্যে সে কধানিয়ো আমি শুন্ন্যেই।