যিহোশূয় 2:1 - Chakma Bible

¹ নূনর পূঅ যিহোশূয় শিটীমত্তুন দ্বিবে চড়রে এ কধাগান কোইনে গুমোরত্ পাধেই দিলো, “তুমি যেইনে সে দেজ্‌চান আর বিশেজ্ গুরি যিরীহো শঅরান্‌ গমে ডালে চেই এজঅ।” এই কধাগান শুনিনে তারা যিরীহো শঅরত্‌ গেলাক্‌। সিদু তারা রাহব নাঙে এক বেশ্যে মিলে ঘরত্‌ যেইনে রলাক্‌।

যিহোশূয় 2:1 Iomraidhean Croise

পত্থম 42:16

তমা চিগোন্‌ ভেইবোরে আনিবাত্তে তমা ভিদিরেত্তুন্‌ একজনরে পাধেই দুয়ো, আর বাদবাগী বেক্কুনে বোন্দি থাগঅ। তমা কধাগান্‌ সত্য না কি ইয়েন্দোই তার প্রমাণ অবঅ। মাত্তর্‌ যুনি তারে ন-আনঅ সালে ফরৌণ জীংকানিগান নাঙে শমক্ গরঙর্‌, তুমি স্পাই।”

পত্থম 42:9

তারা পৌইদ্যেনে তে যে স্ববনান্‌ দেক্ক্যে সে কধাগান্‌ সেক্কে তার মনত্‌ পড়িলো। তে তারারে কলঅ, “তুমি স্পাই। আমা দেজত্‌ কন্ কন্ জাগাত্‌ চুগিদারর্ কনঅ বেবস্থা নেই তুমি সিয়েন্‌ চেবাত্তে এচ্চো।”

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

গণাণা 13:1

ইয়েনর্ পরেদি লগেপ্রভু মোশিরে কলঅ,

গণাণা 13:2

“যে কনান দেজ্‌চান্‌ মুই ইস্রায়েলীয়গুনোরে দিবাত্তে যাঙর্‌ সিয়েন পৌইদ্যেনে খোঁজ-খবর লোই আনিবাত্তে তুই পত্তি বারবো গুট্টিত্তুন এক্কো গুরিনে নেতা পাধেই দে।”

গণাণা 25:1

শিটীম শঅর ইদু থেবার সময় ইস্রায়েলীয়গুনে মোয়াবীয় মিলেগুনো সমারে সিনেলী আরাম্ভ গোজ্যন্‌।

গণাণা 33:49

এই তাম্বুলান তারা ফেলেয়োন্‌ যর্দন গাঙর্‌ দুঝিবো ধুরিনে মোয়াবর সংজাগানত্‌ বৈৎ-যিশীমোৎত্তুন্‌ আবেল-শিটীম শঅর সং।

মথি লেখ্যে গম্ হবর্ 1:5

সল্‌মোন পুয়ো বোয়স-তা মাবো অলঅ রাহব; বোয়স পুয়ো ওবেদ-তা মাবো অলঅ রূত; ওবেদ পুয়ো যিশয়;

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

ইব্রীয় 11:31

বিশ্বেজত্তে রাহব বেশ্যে মিলেবো যিরীহো শঅরত্ বজত্তি গুরিয়্যে অবাধ্য মানুচ্চুনো সমারে ভস্ত ন-অয়, কিয়া তে সেই চড়ুনোরে সমাজ্জ্যে ধোক্ক্যেন মানি লোইয়্যে।

যাকোব 2:25

আর বেশ্যে মিলে রাহবরে কেধোক্ক্যেন গুরি নিদ্দুজি বিলিনে মানি লুয়ো ওইয়্যে? তে যিহূদী এস্পাইউনোরে লুগেই রাগেইনে পরেদি অন্য পধেদি তারারে পাধেই দিয়্যে, আর এ কামানত্যে তারে নিদ্দুজি বিলিনে মানি লুয়ো ওইয়্যে।

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 2:2

ইয়েন ভিদিরে যিরীহো শঅরর্‌ রাজার কানত্‌ গেলদে, দেজর্‌ খোজ-হবর নিবাত্তে সাজোন্যে অক্তত্‌ কয়েক্কো ইস্রায়েলীয় ইদু এচ্চোন্‌।

যিহোশূয় 3:1

যিহোশূয় বেন্যেপোত্যে ঘুমোত্তুন্ উদিনে বেক্‌ ইস্রায়েলীয়গুনো লগে শিটীমত্তুন যাহ্ ধুরিনে যর্দন গাঙানর্‌ ইদু গেলঅ‌। গাঙান্‌ পার্‌ ন-অনা সং তারা সিয়েনত্‌ রলাক্‌।

যিহোশূয় 5:10

সে মাসর চৌদ্দো দিনোত্‌ সজোন্যা অক্তত্‌ যিরীহোর সং জাগানত্‌ গিল্‌গলত্‌ তাম্বুল্‌ ফেলেইনে থেবার অক্তত্‌ ইস্রায়েলীয়গুনে উদ্ধোর-পরব্‌ পালেলাক্‌।

বিচের গুরিয়্যেগুন 1:23

তারা শঅ‌রান গমেডালে চেই এবাত্তেই সিদু কয়েক্কো মানুচ্‌ পাধেই দিলাক্‌। বৈথেলর পুরোণ নাঙান্‌ এলদে লূস।

বিচের গুরিয়্যেগুন 18:14

যে পাঁচজন মান্‌জ্যে লয়ীশোত্‌ যেইনে হুদিশ্‌ লোই এচ্ছোন তারা তারার মানুচ্চুনোরে কলাক্‌, “তুমি কি হবর্‌ পঅ, এ ঘরানির এক্কানত্‌ এক্কো এফোদ, কয়েক্কো দেবেদামূত্তি, এক্কো সীল্‌মাজ্যে মূত্তি আর এক্কো সাজিনে গোলেয়্যে আরুক্‌ আঘে? ইক্কিনে তমাত্তুন্‌ কি গরা পুরিবো সিয়েন্‌ তুমি ভাবি চঅ।”

বিচের গুরিয়্যেগুন 18:17

সে ধর্মগুরুবোয়ো সে ছয়শত মান্‌জ্যর লগে সিয়েনত্‌ থিয়েইয়্যে এলঅ। সেক্কে দেজ্‌ছানর্‌ হুদিশ্‌ যিগুনে লোই এচ্ছোন সে পাচজনেয়ো ভিদিরে সোমেইনে সীল্‌মাজ্যে মূত্তিবো, এফোদটো, দেবেদামূত্তিগুন আর ছাজিনে গোলেয়্যে আরুক্কোয়ো নেযেলাক্‌।

বিচের গুরিয়্যেগুন 18:2

সেনত্তেই দানীয়গুনে সরা আর ইষ্টায়োলত্তুন তারার পাঁচজন বোলী বন্দরে তোগেবাত্তে পাধেই দিলাক্‌ যেনে তারা দেজ্‌চান গমেডালে চেই এই পারন্‌। এই পাচজনরে তারা কোই দিলাক্‌, “তুমি দেজ্‌চানর গমেডালে চেই এজঅ।” সেক্কে সে মানুচ্চুনে ইফ্রয়িমর মুড়ো-মুড়ি চাগালাত্‌ যেইনে সুমিলাক্ আর রেদোত্‌ মীখার ঘরর কায়-কুরে রলাক্‌।